ນາຍົກລັດຖະມົນຕີ ລາວ-ຍີ່ປຸ່ນ ພົບປະສອງຝ່າຍ


...

    ໃນໂອກາດເດີນທາງເຂົ້າ ຮ່ວມກອງປະຊຸມສາກົນ ກ່ຽວ ກັບອະນາຄົດຂອງອາຊີ (Future of Asia) ຄັ້ງທີ 23 ແຕ່ ວັນທີ 5-6 ມີຖຸນາ 2017 ທີ່ ຈັດໂດຍສຳນັກຂ່າວນິກເກ ຂອງຍີ່ປຸ່ນ. ໃນວັນທີ 5 ມີຖຸນາ 2017, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ຂຶ້ນກ່າວຄຳປາໄສຕໍ່ ກອງປະຊຸມດັ່ງກ່າວ, ຊຶ່ງໄດ້ຮັບຄວາມສົນໃຈ ຈາກບັນດາຜູ້ເຂົ້າຮ່ວມກອງປະຊຸມເປັນຢ່າງຍິ່ງ. ຕໍ່ມາ ວັນທີ 7 ມີຖຸນາ 2017, ທ່ານ ນາຍົກລັດຖະມົນຕີໄດ້ທຳການຢ້ຽມຢາມຍີ່ປຸ່ນຢ່າງເປັນທາງການ, ຊຶ່ງພິທີ ຕ້ອນຮັບໄດ້ຈັດຂຶ້ນທີ່ເຮືອນຮັບຮອງລັດຖະບານ. ໃນການພົບປະສອງຝ່າຍ ແມ່ນເຕັມໄປດ້ວຍບັນຍາກາດ ອັນອົບອຸ່ນ ແລະ ເຂົ້າອົກເຂົ້າ ໃຈຊຶ່ງກັນ ແລະ ກັນ, ໂດຍສອງ ຝ່າຍໄດ້ຕີລາຄາສູງຕໍ່ການເປັນ ຄູ່ຮ່ວມມືຍຸດທະສາດລະຫວ່າງ ສອງປະເທດທີ່ນັບມື້ນັບຂະ ຫຍາຍຕົວຂຶ້ນຢ່າງບໍ່ຢຸດຢັ້ງ, ຊຶ່ງເຫັນໄດ້ຈາກຫຼາຍຂົງເຂດ ຂອງການຮ່ວມມືປະສົບຜົນສຳ ເລັດດີ. ສອງປະເທດໄດ້ມີການ ແລກປ່ຽນການຢ້ຽມຢາມຊຶ່ງ ກັນ ແລະ ກັນຢ່າງເປັນປົກກະ ຕິລະຫວ່າງການນຳຂັ້ນສູງກໍຄື ລະດັບຕ່າງໆ. ໂຕເລກທາງ ດ້ານການຄ້າ, ການລົງທຶນ ແລະ ການທ່ອງທ່ຽວຂອງຍີ່ປຸ່ນ ຢູ່ ສປປ ລາວ ມີຈຳນວນເພີ່ມ ຂຶ້ນຢ່າງຕໍ່ເນື່ອງ. ປັດຈຸບັນ, ການລົງທຶນຂອງຍີ່ປຸ່ນຈັດຢູ່ໃນ ອັນດັບ 7 ຂອງການລົງທຶນຕ່າງ ປະເທດໃນລາວ ລວມມີ 102 ໂຄງການ ມູນຄ່າທັງໝົດປະ ມານ 438 ລ້ານໂດລາສະຫະ ລັດ ແລະ ມູນຄ່າການຄ້າສອງ ຝ່າຍໃນປີ 2016 ມີປະມານ 231 ລ້ານໂດລາສະຫະລັດ, ໃນນັ້ນລາວນຳເຂົ້າ 116 ລ້ານ ໂດລາສະຫະລັດ ແລະ ສົ່ງ ອອກ 115 ລ້ານໂດລາສະຫະ ລັດ, ຈັດເປັນອັນດັບ 4 ຮອງ ຈາກໄທ, ຈີນ ແລະ ຫວຽດ ນາມ. ພ້ອມນັ້ນ, ສອງຝ່າຍໄດ້ ຕີລາຄາສູງຕໍ່ການຈັດຕັ້ງປະຕິ ບັດແຜນຮ່ວມມືການພັດທະ ນາລະຫວ່າງ ສປປ ລາວ ແລະ ຍີ່ປຸ່ນ ເພື່ອພັດທະນາປະເທດ ລາວແບບຍືນຍົງ ຄຽງຄູ່ກັບ ແຜນພັດທະນາເສດຖະກິດ - ສັງຄົມ 5 ປີ ຄັ້ງທີ 8 (2016 - 2020) ຂອງ ສປປ ລາວ. ສອງ ຝ່າຍມີຄວາມຍິນດີຈະສືບຕໍ່ ປຶກສາຫາລື ແລະ ຊຸກຍູ້ການ ຮ່ວມມືດ້ານເສດຖະກິດ, ການ ຄ້າ, ການລົງທຶນ, ການສຶກສາ ແລະ ວັດທະນະທຳລວມທັງ ດ້ານຕ່າງໆທີ່ຢູ່ພາຍໃຕ້ຂອບຄູ່ ຮ່ວມມືຍຸດທະສາດນຳກັນ. ພ້ອມກັນນັ້ນ, ສອງຝ່າຍຍັງໄດ້ ຫາລືກັນກ່ຽວກັບຄວາມເປັນ ໄປໄດ້ໃນການເປີດສາຍການ ບິນໂດຍກົງໂຕກຽວ - ວຽງຈັນ ເພື່ອສົ່ງເສີມການໄປມາຫາສູ່ ກັນ ລະຫວ່າງປະຊາຊົນສອງ ປະເທດໃຫ້ຫຼາຍຂຶ້ນ. ນອກ ຈາກນັ້ນ, ສອງຝ່າຍໄດ້ແລກ ປ່ຽນຄຳເຫັນຕໍ່ສະພາບການ ພາກພື້ນ ແລະ ສາກົນ ທີ່ສອງ ຝ່າຍມີຄວາມສົນໃຈຮ່ວມກັນ ເພື່ອປະກອບສ່ວນເຮັດໃຫ້ມີ ສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມຈະ ເລີນຮຸ່ງເຮືອງຂອງພາກພື້ນ. ໃນໂອກາດດັ່ງກ່າວ, ທ່ານນາຍົກ ທອງລຸນ ສີສຸລິດ ໄດ້ສະແດງຄວາມຂອບໃຈຕໍ່ ການຕ້ອນຮັບອັນອົບອຸ່ນ ແລະ ສະແດງຄວາມຊົມເຊີຍຕໍ່ຜົນ ສຳເລັດຂອງກອງປະຊຸມສາ ກົນກ່ຽວກັບອະນາຄົດຂອງອາ ຊີຄັ້ງນີ້, ພ້ອມທັງຕີລາຄາສູງ ແລະ ສະແດງຄວາມຂອບໃຈຕໍ່ ການຊ່ວຍເຫຼືອຂອງລັດຖະ ບານຍີ່ປຸ່ນໃນດ້ານຕ່າງໆເຊັ່ນ: ການຊ່ວຍເຫຼືອທາງການເພື່ອ ພັດທະນາ (ODA) ທີ່ເປັນອັນ ດັບ 1 ຂອງປະເທດທີ່ໃຫ້ການ ຊ່ວຍເຫຼືອແກ່ ສປປ ລາວ, ຊຶ່ງ ໃນປີ 2016 ໄດ້ມີ 5 ໂຄງການ ລວມມູນຄ່າທັງໝົດ 13,854 ຕື້ເຢນ (ປະມານ 122 ລ້ານໂດ ລາສະຫະລັດ) ແລະ ໃນສົກ 6 ເດືອນຕົ້ນປີ 2017 ກໍມີການ ລົງນາມເອກະສານແລກປ່ຽນ 2 ໂຄງການ ລວມມູນຄ່າ 367 ລ້ານເຢນ (ປະມານ 3,7 ລ້ານ ໂດລາສະຫະລັດ); ການອະນຸ ມັດໂຄງການຮ່ວມມືດ້ານວິຊາ ການ ໃນສົກປີ 2015 - 2016 ຈຳນວນ 11 ໂຄງການ, ຊຶ່ງ ບັນດາໂຄງການເຫຼົ່ານັ້ນຈະຈັດ ຕັ້ງປະຕິບັດໃນສົກປີ 2017 - 2018; ການອະນຸມັດທຶນການ ສຶກສາໄລຍະຍາວ ລະດັບປະ ລິນຍາໂທ ແລະ ປະລິນຍາ ເອກ ເພື່ອສ້າງຂີດຄວາມສາ ມາດໃຫ້ ສປປ ລາວ ໃນການ ປັບປຸງວຽກງານບູລະນະຮັກສາ ທາງຫຼວງແຫ່ງຊາດລາວ; ໂຄງ ການຊ່ວຍເຫຼືອທາງດ້ານການ ຄຸ້ມຄອງເສດຖະກິດມະຫາ ພາກ ໂດຍສະເພາະການຄຸ້ມ ຄອງ ແລະ ເກັບລາຍຮັບເຂົ້າ ງົບປະມານ; ໂຄງການສ້າງຂີດ ຄວາມສາມາດໃຫ້ແກ່ການນຳ ຂັ້ນສູງຂອງ ສປປ ລາວ; ໂຄງ ການຂະຫຍາຍສະໜາມບິນ ສາກົນວັດໄຕ; ການສົ່ງອາສາ ສະໝັກຍີ່ປຸ່ນມາຊ່ວຍ ສປປ ລາວ, ເຊິ່ງນັບແຕ່ປີ 1965 ມາເຖິງປັດຈຸບັນມີອາສາສະ ໝັກຫຼາຍກວ່າ 800 ຄົນ ແລະ ຊ່ຽວຊານຫຼາຍກວ່າ 4.500 ຄົນ ແລະ ການໃຫ້ທຶນຊ່ວຍ ເຫຼືອແກ່ ສປປ ລາວ ເຂົ້າໃນ ໂຄງການເລັ່ງລັດວຽກງານເກັບ ກູ້ລະເບີດ ເພື່ອສະໜັບສະໜູນ ໃຫ້ແກ່ວຽກງານພັດທະນາຊົນ ນະບົດ ແລະ ລຶບລ້າງຄວາມ ທຸກຍາກໄລຍະ 02 ເປັນຈຳ ນວນເງິນ 7,03 ລ້ານໂດລາສະ ຫະລັດ. ໃນຂະນະດຽວກັນ, ທ່ານນາຍົກ ທອງລຸນ ສີສຸລິດ ຍັງໄດ້ສະແດງຄວາມຂອບໃຈ ຕໍ່ລັດຖະບານຍີ່ປຸ່ນທີ່ເຫັນດີ ສືບຕໍ່ສຶກສາຄວາມເປັນໄປໄດ້ ໃນການກໍ່ສ້າງເສັ້ນທາງດ່ວນ ວຽງຈັນ - ຮ່າໂນ້ຍ, ເຊິ່ງເປັນ ໂຄງການບຸລິມະສິດ ທີ່ນອນຢູ່ ໃນແຜນຍຸດທະສາດການພັດ ທະນາຂອງທັງສອງປະເທດ ລາວ - ຫວຽດນາມ. ການຊ່ວຍ ເຫຼືອທັງໝົດນັ້ນໄດ້ປະກອບ ສ່ວນອັນສຳຄັນເຂົ້າໃນການ ພັດທະນາເສດຖະກິດ - ສັງ ຄົມ ຂອງ ສປປ ລາວ ແລະສອດ ຄ່ອງກັບຄວາມຈຳເປັນ ໃນການ ປັບປຸງການດຳລົງຊີວິດຂອງ ປະຊາຊົນລາວໃຫ້ດີຂຶ້ນເພື່ອ ຫຼຸຸດຜ່ອນຄວາມທຸກຍາກ ກໍຄື ຫຼຸຸດຄວາມແຕກໂຕນດ້ານການ ພັດທະນາຂອງ ສປປ ລາວ ກັບປະເທດອື່ນໃນພາກພື້ນ ເພື່ອໃຫ້ຫຍັບໃກ້ເຂົ້າຫາກັນ. ໃນໂອກາດດຽວກັນ, ທ່ານ ຊິນໂຊ ອາເບະ ນາຍົກ ລັດຖະມົນຕີແຫ່ງ ຍີ່ປຸ່ນ ກໍໄດ້ ສະແດງຄວາມຍິນດີຕ້ອນຮັບ ຕໍ່ການຢ້ຽມຢາມຂອງນາຍົກ ລັດຖະມົນຕີລາວຄັ້ງນີ້ ແລະ ຕີລາຄາສູງຕໍ່ການຮ່ວມມືຂອງ ສປປ ລາວ ໃນຂອບສອງຝ່າຍ ແລະ ຫຼາຍຝ່າຍ, ພ້ອມທັງສະ ແດງຄວາມຂອບໃຈຕໍ່ການ ເຂົ້າຮ່ວມກອງປະຊຸມສາກົນ ກ່ຽວກັບອະນາຄົດຂອງອາຊີ ຂອງທ່ານນາຍົກລັດຖະມົນຕີ ລາວ ແລະ ສະແດງຄວາມ ຂອບໃຈ ຕໍ່ລັດຖະບານແຫ່ງ ສປປ ລາວ ທີ່ໃຫ້ການຮ່ວມມື- ສະໜັບສະໜູນຍີ່ປຸ່ນໃນເວທີ ພາກພື້ນ ແລະ ສາກົນ. ພາຍຫຼັງສຳເລັດການພົບ ປະ, ສອງນາຍົກລັດຖະມົນຕີ ລາວ ແລະ ຍີ່ປຸ່ນ ກໍໄດ້ຮ່ວມ ຖະແຫຼງຂ່າວຕໍ່ສື່ມວນຊົນກ່ຽວ ກັບຜົນສຳເລັດຂອງການພົບ ປະສຸດຍອດສອງຝ່າຍດັ່ງກ່າວ.