ກະຊວງສຶກສາດຳເນີນຊີວິດການເມືອງ ປັບປຸງປົວແປງພັກ


...

    ກະຊວງສຶກສາທິການ ແລະ ກິລາໄດ້ໄຂກອງປະຊຸມ ການດຳເນີນຊີວິດການເມືອງ, ປັບປຸງປົວແປງທົ່ວອົງຄະນະ ພັກຢ່າງເປັນທາງການ ຂຶ້ນເມື່ອ ວັນທີ 8 ມີຖຸນານີ້ ທີ່ສະຖາບັນ ຄົ້ນຄວ້າວິທະຍາສາດການສຶກ ສາ ໂດຍການໃຫ້ກຽດເຂົ້າຮ່ວມ ຂອງສະຫາຍ ພັນຄຳ ວິພາວັນ ກຳມະການກົມການເມືອງສູນ ກາງພັກ ຜູ້ປະຈຳການຄະນະ ເລຂາທິການສູນກາງພັກ ຮອງ ປະທານປະເທດ ຫົວໜ້າຄະ ນະຮັບຜິດຊອບດຳເນີນຊີວິດ ການເມືອງທົ່ວພັກ ປີ 2017 ຊຶ່ງມີສະຫາຍ ນາງ ແສງເດືອນ ຫຼ້າຈັນທະບູນ ກຳມະການສູນ ກາງພັກ ເລຂາຄະນະພັກ ລັດຖະມົນຕີ ກະຊວງສຶກສາທິການ ແລະ ກິລາ, ບັນດາຄະນະພັກ ຄະນະ ນຳກະຊວງ ແລະ ມະຫາວິທະ ຍາໄລແຫ່ງຊາດ ພ້ອມດ້ວຍ ພະນັກງານສະມາຊິກພັກຫຼັກ ແຫຼ່ງອ້ອມຂ້າງກະຊວງຕະຫຼອດ ຮອດແຂກຖືກເຊີນເຂົ້າຮ່ວມ. ການດຳເນີນຊີວິດການ ເມືອງຄັ້ງນີ້ໄດ້ແບ່ງອອກເປັນ 2 ໄລຍະຄື: ໄລຍະທີ 1 ແຕ່ວັນ ທີ 8-9 ແລະ ວັນທີ 16 ມີຖຸນາ 2017, ໄລຍະທີ 2 ແຕ່ວັນທີ 12 ຫາ ວັນທີ 15 ມີຖຸນາ 2017 ຊຶ່ງກອງປະຊຸມດຳເນີນຊີວິດ ການເມືອງດັ່ງກ່າວຈະໄດ້ຮັບ ຟັງການເຜີຍແຜ່ເຊື່ອມຊຶມເນື້ອ ໃນເອກະສານເດັດດ່ຽວປັບປຸງ ປົວແປງພັກໃຫ້ປອດໃສ, ເຂັ້ມ ແຂງ ແລະ ໜັກແໜ້ນ, ບົດສະ ຫຼຸຸບຕີລາຄາຄວາມຮັບຜິດຊອບ ການນຳພາລວມຂອງຄະນະ ພັກກະຊວງໃນການນຳພາຜັນ ຂະຫຍາຍມະຕິກອງປະຊຸມ ໃຫຍ່ ຄັ້ງທີ VIII ຂອງຕົນ ແລະ ມະຕິກອງປະຊຸມໃຫຍ່ ຄັ້ງທີ X ຂອງພັກ ໃນໄລຍະ 1 ປີກ່ວາ ຜ່ານມາ; ພ້ອມກັນນີ້ບັນດາ ຄະນະພັກ, ຄະນະນຳກະຊວງ ຍັງຈະໄດ້ຜ່ານບົດສຳຫຼວດ ກວດກາຕົນເອງ ແລະ ຕຳນິຕິ ຊົມຊຶ່ງກັນ ແລະ ກັນ ແລະ ຍັງ ຈະໄດ້ທາບທາມລົງຄະແນນ ສຽງໄວ້ວາງໃຈຕໍ່ຄະນະພັກຂັ້ນ ເທິງຂອງຕົນອີກ. ໃນໂອກາດເຂົ້າຮ່ວມກອງ ປະຊຸມເທື່ອນີ້, ສະຫາຍ ພັນຄຳ ວິພາວັນ ໄດ້ມີຄຳເຫັນໂອ້ລົມ ແລະ ຊີ້ນຳຕໍ່ກອງປະຊຸມ ຊຶ່ງ ບາງຕອນສຳຄັນ ສະຫາຍໄດ້ ຍົກໃຫ້ເຫັນວ່າ: ການດຳເນີນຊີ ວິດການເມືອງຄັ້ງນີ້ແມ່ນຄວາມ ຈຳເປັນພາວະວິໄສ ແລະ ຄວາມ ຮຽກຮ້ອງຕ້ອງການອັນຮີບ ດ່ວນ ເພື່ອປັບປຸງ, ເຊີດຊູສະຕິ ຄວາມຮັບຜິດຊອບ ແລະ ເພື່ອ ຮັກສາບົດບາດຄວາມສາມາດ ການນຳພາຂອງພັກ, ຄວາມ ສັກສິດຂອງອຳນາດລັດ, ຄວາມ ເປັນແບບຢ່າງນຳໜ້າຂອງຄະ ນະພັກແຕ່ລະຂັ້ນ ແລະ ສະມາ ຊິກພັກໃນການເຄົາລົບ ແລະ ປະຕິບັດຕາມກົດລະບຽບຂອງ ພັກ ແລະ ກົດໝາຍຂອງລັດໄດ້ ຢ່າງເຂັ້ມງວດ ແລະ ເດັດຂາດ. ບັນຫາສຳຄັນແມ່ນເພື່ອຄວາມ ເປັນເອກະພາບທົ່ວພັກໃນການ ກຳນົດທິດທາງ, ມາດຕະການ ແກ້ໄຂບັນຫາຕົວຈິງ ແລະ ແກ້ ແຕ່ເທິງລົງລຸ່ມ, ຂັ້ນລຸ່ມກໍຕ້ອງ ສະດຸ້ງໄວໃນການແກ້ໄຂບັນ ຫາຕາມທິດບຸກທະລຸ ແລະ ໃຫ້ ເປັນຮູບປະທຳ. ບັນຫາທີ່ຄວນເອົາໃຈໃສ່ ໃນບັ້ນດຳເນີນຊີວິດການເມືອງ ຕ້ອງຢຶດໝັ້ນຫຼັກການຂອງພັກ ໃນການຕຳນິຕິຊົມ, ສົ່ງຂ່າວຊຶ່ງ ກັນ ແລະ ກັນ. ການຕຳນິສົ່ງ ຂ່າວ ເພື່ອກໍ່ສ້າງ ແລະ ຊ່ວຍ ເຫຼືອຊຶ່ງກັນ ແລະ ກັນແມ່ນກົດ ເກນແຫ່ງການຄົງຕົວ ແລະ ຂະ ຫຍາຍຕົວຂອງພັກທີ່ໄດ້ລະບຸ ແຈ້ງໄວ້ໃນກົດລະບຽບຂອງ ພັກ, ຕ້ອງຕ້ານທັດສະນະການ ໂຄ່ນລົ້ມໂຈມຕີກັນ, ມີອັກຄະ ຕິຕໍ່ກັນ ແລະ ກັນ, ບໍ່ໃຫ້ເອົາ ການຕຳນິສົ່ງຂ່າວຊຶ່ງກັນ ແລະ ກັນມາເປັນການສ້າງຄວາມ ແບ່ງແຍກແຕກຄວາມສາມັກ ຄີພາຍໃນ, ຜູ້ສົ່ງຂ່າວຕຳນິຕິ ຊົມກໍຕ້ອງເອົາຄວາມຈິງມາວ່າ ກັນ, ຜູ້ຖືກສົ່ງຂ່າວກໍຕ້ອງຮັບ ເອົາດ້ວຍຄວາມຈິງໃຈ, ອັນໃດ ທີ່ເປັນຈຸດອ່ອນທີ່ມີຄວາມຈິງ ຕ້ອງກ້າຕັດສິນໃຈປ່ຽນແປງ, ອັນໃດເປັນຫາງສຽງກໍໃຫ້ຮັບ ເອົາເປັນບົດຮຽນ ແລະ ບໍ່ໃຫ້ ມັນເກີດຂຶ້ນຄືຫາງສຽງອີກ. ເວົ້າລວມແລ້ວ ການດຳເນີນຊີ ວິດການເມືອງຄັ້ງນີ້ບໍ່ໃຫ້ເຮັດຄື ເກົ່າຜ່ານມາ, ເຮັດຕາມເປັນ ຕາມເກີດ, ເຮັດເພື່ອໃຫ້ແລ້ວ ຕາມແຜນເທົ່ານັ້ນ ຕ້ອງເຈາະ ເລິກເຂົ້າໃຫ້ເຖິງບັນຫາຕົວຈິງ, ເຫັນບັນຫາຕົວຈິງແລ້ວຕ້ອງ ກຳນົດວິທີການ ແລະ ມາດຕະ ການແກ້ໄຂໃຫ້ໄດ້, ໃຜຈະເປັນ ຜູ້ແກ້ ແລະ ຈະແກ້ໄຂແນວໃດ, ມັນແມ່ນຄວາມຮັບຜິດຊອບ ຊີ້ນຳ-ນຳພາ ໂດຍກົງຂອງຄະ ນະພັກ. ພາຍຫຼັງຈັດຕັ້ງດຳເນີນຊີ ວິດການເມືອງຄັ້ງນີ້ສຳເລັດ ແລ້ວ ຕ້ອງໃຫ້ມີການຫັນປ່ຽນ ຢ່າງແທ້ຈິງຈະເຮັດຄືທີ່ຜ່ານມາ ແມ່ນເດັດຂາດບໍ່ໄດ້ອີກແລ້ວ. ບັນຫາທີ່ຄະນະພັກ, ຄະ ນະນຳຂອງຂະແໜງການສຶກ ສາ ແລະ ກິລາຈະຕ້ອງໄດ້ເອົາໃຈ ໃສ່ປັບປຸງແກ້ໄຂແມ່ນບັນຫາການ ດັດສົມໃນການກໍ່ສ້າງກຳລັງ ແຮງງານລະດັບຕ່າງໆຕ້ອງໃຫ້ ສົມດູນ ແລະ ສອດຄ່ອງກັບການ ພັດທະນາເສດຖະກິດ-ສັງຄົມ ຂອງຊາດ, ຂອງແຕ່ລະຂະແໜງ ການແຕ່ສູນກາງລົງຮອດທ້ອງ ຖິ່ນ ໂດຍສະເພາະແມ່ນພະນັກ ງານວິຊາການ, ຜູ້ປະກອບການ ທີ່ຊຳນານງານສາມາດສ້າງງານ ດ້ວຍຕົນເອງໄດ້; ບັນຫາການ ຄຸ້ມຄອງ, ຈັດວາງ, ສັບຊ້ອນ ແລະ ນຳໃຊ້ຖັນແຖວຄູ-ອາຈານ; ບັນຫາການສ້າງຕົວນັກກິລາ ປະເພດຕ່າງໆ ແລະ ຄູຝຶກ; ມາດຕະການແກ້ໄຂຫາງສຽງ ຂອງສັງຄົມກ່ຽວກັບຄວາມບໍ່ ໂປ່ງໃສໃນການສອບເສັງເຂົ້າ ຮຽນ, ການສັບຊ້ອນເອົານັກ ຮຽນໄປຮຽນຢູ່ພາຍໃນ ແລະ ຕ່າງປະເທດ, ການບັນຈຸລັດ ຖະກອນຄູຢູ່ຮາກຖານ, ບັນຫາ ການຄຸ້ມຄອງ ແລະ ນຳໃຊ້ພື້ນ ຖານໂຄງລ່າງການສຶກສາ ແລະ ກິລາໃຫ້ກຸ້ມຄ່າ ແລະ ມີປະໂຫຍດ ສູງສຸດ ແລະ ອື່ນໆ.