ອົງການໄອຍະການ ປະຊາຊົນສູງສຸດ ປັບປຸງປົວແປງພາຍໃນພັກ


...

    ວັນທີ 8 ມີຖຸນາຜ່ານ ມານີ້, ອົງຄະນະພັກອົງການ ໄອຍະການປະຊາຊົນສູງສຸດ ໄດ້ໄຂບັ້ນດຳເນີນຊີວິດການ ເມືອງປັບປຸງປົວແປງທົ່ວພັກ ປີ 2017 ຂຶ້ນ ທີ່ຫ້ອງປະຊຸມໃຫຍ່ ອົງຄະນະພັກດັ່ງກ່າວ ໂດຍ ເປັນກຽດເຂົ້າຮ່ວມຂອງ ສະຫາຍ ຈັນສີ ໂພສີຄຳ ກຳມະການກົມ ການເມືອງສູນກາງພັກ ເລຂາ ທິການສູນກາງພັກ ຫົວໜ້າ ຄະນະຈັດຕັ້ງສູນກາງພັກ ມີ ຄະນະປະຈຳພັກ, ຄະນະພັກ, ບັນດາເລຂາໜ່ວຍພັກ ສະມາ ຊິກພັກ ແລະ ພະນັກງານຫຼັກ ແຫຼ່ງເຂົ້າຮ່ວມທັງໝົດ 131 ສະຫາຍ, ຍິງ 44 ສະຫາຍ. ການດຳເນີນຊີວິດການ ເມືອງປັບປຸງປົວແປງພາຍໃນ ພັກທົ່ວອົງຄະນະພັກອົງການ ໄອຍະການປະຊາຊົນສູງສຸດ ໃນຄັ້ງນີ້ ຈະໄດ້ພ້ອມກັນ ເຊື່ອມຊຶມບັນດາເນື້ອໃນ ເອກະສານທີ່ສຳຄັນ ເປັນຕົ້ນ ແມ່ນເອກະສານປັບປຸງປົວ ແປງພາຍໃນພັກໃຫ້ປອດໃສ, ເຂັ້ມແຂງ, ໜັກແໜ້ນ ແລະ ເນື້ອໃນບົດສຳຫຼວດການຊີ້ນຳ ນຳພາ ຂອງຄະນະບໍລິຫານ ງານພັກອົງການໄອຍະການ ປະຊາຊົນສູງສຸດ, ການຈັດຕັ້ງ ປະຕິບັດມະຕິກອງປະຊຸມ ໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກອົງການໄອ ຍະການປະຊາຊົນສູງສຸດ. ຈາກນັ້ນກໍໄດ້ພ້ອມກັນດຳເນີນ ການສຳຫຼວດບຸກຄົນພາຍໃນ ຄະນະພັກອົງການໄອຍະການ ປະຊາຊົນສູງສຸດ. ທັງນີ້ ກໍເພື່ອ ແນໃສ່ເຮັດໃຫ້ມີການຫັນປ່ຽນ, ປັບປຸງ, ປົວແປງ ແລະ ຍົກສູງ ບົດບາດການນຳພາຂອງຄະ ນະພັກ, ຄວາມເປັນແບບຢ່າງ ຂອງສະມາຊິກພັກໄດ້ຮັບການ ປັບປຸງແກ້ໄຂ, ເພື່ອເຮັດໃຫ້ ອົງຄະນະພັກ ອົງການໄອຍະ ການປະຊາຊົນສູງສຸດ ມີຄວາມ ປອດໃສ, ເຂັ້ມແຂງ ແລະ ໜັກ ແໜ້ນ. ພ້ອມນັ້ນ ກອງປະຊຸມ ຈະທາບທາມລົງຄະແນນສຽງ ຄວາມເຊື່ອໝັ້ນໄວ້ວາງໃຈ ຂອງ ສະມາຊິກພັກ, ຕໍ່ຄະນະພັກ, ຄະນະນຳຂອງອົງຄະນະພັກ ອົງການໄອຍະການປະຊາຊົນ ສູງສຸດ ບັ້ນດຳເນີນຊີວິດການ ເມືອງ ປັບປຸງປົວແປງພັກໃນຄັ້ງ ນີ້ ຈະດຳເນີນແຕ່ວັນທີ 8 ຫາ 15 ມີຖຸນາ 2017 ຈຶ່ງຈະສຳເລັດ.