ສາລະວັນ ສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ


...

    ເນື່ອງໃນໂອກາດວັນປູກ ຕົ້ນໄມ້ແຫ່ງຊາດ ແລະ ວັນເດັກ ນ້ອຍສາກົນ ແຂວງສາລະວັນ ໄດ້ຈັດພິທີສະເຫຼີມສະຫຼອງວັນ ດັ່ງກ່າວຂຶ້ນ ເມື່ອບໍ່ດົນຜ່ານມາ ນີ້ ຢູ່ເດີ່ນອະນຸສອນສະຖານອົງ ແກ້ວ, ເຂົ້າຮ່ວມມີທ່ານ ສີສຸວັນ ວົງຈອມສີ ເຈົ້າແຂວງສາລະ ວັນ ພ້ອມດ້ວຍຄະນະນຳຂັ້ນ ແຂວງ, ຂັ້ນເມືອງໃນທົ່ວແຂວງ, ພາກສ່ວນທີ່ກ່ຽວຂ້ອງ, ນັກ ຮຽນ ນັກສຶກສາ ແລະ ພໍ່ແມ່ປະຊາ ຊົນເຂົ້າຮ່ວມ 1 ພັນກວ່າຄົນ. ພິທີສະເຫຼີມສະຫຼອງວັນ ສຳຄັນໃນຄັ້ງນີ້ ຜູ້ເຂົ້າຮ່ວມໄດ້ ຮັບຟັງປະຫວັດຄວາມເປັນມາ ຂອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ເພື່ອຄືນຄວາມອຸດົມສົມບູນ ໃຫ້ຜືນແຜ່ນດິນທີ່ເຮົາອາໄສ ຄວາມຊຸ່ມຊື່ນຈາກທຳມະຊາດ, ຕອບສະໜອງໃຫ້ກັບການຟື້ນ ຟູປ່າໄມ້ຂອງລັດຖະບານ, ຍົກ ລະດັບການປົກຫຸ້ມປ່າໃຫ້ໄດ້ 70% ໃນປີ 2020 ເພື່ອສ້າງ ຄວາມສົມດູນຂອງທຳມະຊາດ ໃນບາງສ່ວນ ແລະ ສິ່ງແວດ ລ້ອມອ້ອມຂ້າງ, ທັງເປັນການ ສືບຕໍ່ປົກປັກຮັກສາປ່າໄມ້ໃຫ້ ມີຄວາມຍືນຍົງໄປພ້ອມໆກັນ ຕິດພັນກັບການສະຫຼອງວັນ ເດັກນ້ອຍສາກົນ ເພື່ອເຮັດໃຫ້ ເດັກທຸກຄົນໄດ້ຮັບການປົກ ປ້ອງ ແລະ ດູແລເບິ່ງແຍງສຸຂະ ພາບກ່ອນເກີດ ແລະ ຫຼັງເກີດ, ໃຫ້ໂອກາດກຸ່ມເດັກທີ່ດ້ອຍໂອ ກາດ, ເດັກພິການ, ເດັກຂໍທານ, ເດັກທີ່ຢູ່ໃນກຸ່ມສ່ຽງຢູ່ເຂດທຸກ ຍາກ ແລະ ຫ່າງໄກສອກຫຼີກ, ຮັບປະກັນໃຫ້ເດັກໄດ້ຮັບຜົນ ປະໂຫຍດ ແລະ ມີສ່ວນຮ່ວມ ຢ່າງເຕັມສ່ວນໃນທຸກຂະບວນ ການເຄື່ອນໄຫວຂອງເດັກໃນ ຂອບເຂດທົ່ວປະເທດ ຮັບປະ ກັນການພັດທະນາ ແລະ ການ ເຕີບໂຕຢ່າງແຂງແຮງຂອງເສດ ຖະກິດຊາດໃຫ້ທົ່ວເຖິງເດັກ ທຸກຄົນໃນສັງຄົມ ແລະ ໃຫ້ ເດັກເຂົ້າເຖິງ 4 ສິດຄື: ການຢູ່ ລອດ, ການໄດ້ຮັບການປົກ ປ້ອງ, ການພັດທະນາ ແລະ ການມີສ່ວນຮ່ວມ. ການສະ ເຫຼີມສະຫຼອງວັນທີ 1 ມີຖຸນານີ້ ສະທ້ອນໃຫ້ເຫັນເຖິງຄວາມ ເປັນຫ່ວງເປັນໄຍຂອງພັກ ແລະ ລັດຖະບານທີ່ໄດ້ໃຫ້ ຄວາມສຳຄັນຕໍ່ສຸຂະພາບຂອງ ແມ່ ແລະ ເດັກ, ການຢູ່ລອດ ຕິດພັນກັບບັນຫາອາຍຸຍືນສະ ເລ່ຍ ແລະ ຄາດໝາຍສະຫັດ ສະວັດດ້ານການພັດທະນາທີ່ ລະບຸໄວ້ໃນແຜນພັດທະນາ ເສດຖະກິດ-ສັງຄົມຂອງແຂວງ ໃຫ້ບັນລຸໃນຕໍ່ໜ້າ. ຈາກນັ້ນ, ບັນດາການນຳ ແຂວງແຕ່ລະຂັ້ນ ແລະ ພາກ ສ່ວນຕ່າງໆທີ່ເຂົ້າຮ່ວມ ກໍໄດ້ ຮ່ວມກັນປູກຕົ້ນໄມ້ໃນຂອບ ເຂດເດີ່ນອະນຸສອນສະຖານ ອົງແກ້ວ ມີຈຳນວນທັງໝົດ 250 ເບ້ຍ, ໃນນັ້ນມີເບ້ຍໄມ້ດູ່ 100 ເບ້ຍ, ໄມ້ດູ່ໃຫຍ່ 19 ຕົ້ນ, ໄມ້ແຕ້ຄ່າ 50 ເບ້ຍ, ໄມ້ຂະຍຸງ 50 ເບ້ຍ, ໄມ້ປະດົງ 50 ເບ້ຍ. ນອກຈາກກິດຈະກຳປູກຕົ້ນໄມ້ ແລ້ວ ກໍຍັງມີກິດຈະກຳຢອດ ຢາວິຕາມິນໃຫ້ເດັກ ແລະ ແຈກຢາຍເຂົ້າຕົ້ມເຂົ້າໜົມໃຫ້ ກັບເດັກ, ກວດພະຍາດໄຂ້ຍຸງ ແລະ ຍັງມີການແຂ່ງຂັນກິລາ ຕ່າງໆຂອງເຍົາວະຊົນ ທີ່ເປັນ ການເສີມສ້າງສີສັນ ແລະ ສ້າງ ບັນຍາກາດໃນງານດັ່ງກ່າວໃຫ້ ມີຄວາມຄຶກຄື້ນມ່ວນຊື່ນອີກ ດ້ວຍ. (ຂ່າວ: ວິໄລວອນ ສິດທິໄຊ)