ຈັດງານວາງສະແດງສິນຄ້າໄທ


...

    ເພື່ອສົ່ງເສີມດ້ານການ ຄ້າ ແລະ ການລົງທຶນຂອງສອງ ປະເທດ, ກົມສົ່ງເສີມການຄ້າ ລະຫວ່າງປະເທດ ກະຊວງພາ ນິດແຫ່ງລາຊະອານາຈັກໄທ ຮ່ວມກັບກົມສົ່ງເສີມການຄ້າ ກະຊວງອຸດສາຫະກຳ ແລະ ການ ຄ້າ ແຫ່ງ ສປປ ລາວ ໄດ້ຈັດ ງານວາງສະແດງສິນຄ້າປະ ເທດໄທຂຶ້ນພາຍໃຕ້ຫົວຂໍ້ ທ໊ອບໄທແບຣນ (Top Thai Brand) ເຊື່ອມຕໍ່ການຄ້າລາວ -ໄທ ໃນວັນທີ 7 ມີຖຸນານີ້, ທີ່ ສູນການຄ້າລາວ-ໄອເຕັກ ນະ ຄອນຫຼວງວຽງຈັນ ໂດຍການ ເຂົ້າຮ່ວມເປັນກຽດຂອງທ່ານ ພັນທອງ ພິດທຸມມາ ຮອງລັດ ຖະມົນຕີກະຊວງອຸດສາຫະກຳ ແລະ ການຄ້າ, ທ່ານ ນົບພະດົນ ເທບພິທັກ ເອກອັກຄະລາຊະ ທູດ ວິສາມັນຜູ້ມີອຳນາດເຕັມ ແຫ່ງ ລາຊະອານາຈັກໄທ ປະ ຈຳ ສປປ ລາວ. ໃນພິທີ, ທ່ານ ຢານີ ສີມີໄຊ ເອກອັກຄະລາຊະທູດທີ່ປຶກ ສາ (ຝ່າຍການຄ້າ) ແຫ່ງລາຊະອາ ນາຈັກໄທ ປະຈຳລາວ ໄດ້ເປີດ ເຜີຍວ່າ: ງານວາງສະແດງສິນ ຄ້າປີນີ້ຈັດຂຶ້ນໂດຍໄດ້ຮັບການ ຮ່ວມມືກັບພາກທຸລະກິດຈາກ ສະພາຫໍການຄ້າໄທ, ສະພາ ອຸດສາຫະກຳແຫ່ງປະເທດໄທ ແລະ ສະພາສິນຄ້າຜູ້ສົ່ງອອກ ທາງເຮືອໃນການຄັດເລືອກນັກ ທຸລະກິດເຂົ້າຮ່ວມງານຫຼາຍ ກ່ວາ 192 ຫ້ອງວາງສະແດງ ສະນັ້ນ ຈຸດປະສົງຫຼັກຂອງການ ຈັດງານ ເພື່ອສົ່ງເສີມດ້ານການ ຄ້າ ແລະ ການລົງທຶນຂອງທັງ ສອງປະເທດລາວ ແລະ ໄທ ໃຫ້ເພີ່ມມູນຄ່າການຄ້າ, ເສີມ ສ້າງສິນຄ້າທີ່ມີຄຸນນະພາບ ແລະ ມີເຄື່ອງໝາຍຂອງທັງສອງ ປະເທດໃຫ້ເປັນທີ່ນິຍົມຍອມ ຮັບຂອງຜູ້ບໍລິໂພກທັງກະຕຸກ ຊຸກຍູ້ໃຫ້ນັກທຸລະກິດທັງສອງ ປະເທດຮ່ວມມືເຊິ່ງກັນ ແລະ ກັນ ເພື່ອກ້າວໄປສູ່ຄວາມ ສຳ ເລັດ ໃນ ຕະຫຼາດສາກົນ. ທ່ານທູດໄທ ປະຈຳລາວ ກ່າວຕື່ມວ່າ: ນອກ ຈາກງານວາງສະແດງສິນຄ້າ ແລ້ວ ພາຍໃນງານຍັງມີກິດຈະ ກຳອື່ນໆອີກເຊັ່ນ: ວາງສະແດງ ຜົນງານໂຄງການສູນພັດທະ ນາ ແລະ ບໍລິການດ້ານການ ກະເສດຫ້ວຍຊອນ-ຫ້ວຍຊົ້ວ ຊຶ່ງເປັນໂຄງການພະຣາຊດຳຣິ ໃນ ສປປ ລາວ, ສຳມະນາ ແລກປ່ຽນບົດຮຽນລະຫວ່າງ ນັກທຸລະກິດ ລາວ-ໄທ. ງານ ດັ່ງກ່າວຈະໄດ້ດຳເນີນໄປຈົນ ເຖິງວັນທີ 11 ມີຖຸນາ. (ຂ່າວ: ນ. ແສງຈັນ)