ປະທານປະເທດ ຕ້ອນຮັບທູດປະເທດເພື່ອນມິດເຂົ້າຍື່ນສານຕາຕັ້ງ


...

    

ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບທູດປະເທດເພື່ອນມິດເຂົ້າຍື່ນສານຕາຕັ້ງ ເພື່ອດຳລົງຕຳ ແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ປະຈຳລາວ ຄົນໃໝ່ ໃນຕອນເຊົ້າວັນທີ 8 ພະຈິກນີ້ ທີ່ທຳນຽບປະທານ ປະເທດຕາມລຳດັບດັ່ງນີ້: ເວລາ 9:00 ໂມງ ຕ້ອນຮັບທ່ານ ນາງ ມາເຣຍ ອາລິເຊຍ ກຸດໂຊນີ ເດີ ຊອງເຊັນ (Ms. Maria Alicia Cuzzoni de Sonsehein) ເອກອັກຄະລັດຖະທູດສາທາລະນະລັດ ອາກຊັງຕິນ ຊຶ່ງມີສຳນັກງານຕັ້ງຢູ່ບາງກອກ ປະເທດໄທ. ສປປ ລາວ ແລະ ສາທາລະນະລັດ ອາກຊັງຕິນ ໄດ້ສ້າງຕັ້ງສາຍພົວພັນການທູດນຳກັນ ໃນວັນທີ 27/7/1975;

ຕໍ່ມາເວລາ 9 ໂມງ 45 ນາທີ ທ່ານປະທານປະເທດເຮົາ ໄດ້ຕ້ອນຮັບ ທ່ານ ເຊອິກ ຈາດຊິມ ບິນ ອັບດຸນ ລາມານ ອາລ-ທານີ (Mr. SheikhJassim bin Abdul rahman AI-Thani) ເອກອັກຄະລັດຖະທູດ ແຫ່ງ ລັດກາຕາ ຊຶ່ງມີສຳນັກງານຕັ້ງຢູ່ບາງກອກ ປະເທດໄທ, ສປປ ລາວ ແລະ ລັດກາຕາ ໄດ້ສ້າງສາຍພົວພັນການທູດນຳກັນ ໃນວັນທີ 3/2/2005 ໃນໂອກາດຕ້ອນຮັບບັນດາທູດປະເທດເພື່ອນມິດເຂົ້າຍື່ນສານຕາຕັ້ງ ເພື່ອ ດຳລົງຕຳແໜ່ງເປັນເອກອັກຄະລັດຖະທູດຄົນໃໝ່ ປະຈຳລາວ ໃນຄັ້ງນີ້. ທ່ານປະທານປະເທດ ເຮົາ ໄດ້ກ່າວສະແດງຄວາມ ຕ້ອນຮັບ ແລະ ຕີລາຄາສູງຕໍ່ ບັນດາທ່ານທູດ ທີ່ໄດ້ຖືກແຕ່ງ ຕັ້ງ ເພື່ອມາດຳລົງຕຳແໜ່ງ ເປັນເອກອັກຄະລັດຖະທູດ ປະ ຈຳລາວ ຄົນໃໝ່ ຊຶ່ງເປັນການ ປະກອບສ່ວນເຂົ້າໃນການເສີມ ຂະຫຍາຍສາຍພົວພັນຮ່ວມມື ທີ່ດີລະຫວ່າງ ສປປ ລາວ-ສາ ທາລະນະລັດ ອາກຊັງຕິນ, ສປປ ລາວ-ລັດກາຕາ ທີ່ມີມູນ ເຊື້ອອັນດີງາມ ໃຫ້ນັບມື້ແໜ້ນ ແຟ້ນຍິ່ງໆຂຶ້ນ. (ຂ່າວ-ພາບ: ພູວຽງຄຳ)