ພິທີໂອບຄຳຍອດດວງປີ ພະທາດປາລະມີ ແລະ ທາດສີທຳມະຫາຍໂສກ


...

       ພິທີໂອບຄຳຍອດດວງປີ ພະທາດປາລະມີ ແລະ ພະ ທາດສີທຳມະຫາຍໂສກອ້າງ ພະທາດຫຼວງໄດ້ຈັດຂຶ້ນໃນມື້ ຂຶ້ນ 11 ຄ່ຳ ເດືອນ 5 ພສ 2559 ກົງກັບວັນສຸກ ວັນທີ 7 ເມສາ 2017 ໂດຍມີພະອາຈານໃຫຍ່ ມະຫາງອນ ດຳຣົງບຸນ ປະ ທານສູນກາງພຸດທະສາສະ ໜາສຳພັນລາວ, ພະເຖລາ ນຸເຖລະ, ທ່ານ ສິນລະວົງ ຄຸດ ໄພທູນ ເຈົ້າຄອງ ນະຄອນຫຼວງ ວຽງຈັນ, ປະທານຄະນະຮັບຜິດ ຊອບລະດັບຊາດ ເພື່ອປະຕິສັງ ຂອນ ພິພິທະພັນພະທາດຫຼວງ, ມີອະດີດການນຳພັກ-ລັດ, ມີ ຄອບຄົວການນຳພັກ-ລັດ, ຜູ້ ຊົງຄຸນວຸດທິຕະຫຼອດຮອດພໍ່ ແມ່ປະຊາຊົນຊາວນະຄອນ ຫຼວງວຽງຈັນເຂົ້າຮ່ວມ. ພິທີດັ່ງກ່າວ ທ່ານ ສີຫຸນ ສິດທິລືໄຊ ຮອງເຈົ້າຄອງນະ ຄອນຫຼວງວຽງຈັນ, ຮອງປະທານ ຄະນະກຳມະການປະຕິສັງ ຂອນ ພິພິຖະພັນພະທາດຫຼວງ ກ່າວລາຍງານວ່າ: ໂດຍປະຕິບັດ ຕາມການຕົກລົງເຫັນດີຈາກ ຂັ້ນເທິງ ແລະ ດ້ວຍແຮງສັດທາ ທີ່ແຮງກ້າ ທາງດ້ານຊັບສິນ ແລະ ເງິນ ຄຳ ຈາກສັງຄົມກໍຄື ພໍ່ແມ່ປະຊາຊົນຊາວລາວບັນ ດາເຜົ່າພວກເຮົາໄດ້ດຳເນີນ ໂຄງການປະຕິສັງຂອນ ຄັ້ງທີ IV ໂດຍປະກອບມີ 8 ກິດຈະກຳ ລວມເປັນມູນຄ່າປະມານ 15 ຕື້ກວ່າກີບ, ຊຶ່ງພິທີໄຂໂຄງ ການປະຕິສັງຂອນຢ່າງເປັນ ທາງການໄດ້ດຳເນີນ ໃນວັນທີ 4 ກັນຍາ 2016, ພິທີຫຼອມຄຳ ໄດ້ດຳເນີນໃນວັນທີ 2 ຕຸລາ 2016 ທີ່ຜ່ານມາ ແລະ ມາຮອດ ປັດຈຸບັນນີ້ ການດຳເນີນໂຄງ ການປະຕິສັງຂອນ ຄັ້ງທີ IV ໄລຍະທີ 1 ແລະ 2 ແມ່ນມີ ຄວາມຄືບໜ້າຫຼາຍດ້ານ, ມີ ອັນສຳເລັດ ໂດຍພື້ນຖານເຊັ່ນ: ວຽກລາພອນສີຄຳອົງພະທາດ ໃຫຍ່ ແລະ ພະທາດປາລະມີ 30 ລູກ ພ້ອມທັງການຍົກຍອດ ຊໍ່ຄຳ 9 ກິໂລ 9 ບາດ ເພື່ອຂຶ້ນ ປະດິດສະຖານສູ່ຍອດພະທາດ ຫຼວງ ແລະ ຍົກຍອດຄຳ 4 ກິໂລ 16,33 ບາດ ຂຶ້ນຍອດ ພະທາດປາລະມີ 30 ທາດ ແລະ ພະທາດສີທຳມະຫາຍໂສກ ທີ່ພວກເຮົາກຳລັງດຳເນີດ ພິທີໃນຂະນະນີ້ ລວມ 13 ກິິໂລ ກັບ 25,33 ບາດ. ປັດຈຸບັນ ເຫຼືອຢູ່ທະນາຄານ 8,5 ກິໂລ 30,37 ບາດ 3,8 ສະຫຼຶງ 2,72 ກຣາມ, ເງິນທີ່ລະດົມໄດ້ຄັ້ງ ຜ່ານມາ 5.978.159.479 ກີບ ໃຊ້ຈ່າຍໃນກິດຈະກຳຜ່ານມາ 2.996.965.780 ກີບ, ຍັງ ເຫຼືອ 2.981.193.699 ກີບ. ພາຍຫຼັງທີ່ສຳເລັດພິທີໃນວັນນີ້ ແລ້ວຄະນະຮັບຜິດຊອບໂຄງ ການຈະໄດ້ສືບຕໍ່ຊີ້ນຳ ການດຳ ເນີນກິດຈະການປະຕິສັງຂອນ ຈາກໄລຍະທີສອງທີ່ຍັງບໍ່ທັນ ສຳເລັດຕໍ່ໃສ່ວຽກໄລຍະທີສາມ ແລະ ທີສີ່ ເຊັ່ນ: ວຽກມຸງຫຼັງ, ທາສີຝາ ກົມມະລຽນ, ສ້ອມ ແປງຫໍໄຫວ້ ແລະ ຊຸມປະຕູ ໃຫຍ່ທິດຕາວັນຕົກ, ວຽກຮ່ອງ ລະບາຍນ້ຳ, ວຽກໄຟຟ້າ,ວຽກ ສະໜາມຫຍ້າ, ວຽກຈັດວາງ ສະແດງວັດຖຸພັນ ແລະ ລະບົບ ປ້ອງກັນ, ການຕິດຕັ້ງກ້ອງວົງ ຈອນປິດດ້ານໃນ ແລະ ດ້ານ ນອກກົມມະລຽນ. ຍົກຄຳປະ ດິດ ສະຖານໃສ່ຍອດດວງປີພະ ທາດຫຼວງ ແລະ ຈັດພິທີສົມ ໂພດ ໃນໂອກາດບຸນນະມັດສະ ການພະທາດຫຼວງທ້າຍປີນີ້. ຈາກນັ້ນທ່ານ ບົວເງິນ ຊາພູວົງ ຮອງລັດຖະມົນຕີກະ ຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ, ຮອງປະ ທານຄະນະກຳມະການປະຕິ ສັງຂອນລະດັບຊາດກ່າວຄຳ ເຫັນວ່າ: ການອັງເຊີນຍອດ ຄຳຂຶ້ນປະດິດສະຖານສູ່ຍອດ ດວງປີ ພະທາດປາລະມີ 30 ທາດ ແລະ ທາດສີທຳມະຫາຍ ໂສກ ໃນຄັ້ງນີ້ແມ່ນປ່ຽມລົ້ນ ໄປດ້ວຍຄວາມໝາຍຄວາມ ສຳຄັນຍິ່ງ ໃນກຽດປະຫວັດ ຂອງການກໍ່ສ້າງພະທາດຫຼວງ ທັງນັ້ນກໍຍ້ອນວ່າເປັນເວລາ 451 ປີມາແລ້ວ ທີ່ປະຊາຊົນ ລາວ ແຕ່ເໜືອຮອດໃຕ້, ແຕ່ຕາ ເວັນຕົກຮອດຕາເວັນອອກ ລວມທັງຍາດມິດ ຢູ່ຕ່າງປະ ເທດໄດ້ມີຄວາມຢູ່ເຢັນເປັນ ສຸກ, ມີຄວາມຮັກໄຄ່ປອງດອງ ຊຶ່ງໃນນັ້ນໄດ້ມີສ່ວນປະກອບ ທີ່ສຳຄັນ ແລະ ສັດທາອັນແຮງ ກ້າຂອງອົງພະທາດຫຼວງນັ້ນ ເອງພ້ອມດ້ວຍດຽວກັນນັ້ນ ການປະດັບຍອດຄ່າໃສ່ຍອດ ດວງປີພະທາດ ປາລະມີ 30 ທາດ ແລະ ພະທາດ ສີທຳມະ ຫາຍໂສກ ຍັງສ່ອງແສງໃຫ້ເຫັນ ຄວາມເອົາໃຈໃສ່ຢ່າງຈົດຈໍ່ ຂອງສູນກາງພັກ, ລັດຖະບານ ຕໍ່ການປົກປັກຮັກສາມໍລະດົກ, ວັດທະນະທຳ ຂອງຊາດ ແລະ ອັນສຳຄັນຍິ່ງແມ່ນຄວາມມຸ່ງ ມາດປາຖະໜາອັນແຮງກ້າ ແລະ ສັດທາອັນເຫຼ້ືອມໃສຂອງ ປວງຊົນລາວທຸກຊັ້ນຄົນ ໂດຍ ສະເພາະຊາວນະຄອນຫຼວງ ວຽງຈັນ ແລະ ຍາດມິດສາກົນ ຕໍ່ອົງພະທາດຫຼວງແຫ່ງນີ້. ເພື່ອເປັນສີລິມຸງຄຸນ ໃຫ້ ແກ່ພິທີອັງເຊີນຍອດຄຳຂຶ້ນປະ ດິດສະຖານສູ່ຈອມພະທາດດັ່ງ ກ່າວ ທ່ານ ສິນລະວົງ ຄຸດໄພ ທູນ ແຂກບຸກຄົນສຳຄັນທີ່ຮ່ວມ ໃນພິທີໄດ້ໃຫ້ກຽດລັ່ນຄ້ອງ 9 ບາດ ແລະ ອັງເຊີນຍອດຄຳ ຂຶ້ນປະດິດສະຖານສູ່ຈອມພະ ທາດປາລະມີ 30 ທາດ ແລະ ທາດສີທຳມະຫາໂສກ. ສຳລັບໃນວັນທີ 8 ເມສາ ກໍໄດ້ມີພິທີໄຫວ້ພະຮັບສິນ ຖວາຍສັງຂະທານ ແລະ ພິທີ ຕັກບາດໃນໂອກາດພິທີໂອບ ຄຳຍອດດວງປີ ພະທາດປາລະ ມີ ແລະ ທາດສີທຳມະຫາຍ ໂສກດັ່ງກ່າວ. (ຂ່າວ: ສຳນານ)