ໄຂການນຳໃຊ້ເສັ້ນທາງ 16w


...

     ພິທີໄຂການນຳໃຊ້ເສັ້ນ ທາງເລກທີ 16 w ໄດ້ຈັດຂຶ້ນ ໃນຕອນແລງຂອງວັນທີ 7 ກໍ ລະກົດຜ່ານມານີ້, ທີ່ເມືອງປາກ ເຊ ແຂວງຈຳປາສັກ ໂດຍເປັນ ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະ ມົນຕີ ພ້ອມດ້ວຍບັນດາທ່ານ ລັດຖະມົນຕີ, ຮອງລັດຖະມົນຕີ ຈາກກະຊວງທີ່ກ່ຽວຂ້ອງ, ຮອງ ເຈົ້າແຂວງຈຳປາສັກ, ການນຳ ແຂວງ, ພະແນກການ, ອຳນາດ ການປົກຄອງທ້ອງຖິ່ນ ແລະ ຄະ ນະຮັບຜິດຊອບໂຄງການເຂົ້າ ຮ່ວມ. ໃນພິທີ, ທ່ານ ອຸດອນ ແກ້ວດວງດີ ຜູ້ອຳນວຍການບໍ ລິສັດດວງດີກໍ່ສ້າງ-ຂົວທາງ ຈຳກັດ ຜູ້ໄດ້ຮັບສຳປະທານລົງ ທຶນເຂົ້າໃນໂຄງການດັ່ງກ່າວ ໄດ້ລາຍງານໃຫ້ຊາບວ່າ: ໂຄງ ການກໍ່ສ້າງຍົກລະດັບເສັ້ນທາງ ຫຼວງແຫ່ງຊາດ ເລກທີ 16 w ແຕ່ຫົວຂົວຂ້າມນ້ຳຂອງລາວ- ຍີ່ປຸ່ນ ບ້ານຄັນແຍງ ຫາ ຊາຍ ແດນວັງເກົ່າ ແຂວງຈຳປາສັກ ເປັນໂຄງການລົງທຶນສຳປະ ທານແບບ BOT ທີ່ມີຄວາມ ຍາວ 42,2 ກິໂລແມັດ ຊຶ່ງໄດ້ມີ ການຍົກລະດັບ ແລະ ຂະຫຍາຍ ເສັ້ນທາງຈາກທາງປູຢາງສອງ ຊັ້ນທີ່ມີສອງຊ່ອງທາງໃນເມື່ອ ກ່ອນ, ມາເປັນທາງປູຢາງອັດ ສະຟານ-ຄອນກຣີດ 4 ຊ່ອງ ທາງກວ້າງ 16-18 ແມັດ ພ້ອມ ທັງກໍ່ສ້າງຂົວ 4 ແຫ່ງ ແລະ ການຕໍ່ທໍ່ລອດທາງອີກ 149 ແຫ່ງ ລວມມູນຄ່າການກໍ່ສ້າງ 52 ລ້ານໂດລາສະຫະລັດ. ນອກ ຈາກນີ້, ຜູ້ສຳປະທານຍັງໄດ້ກໍ່ ສ້າງອາຄານຈຸດເກັບເງິນແບບ ທັນສະໄໝມາດຕະຖານສາ ກົນອີກ 2 ຈຸດ ພ້ອມທັງກໍ່ສ້າງ ອາຄານ ແລະ ສະຖານີຕິດຊັ່ງ ນ້ຳໜັກອີກ 2 ແຫ່ງທີ່ບ້ານວັງ ເຕົ່າ ແລະ ບ້ານໜອງບົວ ເພື່ອ ຮັບປະກັນໃນການຄຸ້ມຄອງນ້ຳ ໜັກ, ເຮັດໃຫ້ການນຳໃຊ້ເສັ້ນ ທາງໄດ້ຢ່າງຍາວນານ. ໂຄງ ການດັ່ງກ່າວໄດ້ເລີ່ມກໍ່ສ້າງມາ ແຕ່ຕົ້ນປີ 2012 ແລະ ສຳເລັດ ໂດຍພື້ນຖານໃນວັນທີ 30 ມີ ຖຸນາ 2016 ຊຶ່ງໄດ້ໄຂທົດລອງ ນ້ຳໃຊ້ ແລະ ທົດລອງເກັບຄ່າ ຜ່ານທາງມາແຕ່ທ້າຍປີ 2016 ໂດຍການຮັບຮອງອັດຕາຄ່າ ຜ່ານທາງຈາກລັດຖະບານ. ໃນໂອກາດດຽວກັນນີ້, ທ່ານ ສົມສະໜິດ ບຸດຕິວົງ ຮອງເຈົ້າແຂວງຈຳປາສັກກໍໄດ້ ກ່າວວ່າ: ການປັບປຸງຍົກລະ ດັບເສັ້ນທາງເລກທີ 16 w ທີ່ ເປັນເສັ້ນທາງຍຸດທະສາດທີ່ສຳ ຄັນຂອງແຂວງຈຳປາສັກແມ່ນ ເປັນການປະກອບສ່ວນອັນສຳ ຄັນເຂົ້າໃນການຊຸກຍູ້ການພັດ ທະນາເສດຖະກິດ-ສັງຄົມຂອງ ແຂວງ ເພື່ອຮອງຮັບໃຫ້ແກ່ການ ຂະຫຍາຍຕົວຂອງວຽກງານ ຄົມມະນາຄົມຂົນສົ່ງສິນຄ້າ- ໂດຍສານ ແລະ ການທ່ອງທ່ຽວ ຈາກບັນດາປະເທດໃກ້ຄຽງໃຫ້ ມີຄວາມສະດວກວ່ອງໄວຂຶ້ນ ທັງເປັນການປະກອບສ່ວນໃຫ້ ແກ່ການເຊື່ອມໂຍງບັນດາປະ ເທດໃນພາກພື້ນອີກດ້ວຍ. ຄະ ນະພັກ-ອົງການປົກຄອງແຂວງ ຈະສືບຕໍ່ຊຸກຍູ້ໃຫ້ຜູ້ສຳປະທານ ຮ່ວມກັບພໍ່ແມ່ປະຊາຊົນ ແລະ ຜູ້ໃຊ້ລົດໃຊ້ຖະໜົນພ້ອມກັນ ປົກປັກຮັກສາໃຫ້ມີຄວາມສະ ອາດສວຍງາມ ເພື່ອການນຳ ໃຊ້ໄດ້ຢ່າງຍາວນານ. (ຂ່າວ: ຈຳປາສັກ)