ສະຫຼອງວັນເກີດ ປະທານ ກິມອິນຊຸງ ຄົບຮອບ 105 ປີ


...

       ສະຖານເອກອັກຄະລັດ ຖະທູດ ສາທາລະນະລັດ ປະ ຊາທິປະໄຕ ປະຊາຊົນເກົາຫຼີ (ສປປ ເກົາຫຼີ) ປະຈຳລາວ ໄດ້ ຈັດງານລ້ຽງສະຫຼອງວັນເກີດ ປະທານ ກິມອິນຊຸງ ຄົບຮອບ 105 ປີ (15/4/1912-15/4/ 2017) ຂຶ້ນໃນຕອນຄ່ຳວັນທີ 7 ເມສາຜ່ານມາ ທີ່ຮ້ານອາຫານ ພຽງຢາງ ນະຄອນຫຼວງວຽງຈັນ ໂດຍການເຂົ້າຮ່ວມຂອງສະ ຫາຍ ໄຊສົມພອນ ພົມວິຫານ ກຳມະການກົມການເມືອງສູນ ກາງພັກ ປະທານສູນກາງແນວ ລາວສ້າງຊາດ ແລະ ແຂກ ຖືກເຊີນເຂົ້າຮ່ວມ.
ໃນພິທີງານລ້ຽງດັ່ງກ່າວ ສະຫາຍ ລີສາງກຸນ ເອກອັກ ຄະລັດຖະທູດ ແຫ່ງ ສປປ ເກົາ ຫຼີ ປະຈຳລາວ ໄດ້ຂຶ້ນກ່າວປະ ຫວັດການເຄື່ອນໄຫວປະຕິວັດ ຂອງ ປະທານ ກິມອິນຊຸງ ເລ ຂາທິໜຶ່ງ ພັກແຮງງານເກົາຫຼີ ປະທານປະເທດ ເປັນຜູ້ນຳທີ່ ຍິ່ງໃຫຍ່ ແລະ ຜູ້ນຳທີ່ແສນເຄົາ ລົບຮັກຂອງປະຊາຊົນ ສປປ ເກົາຫຼີ ໃນແຕ່ລະໄລຍະໃນ ການນຳພາກອງທັບ ແລະ ປະຊາ ຊົນ ສປປ ເກົາຫຼີ ໃນການຕໍ່ສູ້ຕ້ານຈັກກະພັດ ຈົນສາມາດ ປົດປ່ອຍປະເທດຊາດ ແລະ ນຳພາປະຊາຊົນໃນການສ້າງ ສາພັດທະນາປະເທດຂອງຕົນ ໃຫ້ມີຄວາມເຂັ້ມແຂງຈະເລີນ ກ້າວໜ້າ.
ໃນໂອກາດສະຫຼອງວັນ ເກີດ ປະທານ ກິມອິນຊຸງ ຄົບ ຮອບ 105 ປີ. ສະຫາຍ ລີສາງ ກຸນ ຍັງໄດ້ກ່າວອວຍພອນໃຫ້ ສາຍພົວພັນມິດຕະພາບ ການ ຮ່ວມມືລະຫວ່າງ ສປປ ເກົາຫຼີ ແລະ ສປປ ລາວ ຈົ່ງໄດ້ຮັບ ການເສີມຂະຫຍາຍຍິ່ງໆຂຶ້ນ, ອວຍພອນໃຫ້ການນຳຂອງ ສອງປະເທດຈົ່ງມີພະລານາ ໄມສົມບູນ ສືບຕໍ່ຊີ້ນຳໆພາປະ ເທດຂອງຕົນກ້າວຂຶ້ນຢ່າງບໍ່ ຢຸດຢັ້ງ.
(ຂ່າວ: ພູວຽງຄຳ)