ສຳເລັດຝຶກອົບຮົມຜູ້ຊ່ວຍຜູ້ພິພາກສາ


...

       ພະນັກງານຜູ້ຊ່ວຍ ຜູ້ພິພາກ ສາ ຈຳນວນ 88 ຄົນ, ຍິງ 34 ຄົນ, ຈາກສານປະຊາຊົນນະ ຄອນຫຼວງວຽງຈັນ ແລະ ບັນດາ ແຂວງ ໃນຂອບເຂດທົ່ວປະ ເທດ ໄດ້ສຳເລັດການອົບຮົມຜູ້ ຊ່ວຍຜູ້ພິພາກສາ ຊຸດທີ IX.
   ພິທີອັດຊຸດອົບຮົມດັ່ງກ່າວ ໄດ້ຈັດຂຶ້ນເມື່ອວັນທີ 10 ເມສາ ນີ້ ທີ່ສະຖາບັນຄົ້ນຄວ້າ ແລະ ຝຶກ ອົບຮົມສານປະຊາຊົນສູງສຸດ ໂດຍໃຫ້ກຽດເຂົ້າຮ່ວມຂອງ ທ່ານ ຄຳພັນ ສິດທິດຳພາ ປະ ທານສານປະຊາຊົນສູງສຸດແຂກ ຖືກເຊີນ ແລະ ນັກຝຶກອົບຮົມ ເຂົ້າຮ່ວມ.
ຊຸດອົບຮົມດັ່ງກ່າວໄດ້ ດຳເນີນເປັນເວລາ 20 ວັນ ຈຶ່ງ ສຳເລັດຜ່ານການຝຶກອົບຮົມ ຄັ້ງນີ້ ບັນດານັກຝຶກອົບຮົມໄດ້ ຮັບຮູ້ບົດຮຽນຈາກຄູ - ອາຈານ ທີ່ໄດ້ຖ່າຍທອດບົດຮຽນໃຫ້ ເພື່ອນຳໄປໝູນໃຊ້ເຂົ້າໃນໜ້າ ທີ່ວຽກງານຕົວຈິງທີ່ຕົນເອງ ຮັບຜິດຊອບໃຫ້ມີປະສິດທິຜົນ ແລະ ເປັນເອກະພາບ, ໃນນັ້ນ ຍັງໄດ້ມີການຈັດຕັ້ງການຝຶກ ຫັດຕົວຈິງ ເປັນຕົ້ນການກຳນົດ ເຫດການຂອງຄະດີ, ການກຳ ນົດປະເດັນຂໍ້ຂັດແຍ່ງ, ການ ຕັ້ງປະເດັນສອບ, ການສະຫຼຸບ ລາຍງານຄະດີ ແລະ ການຂຽນ ຄຳຕັດສິນ ໂດຍບັນຫາທັງໝົດ ນັ້ນເປັນຂອດສຳຄັນ ແລະ ໃຈ ກາງຂອງການດຳເນີນຄະດີ.
ໂອກາດດັ່ງກ່າວ ທ່ານ ຄຳພັນ ສິດທິດຳພາ ກໍໄດ້ໃຫ້ ກຽດມອບໃບຢັ້ງຢືນໃຫ້ນັກຝຶກ ອົບຮົມ ແລະ ເນັ້ນໃຫ້ນັກຝຶກ ອົບຮົມຕ້ອງຢຶດຖືຈັນຍາບັນ - ຈັນຍາທຳເປັນຫຼັກໃນການປະຕິບັດໜ້າທີ່ວຽກງານ, ຕ້ອງສືບ ຕໍ່ຍົກລະດັບຄວາມຮູ້ຄວາມ ສາມາດໃຫ້ມີການພັດທະນາ ຂຶ້ນເລື້ອຍໆທາງດ້ານວິຊາສະເພາະໃນການດຳເນີນຄະດີ, ການຄົ້ນຄວ້າຄະດີຕ້ອງເກັບ ກຳຂໍ້ມູນຫຼັກຖານໃຫ້ຄົບຖ້ວນ ແລະ ພຽງພໍ, ຕ້ອງມີຄວາມຮັບ ຜິດຊອບເປັນແບບຢ່າງໃນການ ປະຕິບັດໜ້າທີ່ວຽກງານ, ຕ້ອງ ເອົາໃຈໃສ່ພັດທະນາລະບົບ ສານໃຫ້ມີຄຸນນະພາບ ໂດຍ ສະເພາະລະບົບການຈັດຕັ້ງ ແລະ ລະບົບການດຳເນີນຄະດີ ຂອງສານຢ່າງສະດວກ ແລະ ງ່າຍຂຶ້ນ.
(ຂ່າວ: ສຳນານ)