ເລີ່ມເຈາະອຸມົງ ໂຄງການກໍ່ສ້າງເສັ້ນທາງລົດໄຟ ລາວ - ຈີນ ຜ່ານແຂວງອຸດົມໄຊ


...

       ພິທີໄຂໂຄງການກໍ່ສ້າງ ເຈາະອຸມົງ ໂຄງການກໍ່ສ້າງເສັ້ນ ທາງລົດໄຟລາວ-ຈີນ ໄລຍະຜ່ານ ແຂວງຸອຸດົມໄຊໄດ້ຈັດຂຶ້ນຢ່າງ ເປັນທາງການ ໃນວັນທີ 6 ເມ ສາຜ່ານມານີ້, ທີ່ສະໜາມພູ ວັດ ບ້ານທ້ຽວ ເມືອງໄຊ ແຂວງ ອຸດົມໄຊ ເປັນກຽດເຂົ້າຮ່ວມມີ ທ່ານ ເພັດສາຄອນ ຫຼວງອາໄພ ເຈົ້າແຂວງອຸດົມໄຊ, ມີທ່ານ ໜີ່ປ່າກວາງ ກົງສູນໃຫຍ່ ແຫ່ງ ສປ ຈີນ ປະຈຳແຂວງຫຼວງພະ ບາງ, ມີຕາງໜ້າໂຄງການກໍ່ສ້າງ ທາງລົດໄຟ ລາວ-ຈີນ ກະຊວງ ໂຍທາທິການ ແລະ ຂົນສົ່ງພ້ອມ ດ້ວຍແຂກຖືກເຊີນ ແລະ ພາກ ສ່ວນທີ່ກ່ຽວຂ້ອງເຂົ້າຮ່ວມ.
   ໃນພິທີ, ທ່ານ ສົມຈິດ ປັນຍາສັກ ຮອງເຈົ້າແຂວງອຸ ດົມໄຊໄດ້ລາຍງານກ່ຽວກັບ ປະຫວັດຄວາມເປັນມາຂອງ ໂຄງການກໍ່ສ້າງທາງລົດໄຟ ລາວ-ຈີນ ໂດຍໄດ້ຍົກໃຫ້ເຫັນ ວ່າ: ດ້ານການລົງທຶນ ລັດຖະ ບານລາວໄດ້ກູ້ຢືມດ້ວຍອັດຕາ ດອກເບ້ຍຕ່ຳໃນອັດຕາ 2,3% ແລະ ຝ່າຍຈີນຖືຫຸ້ນ 70%, ຝ່າຍ ລາວເຮົາຖືຫຸ້ນ 30%, ດ້ານ ການຄຸ້ມຄອງຂອງແຂວງອຸດົມ ໄຊ ແລວທາງທີ່ແລ່ນຜ່ານແຂວງ ອຸດົມໄຊມີຄວາມຍາວທັງໝົດ 126,6 ກິໂລແມັດ, ກວມເອົາ 30,6% ໃນນັ້ນ ກວມເອົາ 3 ສັນຍາການກໍ່ສ້າງຄື: ສັນຍາທີ ໜຶ່ງແມ່ນເລີ່ມແຕ່ກິໂລແມັດທີ 16+900 ຫາ ກິໂລແມັດ 68+ 730 (ຍາວ 51,83 ກິໂລແມັດ) ແມ່ນບໍລິສັດວິສະວະກຳທາງ ລົດໄຟ ເລກ 5 ເປັນຜູ້ຮັບເໝົາ, ສັນຍາທີສອງແມ່ນເລີ່ມແຕ່ກິ ໂລແມັດທີ 68+730 ຫາກິໂລ ແມັດ 137+580 (ຍາວ 68,85 ກີໂລແມັດ) ແມ່ນບໍລິສັດວິສະ ວະກຳສາກົນເປັນຜູ້ຮັບເໝົາ ແລະ ສັນຍາທີສາມແມ່ນເລີ່ມ ແຕ່ກິໂລແມັດທີ 137+580 ຫາກິໂລແມັດ 143+500 (ຍາວ 5,92 ກິໂລແມັດ) ໂດຍແມ່ນ ບໍລິສັດວິສະວະກຳທາງລົດໄຟ ເລກທີ 8 ເປັນຜູ້ຮັບເໝົາ ໃນ ນີ້ ລວມມີຂົວ 57 ແຫ່ງ, ມີ ຄວາມຍາວທັງໝົດ 12,69 ກິ ໂລແມັດ, ອຸມົງມີ 34 ຈຸດມີ ຄວາມຍາວທັງໝົດ 75,72 ກິ ໂລແມັດ, ມີ 9 ສະຖານີໃນນີ້ຢູ່ ເມືອງນາໝໍ້ມີສອງຸຈຸດ, ຢູ່ເມືອງ ງາມີ 4 ຈຸດ ແລະ ເມືອງ ໄຊ 3 ຈຸດ ແລະ ສາມາດມອບສະ ໜາມໃຫ້ແກ່ຜູ້ຮັບເໝົາໄດ້ທັງ ໝົດ 14 ຈຸດ, ຈາກທັງໝົດ 19 ຈຸດ, ຈຸດຕັ້ງແຄ້ມ 21 ຈຸດ, ຈຸດ ຕັ້ງສາງລະເບີດ 6 ຈຸດ, ຈຸດຖິ້ມ ດິນມີ 20 ຈຸດ. ພາຍຫຼັງສຳເລັດ ພິທີທາງການແລ້ວໂອກາດດັ່ງ ກ່າວ, ທ່ານເຈົ້າແຂວງອຸດົມໄຊ ພ້ອມພາກສ່ວນທີ່ກ່ຽວຂ້ອງໄດ້ ຮ່ວມກັນຕັດແຖບຜ້າ ພ້ອມທັງ ລັ່ນຄ້ອງ 9 ບາດ ເພື່ອເປັນສັນ ຍານໃຫ້ແກ່ການເປີດໂຄງການ ຢ່າງເປັນທາງການ.
(ຂ່າວ: ແສງອາທິດ) .