ປະທານ ສນຊ ຕ້ອນຮັບຄະນະຜູ້ແທນແນວໂຮມນະຄອນໂຮ່ຈິມິນ


...

    

ທ່ານ ໄຊສົມພອນ ພົມວິ ຫານ ກຳມະການກົມການ ເມືອງສູນກາງພັກ ປະທານສູນ ກາງແນວລາວສ້າງຊາດ (ສນຊ) ໄດ້ຕ້ອນຮັບການເຂົ້າຢ້ຽມຂ່ຳ ນັບຂອງທ່ານ ນາງ ໂຕທິ ບິກ ເຈົາ ຮອງປະທານແນວໂຮມ ປະເທດຊາດຫວຽດນາມ ຄະ ນະປະຈຳພັກ ປະທານແນວ ໂຮມແຫ່ງຊາດນະຄອນໂຮ່ຈິ ມິນ ພ້ອມດ້ວຍຄະນະໃນວັນທີ 8 ກັນຍາຜ່ານມານີ້ ທີ່ ສນຊ ເນື່ອງໃນໂອກາດທີ່ຄະນະດັ່ງ ກ່າວເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຕາມຄຳເຊີນຂອງແນວລາວ ສ້າງຊາດນະຄອນຫຼວງວຽງຈັນ. ໂອກາດດັ່ງກ່າວທ່ານປະ ທານ ສນຊ ໄດ້ສະແດງຄວາມ ຍິນດີຕ້ອນຮັບ ແລະ ຊົມເຊີຍຕໍ່ ການເດີນທາງມາຢ້ຽມຢາມ ສປປ ລາວ ຂອງທ່ານນາງ ໂຕທິບິກເຈົາ ແລະ ຄະນະໃນ ຄັ້ງນີ້ ຊຶ່ງຈະເປັນການປະກອບ ສ່ວນອັນສຳຄັນເຂົ້າໃນການຮັດແໜ້ນສາຍພົວພັນມິດ ຕະພາບອັນເປັນມູນເຊື້ອລະ ຫວ່າງລາວ - ຫວຽດນາມ ນັບ ມື້ສົມບູນພູນສ້າງ ໂດຍສະ ເພາະການພົວພັນຮ່ວມມືລະ ຫວ່າງສອງແນວໂຮມນະຄອນ ຫຼວງວຽງຈັນ ແລະ ແນວໂຮມ ນະຄອນໂຮ່ຈິມິນນັບມື້ໄດ້ຮັບ ການຂະຫຍາຍຕົວບໍ່ຢຸດຢັ້ງ; ພ້ອມນັ້ນທ່ານຍັງອວຍພອນ ໃຫ້ຄະນະຈົ່ງປະສົບຜົນສຳ ເລັດໃນການຢ້ຽມຢາມລາວ ໃນຄັ້ງນີ້. ທ່ານ ນາງ ໂຕທິ ບິກເຈົາ ໄດ້ສະແດງຄວາມຂອບອົກ ຂອບໃຈຕໍ່ການຕ້ອນຮັບຢ່າງ ອົບອຸ່ນຂອງທ່ານປະທານ ສນຊ ແລະ ພ້ອມທັງແຈ້ງຈຸດ ປະສົງໃນການຢ້ຽມຢາມ ສປປ ລາວ ໃຫ້ຊາບຕື່ມອີກ.