ສະຫຼອງການສ້າງຕັ້ງເມືອງສົບເບົາ ຄົບຮອບ 20 ປີ


...

     ເມືອງສົບເບົາ ແຂວງຫົວ ພັນ ໄດ້ຈັດພິທີໂຮມຊຸມນຸມສະ ເຫຼີມສະຫຼອງການສ້າງຕັ້ງເມືອງ ຄົບຮອບ 20 ປີ (10 ຕຸລາ 1997 ຫາ 10 ຕຸລາ 2017) ຂຶ້ນໃນ ວັນທີ 10 ຕຸລານີ້ ທີ່ເມືອງດັ່ງ ກ່າວ ໂດຍການເຂົ້າຮ່ວມຂອງ ທ່ານ ຈະເລີນ ເຢຍປາວເຮີ ລັດ ຖະມົນຕີປະຈຳສຳນັກງານນາ ຍົກລັດຖະມົນຕີ ມີພາກສ່ວນ ກ່ຽວຂ້ອງເຂົ້າຮ່ວມ. ໃນພິທີ, ທ່ານ ວົງເພັດ ກຽນສິງຮັກ ເຈົ້າເມືອງສົບເບົາ ໄດ້ລາຍງານວ່າ: ເມືອງສົບເບົາ ໄດ້ຮັບການປະກາດສ້າງຕັ້ງ ຂຶ້ນຢ່າງເປັນທາງການໃນວັນທີ 10 ຕຸລາ 1997 ໂດຍການແບ່ງ ສ່ວນໜຶ່ງຈາກເມືອງຊຽງຄໍ້ ໃນ ເມື່ອກ່ອນ, ເນື່ອງຈາກວ່າ ເມືອງຊຽງຄໍ້ ໃນເມື່ອກ່ອນເປັນ ເມືອງໃຫຍ່, ພື້ນທີ່ກວ້າງຂວາງ, ມີຫຼາຍຕາແສງ, ຫຼາຍບ້ານ, ພົນລະເມືອງຫຼາຍ (75 ພັນ ກວ່າຄົນ) ເພື່ອຮັບປະກັນໃນ ການເຜີຍແຜ່ແນວທາງນະໂຍ ບາຍຂອງພັກ, ລະບຽບການ, ກົດໝາຍຂອງລັດ ຖືກນຳໄປ ຈັດຕັ້ງຜັນຂະຫຍາຍໃຫ້ໄດ້ຮັບ ໝາກຜົນ, ທັນເວລາ ແລະ ແທດ ເຖິງຮາກຖານຕົວຈິງລວມທັງ ເຮັດໃຫ້ແຕ່ລະທ້ອງຖິ່ນ ໄດ້ຮັບ ການພັດທະນາໄວ, ມີຄວາມ ເທົ່າທຽມກັນ, ຫຼຸຸດຜ່ອນຄວາມ ແຕກໂຕນ ລະຫວ່າງຕົວເມືອງ ແລະ ຊົນນະບົດ ແນໃສ່ເຮັດ ໃຫ້ວຽກງານຮອບດ້ານ ໄດ້ຮັບ ການຈັດຕັ້ງປະຕິບັດ ຢ່າງສະ ດວກ ແລະ ໄດ້ຮັບປະສິດທິຜົນ ເປັນຢ່າງດີ. ສະນັ້ນ, ພາກສ່ວນຕ່າງໆ ໂດຍສະເພາະຂັ້ນສູນກາງ, ແຂວງ ແລະ ພາກສ່ວນທີ່ກ່ຽວ ຂ້ອງ ຈຶ່ງໃຫ້ການສະໜັບສະ ໜູນໃຫ້ແຍກເມືອງຊຽງຄໍ້ ອອກ ເປັນ 3 ເມືອງ (ເມືອງຊຽງ ຄໍ້, ເມືອງແອດ ແລະ ເມືອງສົບ ເບົາ) ໃນໄລຍະສ້າງຕັ້ງເມືອງ ທຳອິດ ເຫັນວ່າ: ພື້ນຖານໂຄງ ລ່າງຂອງເມືອງມີຄວາມຫຍຸ້ງ ຍາກທີ່ສຸດ, ບໍ່ມີສຳນັກງານ ຫ້ອງການເຮັດວຽກ, ພະນັກ ງານບໍ່ມີທີ່ພັກພາອາໄສ, ອຸປະ ກອນຮັບໃຊ້ຂາດເຂີນ, ພາຫະ ນະບໍ່ພຽງພໍ-ຊຸດໂຊມເກົ່າແກ່, ທາງທຽວບໍ່ສະດວກ, ຫຼາຍສິ່ງ ຫຼາຍຢ່າງແມ່ນເລີ່ມສ້າງຕັ້ງຂຶ້ນ ໃໝ່. ຕະຫຼອດໄລຍະ 20 ປີ ທີ່ ຜ່ານມາ ພາຍໃຕ້ການຊີ້ນຳ- ນຳພາຂອງຄະນະບໍລິຫານ ງານພັກເມືອງມາແລ້ວ IV ຊຸດ (ປັດຈຸບັນຊຸດທີ IV) ເຫັນວ່າ ການພັດທະນາເສດຖະກິດ-ສັງຄົມ ໄດ້ມີບາດກ້າວຂະຫຍາຍ ຕົວຢ່າງຕໍ່ເນື່ອງ ດັ່ງສະແດງ ອອກໃນປັດຈຸບັນ ທົ່ວເມືອງມີ 67 ບ້ານ, ມີ 4.525 ຫຼັງຄາ ເຮືອນ, ມີພົນລະເມືອງທັງໝົດ 26.482 ຄົນ, ຍິງ 13.541 ຄົນ. ມີພະນັກງານລັດຖະກອນທັງ ໝົດ 663 ຄົນ (ປີ 1997 ມີ 218 ຄົນ), ເສດຖະກິດຂະ ຫຍາຍຕົວ 8,17%, ລາຍຮັບ ສະເລ່ຍ ໃສ່ຫົວຄົນໄດ້ປະມານ 5.200.000 ກີບຕໍ່ຄົນຕໍ່ປີ, ມີ ເສັ້ນທາງຄົມມະນາຄົມເຂົ້າ ເຖິງບ້ານ ກວມ 100% ໃນນັ້ນ ເສັ້ນທາງທຽວໄດ້ສອງລະດູ ກວມເອົາ 45% ບ້ານທີ່ໄດ້ນຳ ໃຊ້ໄຟຟ້າແລ້ວ ກວມ 77% ບ້ານທີ່ມີວິດຖ່າຍແລ້ວ ກວມ 85%, ມີບ້ານສາທາລະນະສຸກ ກວມ 92% ບ້ານທີ່ໄດ້ນຳໃຊ້ ນ້ຳລິນ ກວມ 88% ຍັງມີບ້ານ ທຸກຍາກ ກວມ 43%, ຄອບ ຄົວທຸກຍາກ ຍັງກວມ 8,5%, ມີບ້ານພັດທະນາກວມ 52%. ໃນໂອກາດດຽວກັນ, ທ່ານ ຄຳຜິວ ພົງສະຫວັນ ປະທານແນວລາວສ້າງຊາດ ແຂວງຫົວພັນ ໄດ້ຕາງໜ້າໃຫ້ ຄະນະພັກ-ຄະນະນຳແຂວງ ຫົວພັນ ມີຄຳເຫັນຢັ້ງຢືນ ແລະ ຕີລາຄາສູງ ຕໍ່ໝາກຜົນທີ່ອຳ ນາດການປົກຄອງ ແລະ ປະຊາ ຊົນບັນດາເຜົ່າ ຊາວເມືອງສົບ ເບົາ ທີ່ສາມາດຍາດມາໄດ້ຕະ ຫຼອດໄລຍະ 20 ປີທີ່ຜ່ານມາ ພ້ອມທັງເນັ້ນໜັກໃຫ້ທຸກພາກ ສ່ວນ, ຂະແໜງການ ແລະ ຊາວເມືອງສົບເບົາ ຈົ່ງເອົາໃຈ ໃສ່ຈັດຕັ້ງປະຕິບັດວຽກງານ ຮອບດ້ານໃຫ້ໄດ້ຮັບຜົນດີ, ບັນ ລຸຕາມຄາດໝາຍທີ່ວາງໄວ້ ໂດຍສະເພາະວຽກງານປ້ອງ ກັນຊາດ-ປ້ອງກັນຄວາມສະ ຫງົບ, ການເຕົ້າໂຮມຄວາມສາ ມັກຄີ, ການກໍ່ສ້າງພັກ-ພະນັກ ງານ, ການແກ້ໄຂຄວາມທຸກ ຍາກຂອງປະຊາຊົນ ແລະ ອື່ນໆ.