ລມຕ ກະຊວງການຕ່າງປະເທດຕ້ອນຮັບ ທູດເຢຍລະມັນ


...

     ໃນວັນທີ 10 ຕຸລານີ້, ທີ່ ກະຊວງການຕ່າງປະເທດທ່ານ ສະເຫຼີມໄຊ ກົມມະສິດ ລັດຖະ ມົນຕີ (ລມຕ) ກະຊວງການ ຕ່າງປະເທດ ໄດ້ຕ້ອນຮັບການ ເຂົ້າຢ້ຽມຂ່ຳນັບຂອງທ່ານ ເຢັນ ເປເຕີ ລຸດເຄນ ເຮິມ (Jens Perter Lutkenherm), ເອກ ອັກຄະລັດຖະທູດວິສາມັນຜູ້ມີ ອຳນາດເຕັມແຫ່ງ ສາທາລະນະ ລັດ ສະຫະພັນ (ສສ) ເຢຍລະມັນ ຄົນໃໝ່ ປະຈຳ ສປປ ລາວ. ໃນໂອກາດດັ່ງກ່າວ ທ່ານ ລັດຖະມົນຕີໄດ້ສະແດງຄວາມ ຍິນດີຕໍ່ທ່ານທູດ ທີ່ໄດ້ຖືກແຕ່ງ ຕັ້ງໃຫ້ມາດຳລົງຕຳແໜ່ງເປັນ ເອກອັກຄະລັດຖະທູດ ແຫ່ງສສ. ເຢຍລະມັນ ຄົນໃໝ່ ປະຈຳ ສປປ ລາວ ພ້ອມທັງສະ ແດງຄວາມເຊື່ອໝັ້ນວ່າທ່ານ ທູດຈະສືບຕໍ່ເສີມສ້າງ ແລະ ເພີ່ມທະວີການພົວພັນຮ່ວມ ມືລະຫວ່າງ ສອງປະເທດລາວ -ເຢຍລະມັນໃຫ້ນັບມື້ຂະຫຍາຍ ຕົວຍິ່ງໆຂຶ້ນ. ໂອກາດດຽວກັນຄັ້ງນີ້ ທັງ ສອງຝ່າຍຍັງໄດ້ຕີລາຄາສູງຕໍ່ ສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງສອງ ປະເທດ ໃນໄລຍະຜ່ານມາ, ພ້ອມທັງສະແດງຄວາມຊົມ ເຊີຍຕໍ່ວັນສ້າງຕັ້ງສາຍພົວພັນ ການທູດລາວ-ເຢຍລະມັນ ທີ່ ຈະໝູນວຽນມາ ຄົບຮອບ 60 ປີ ໃນປີ 2018 ທີ່ຈະມາເຖິງນີ້ (31/1/1958-31/1/2018) ຊຶ່ງສອງຝ່າຍເຫັນດີທີ່ຈະຮ່ວມ ກັນຈັດພິທີສະເຫຼີມສະຫຼອງ ວັນສຳຄັນດັ່ງກ່າວຢ່າງເປັນຂະ ບວນຟົດຟື້ນ ແລະ ມີຄວາມ ໝາຍ. ທ່ານລັດຖະມົນຕີໄດ້ຖືເອົາ ໂອກາດນີ້ ສະແດງຄວາມຂອບ ໃຈຕໍ່ການຊ່ວຍເຫຼືອ ສປປ ລາວ ຂອງລັດຖະບານ ສສ.ເຢຍລະມັນ ຊຶ່ງເປັນການປະກອບສ່ວນອັນ ສຳຄັນເຂົ້າໃນການສ້າງສາ ພັດທະນາໃນດ້ານຕ່າງໆຕາມ ແຜນພັດທະນາເສດຖະກິດ-ສັງຄົມຂອງ ສປປ ລາວເປັນ ຕົ້ນແມ່ນການພັດທະນາຊົນ ນະບົດ, ວຽກງານອາຊີວະສຶກ ສາ, ການພັດທະນາເສດຖະ ກິດແບບຍືນຍົງ, ການພັດທະ ນາຊັບພະຍາກອນມະນຸດ, ການອະນຸລັກສິ່ງແວດລ້ອມ, ການກໍ່ສ້າງພື້ນຖານໂຄງລ່າງ ແລະ ການສົ່ງເສີມທຸລະກິດ ພາກເອກະຊົນ ຊຶ່ງມາເຖິງປັດ ຈຸບັນເຢຍລະມັນໄດ້ໃຫ້ການ ຊ່ວຍເຫຼືອແກ່ ສປປ ລາວ ລວມ ມູນຄ່າປະມານ 377,1 ລ້ານ ເອີໂຣ ໃນນັ້ນ ສົກປີ 2016-2017 ແມ່ນມີມູນຄ່າ 45,8 ລ້ານເອີໂຣ. ໃນຕອນທ້າຍ, ທ່ານລັດຖະມົນຕີຍັງສະເໜີໃຫ້ ທ່ານທູດຊ່ວຍຊຸກຍູ້ນັກລົງທຶນ ແລະ ເຊີນຊວນນັກທ່ອງທ່ຽວ ເຢຍລະມັນ ໃຫ້ມາທ່ຽວລາວ ແລະ ລົງທຶນຢູ່ລາວໃຫ້ຫຼາຍ ຂຶ້ນ ເພື່ອນຳຜົນປະໂຫຍດ ມາ ສູ່ປະຊາຊົນສອງຊາດລາວ - ເຢຍລະມັນ. ທ່ານທູດ ເຢັນ ເປເຕີ ລຸດເຄນເຮິມ ກໍໄດ້ສະແດງ ຄວາມຂອບໃຈເປັນຢ່າງສູງຕໍ່ ທ່ານ ສະເຫຼີມໄຊ ກົມມະສິດ ທີ່ໄດ້ໃຫ້ການຕ້ອນຮັບອັນອົບ ອຸ່ນ ແລະ ໃຫ້ຄຳໝັ້ນສັນຍາ ວ່າໃນໄລຍະທີ່ປະຕິບັດໜ້າທີ່ ການທູດຢູ່ ສປປ ລາວ ຈະພະ ຍາຍາມສືບຕໍ່ເສີມສ້າງ ແລະ ເພີ່ມທະວີການພົວພັນຮ່ວມ ມືລະຫວ່າງສອງປະເທດລາວ -ເຢຍລະມັນໃຫ້ນັບມື້ນັບຂະ ຫຍາຍຕົວຍິ່ງໆຂຶ້ນ.