3 ເມືອງຂອງໄຊຍະບູລີໄດ້ຮັບໂຮງຮຽນຫຼັງໃໝ່


...

     ພິທີມອບ - ຮັບໂຮງຮຽນ ຫຼັງໃໝ່ 3 ຫຼັງຢູ່ 3 ເມືອງຂອງ ແຂວງໄຊຍະບູລີຄື: ໂຮງຮຽນ ມັດທະຍົມສົມບູນຜາຊ້າງ ເມືອງໄຊຍະບູລີ, ໂຮງຮຽນມັດ ທະຍົມສົມບູນນ້ຳຊົ້ງ ເມືອງ ປາກລາຍ ແລະ ໂຮງຮຽນປະ ຖົມສົມບູນ ບ້ານນາບວມ ເມືອງ ພຽງໄດ້ຈັດຂຶ້ນໃນວັນທີ 4 ຕຸລາ ຜ່ານມາ ທີ່ເດີ່ນໂຮງຮຽນມັດ ທະຍົມສົມບູນຜາຊ້າງ ເມືອງ ໄຊຍະບູລີ, ໂດຍມີທ່ານ ພົງສະ ຫວັນ ສິດທະວົງ ເຈົ້າແຂວງ ໄຊຍະບູລີ, ທ່ານ ທາເກຊິຮິ ກິຮາຣະ ເອກອັກຄະຣາຊະທູດ ຍີ່ປຸ່ນ ປະຈຳ ລາວ, ການນຳຂອງ ແຂວງ ແລະ 3 ເມືອງພ້ອມດ້ວຍ ອຳນາດການ ປົກຄອງພໍ່ - ແມ່ ນັກຮຽນ, ຄູ-ອາຈານ ແລະ ນັກຮຽນເຂົ້າ ຮ່ວມ. ໂຄງການກໍ່ສ້າງໂຮງຮຽນ ທັງ 3 ແຫ່ງນີ້ແມ່ນໄດ້ຮັບທຶນ ຊ່ວຍເຫຼືອຈາກລັດຖະບານ ແລະ ປະຊາຊົນຍີ່ປຸ່ນໃນ ມູນຄ່າທັງໝົດປະມານ 2 ແສນ 38 ພັນກ່ວາໂດ ລາ, ໂຮງຮຽນທັງ 3 ແຫ່ງ ເປັນອາ ຄານຊັ້ນດຽວແຕ່ລະຫ້ອງ ແມ່ນປະກອບມີເຄື່ອງເຟີ ນີເຈີຄົບຊຸດຄື: ໂຮງຮຽນມັດ ທະຍົມສົມບູນຜາຊ້າງ ເມືອງ ໄຊຍະບູລີ, ມີຄວາມຍາວ 48 ແມັດ, ກວ້າງ 9 ແມັດ, ໂຮງ ຮຽນປະຖົມສົມບູນ ບ້ານນາ ບວມ ເມືອງພຽງ ມີຄວາມຍາວ 42 ແມັດ, ກວ້າງ 8 ແມັດ, ໂຮງຮຽນມັດທະຍົມສົມບູນນ້ຳ ຊົົ້ງ ເມືອງປາກລາຍ ມີຄວາມ ຍາວ 48 ແມັດ, ກວ້າງ 9 ແມັດ, ໂຄງການດັ່ງກ່າວໄດ້ເລີ່ມລົງມື ກໍ່ສ້າງແຕ່ປີ 2015 - 2016 ສຳເລັດ 100%. ທ່ານ ທາເກຊິ ຮິກິຮາຣະ ກໍ ໄດ້ ມອບໂຮງຮຽນທັງ 3 ແຫ່ງໃຫ້ ເຈົ້າຂອງໂຄງການ ໂດຍແມ່ນ ທ່ານ ພົງສະຫວັນ ສິດທະວົງ ເປັນຜູ້ກ່າວຮັບ ແລະ ມອບ ຕໍ່ໃຫ້ອຳນາດການປົກຄອງ 3 ເມືອງ ແລະ ຄູ - ອາຈານເປັນຜູ້ ປົກປັກຮັກສາ ແລະ ຄຸ້ມຄອງ ນຳໃຊ້ຢ່າງເປັນທາງການ ພ້ອມ ດຽວກັນ ຜູ້ເຂົ້າຮ່ວມກໍໄດ້ຕັດ ແຖບຜ້າ, ປ່ອຍປຸ່ມເປົ້າ, ໄຂ ການນຳໃຊ້ໂຮງຮຽນຢ່າງເປັນ ທາງການ. (ຂ່າວ: ອຸ່ນເຮືອນ ໂພທິ ລັກ ຫ້ອງວ່າການແຂວງໄຊຍະ ບູລີ)