ກຽມສຶກສາ-ອອກແບບກໍ່ສ້າງອະນຸສອນສະຖານບັ້ນຮົບນ້ຳບາກ ແລະ ບັ້ນຮົບໄມ້ຄ້ອນ


...

    ບໍລິສັດດວງພະສຸກກໍ່ສ້າງ ສ້ອມແປງຂົວທາງ ເຄຫາສະ ຖານ ແລະ ຊົນລະປະທານຈຳ ກັດຜູ້ດຽວ (DPS) ລົງນາມບົດບັນທຶກຄວາມເຂົ້າໃຈຮ່ວມກັບ ພະແນກ ແຜນການ ແລະ ການ ລົງທຶນແຂວງຫຼວງພະບາງ ໃນ ການ ສຶກສາຄວາມເປັນໄປໄດ້ ແລະ ອອກແບບໂຄງການກໍ່ ສ້າງອະນຸສອນສະຖານບັ້ນຮົບ ນ້ຳບາກຢູ່ເມືອງນ້ຳບາກ ແລະ ບັ້ນຮົບໄມ້ຄ້ອນຢູ່ເມືອງວຽງຄຳ ແຂວງຫຼວງພະບາງ ເພື່ອພັດ ທະນາປະຫວັດສາດທ່ານຜູ້ນຳ ໃຫ້ກາຍເປັນອະນຸສອນໃຫ້ແກ່ ຄົນຮຸ່ນໃໝ່ ໄດ້ຮຽນຮູ້ເຖິງມູນ ເຊື້ອປະຕິວັດ ແລະ ເປັນສະ ຖານທີ່ທ່ອງທ່ຽວທາງດ້ານປະ ຫວັດສາດຂອງແຂວງນຳອີກ. ທ່ານ ຄຳຫຼ້າ ດວງພະສຸກ ປະທານບໍລິສັດດວງພະສຸກກໍ່ ສ້າງສ້ອມແປງ-ຂົວທາງ ເຄຫາ ສະຖານ ແລະ ຊົນລະປະທານ ຈຳກັດຜູ້ດຽວກ່າວວ່າ: ການ ເຊັນບົດບັນທຶກຄວາມເຂົ້າໃຈ ສຶກສາຄວາມເປັນໄປໄດ້ໃນ ຄັ້ງນີ້ ຖືວ່າເປັນການສຳຫຼວດ- ອອກແບບໂຄງການໃນເບື້ອງ ຕົ້ນ ພາຍຫຼັງສຳເລັດການສຳ ຫຼວດແລ້ວ ຈະນຳເອົາແບບ ໂຄງການມາຜ່ານຄະນະນຳ ແຂວງ ເພື່ອປະກອບຄຳເຫັນ ໃສ່ບົດລາຍງານ, ຫຼັງຈາກນັ້ນ ຈຶ່ງກ້າວເຂົ້າສູ່ຂະບວນການຕໍ່ ໄປ. ທ່ານກ່າວຕື່ມວ່າ: ພວກ ເຮົາຈະລົງມືສຳຫຼວດ-ອອກ ແບບໂຄງການນີ້ທັນທີ ຄາດ ວ່າຈະໃຫ້ສຳເລັດໃນໄວໆນີ້ ເນື່ອງຈາກວ່າພວກເຮົາມີ ຄວາມພ້ອມທາງດ້ານເຕັກນິກ, ວິຊາການທີ່ມີປະສົບການ ແລະ ເຄີຍປະສົບຜົນສຳເລັດ ໃນຫຼາຍໂຄງການຜ່ານມາ ເຊັ່ນ: ໂຄງການອະນຸສອນສະ ຖານວິລະຊົນສີທອງ, ໂຄງ ການກອງຮ້ອຍລາດຊະວົງ ແລະ ໂຄງການອື່ນໆທີ່ພັກ- ລັດຖະບານມອບໝາຍໃຫ້ບໍ ລິສັດເປັນຜູ້ຮັບເໝົາ. ຖ້າຫາກ ໂຄງການນີ້ສຳເລັດ ກໍຈະເປັນ ອະນຸສອນສະຖານໃຫ້ແກ່ຄົນ ຮຸ່ນໃໝ່ໄດ້ສຶກສາຮຽນຮູ້ເຖິງ ມູນເຊື້ອການປະຕິວັດ, ທັງ ເປັນແຫຼ່ງທ່ອງທ່ຽວທາງດ້ານ ປະຫວັດສາດ ເພື່ອໃຫ້ນັກ ທ່ອງທ່ຽວທີ່ມາຢ້ຽມຊົມໄດ້ຮູ້ ຈັກນັບມື້ນັບຫຼາຍຂຶ້ນ. ທ່ານ ບຸນຊົມ ທັດຕະວົງ ຮອງຫົວໜ້າພະແນກແຜນການ ແລະ ການລົງທຶນກ່າວວ່າ: ບົດ ບັນທຶກດັ່ງກ່າວນີ້ ມີກຳນົດ 12 ເດືອນ ນັບແຕ່ມື້ລົງລາຍເຊັນ ເປັນຕົ້ນໄປ (ສຳຫຼວດ-ອອກ ແບບ, ຈັດກອງປະຊຸມປຶກສາ ຫາລື ເພື່ອຄວາມເປັນເອກະ ພາບ ແລະ ການປະກອບເອ ກະສານຕ່າງໆ), ຖ້າຫາກບໍລິ ສັດດັ່ງກ່າວດຳເນີນການສຳ ຫຼວດ-ອອກແບບໃຫ້ສຳເລັດ ຕາມແຜນທີ່ກຳນົດໄວ້ ຈຶ່ງກ້າວ ເຂົ້າສູ່ຂະບວນການຕໍ່ໄປຕາມ ລະບຽບຫຼັກການ. ບັ້ນຮົບນ້ຳບາກຢູ່ເມືອງ ນ້ຳບາກ ແລະ ບັ້ນຮົບໄມ້ຄ້ອນ ຢູ່ເມືອງວຽງຄຳ ແຂວງຫຼວງພະ ບາງ ເປັນການຕໍ່ສູ້ສະໄໝກູ້ ຊາດໃນເມື່ອກ່ອນ ຊຶ່ງທ່ານຜູ້ ນຳໃນອະດີດໄດ້ຖືເອົາສະຖານ ທີ່ດັ່ງກ່າວເປັນບ່ອນຕໍ່ສູ້ ແລະ ກອບກູ້ເອົາເອກະລາດຈາກ ພວກສັດຕູຜູ້ຮຸກຮານ, ໃນນັ້ນ ບັ້ນຮົບ "ນ້ຳບາກ" ໄດ້ດັບສູນ ແລະ ຈັບສະເລີຍເສິກໄດ້ເປັນ ຈຳນວນຫຼວງຫຼາຍ, ປົດປ່ອຍ ເຂດປົກຄອງຂອງສັດຕູໄດ້ ຫຼາຍທີ່ສຸດ ເຮັດໃຫ້ທຸກກຳລັງ ຂອງສັດຕູຢູ່ລາວອ່ອນເພຍ ເປ້ຍລ່ອຍ, ກົງກັນຂ້າມມັນໄດ້ ກາຍເປັນກຳລັງປຸກລະດົມໃຫ້ ປວງຊົນລາວທັງຊາດລຸກຂຶ້ນຕໍ່ ສູ້ຢ່າງພິລາດອາດຫານ. ພິທີລົງນາມເຊັນບົດບັນ ທຶກຄວາມເຂົ້າໃຈ (MOU) ເພື່ອສຶກສາຄວາມເປັນໄປໄດ້ ໂຄງການດັ່ງກ່າວຈັດຂຶ້ນໃນ ຕອນແລງວັນທີ 8 ພຶດສະພາ ຜ່ານມານີ້ ທີ່ຫ້ອງການສະພາ ປະຊາຊົນແຂວງຫຼວງພະບາງ ໂດຍການລົງນາມຮ່ວມກັນ ລະຫວ່າງ ທ່ານ ຄຳຫຼ້າ ດວງພະສຸກ ກັບທ່ານ ບຸນຊົມ ທັດ ຕະວົງ ໂດຍມີທ່ານ ໄຊສົມ ພອນ ພົມວິຫານ ປະທານສູນ ກາງແນວລາວສ້າງຊາດ, ທ່ານ ຈະເລີນ ເຢຍປາວເຮີ ລັດຖະ ມົນຕີປະຈຳສຳນັກ ງານນາຍົກ, ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ແລະ ພາກສ່ວນກ່ຽວຂ້ອງເຂົ້າຮ່ວມ. (ຂ່າວ: ແຂວງຫຼວງພະບາງ)