ຍທຂ ດຳເນີນກອງປະຊຸມສາມັນຄົບຄະນະພັກກະຊວງ


...

    ກອງປະຊຸມສາມັນຄົບ ຄະນະພັກກະຊວງໂຍທາທິ ການ ແລະ ຂົນສົ່ງ (ຍທຂ) ຂຶ້ນ ໃນວັນທີ 11 ພຶດສະພານີ້ ທີ່ ກະຊວງ ຍທຂ ໂດຍການເປັນ ປະທານຂອງ ສະຫາຍ ບຸນຈັນ ສິນທະວົງ ກຳມະການສູນກາງ ພັກ ເລຂາຄະນະພັກ ລັດຖະ ມົນຕີກະຊວງ ຍທຂ ພ້ອມດ້ວຍ ຄະນະ, ມີບັນດາສະຫາຍຄະ ນະປະຈຳ, ເລຂາຄະນະພັກ ກະຊວງເຂົ້າຮ່ວມ. ສະຫາຍ ບຸນຈັນ ສິນທະ ວົງ ໄດ້ກ່າວບາງຕອນວ່າ: ກອງປະຊຸມຄັ້ງນີ້ ຈະໄດ້ດຳ ເນີນໄປເປັນເວລາ 2 ວັນ ຊຶ່ງ ເປັນກອງປະຊຸມສຸດທີ່ມີຄວາມ ໝາຍ, ຄວາມສຳຄັນ ເພາະວ່າ ພວກເຮົາຈະພ້ອມກັນປຶກສາ ຫາລື ເພື່ອພິຈາລະນາຮັບຮອງ ຫຼາຍວຽກງານຄື: ສະຫຼຸຸບຕີລາ ຄາການເຄື່ອນໄຫວນຳພາຊີ້ ນຳວຽກງານຮອບດ້ານຂອງຄະ ນະພັກ ແລະ ຄະນະປະຈຳພັກ ກະຊວງ ຍທຂ ໃນ 3 ເດືອນ ຜ່ານມາ (1,2,3/2017) ແລະ ວາງທິດທາງແຜນການ 3 ເດືອນຕໍ່ໜ້າ. ສະຫຼຸຸບຕີລາຄາຄືນການ ຈັດຕັ້ງປະຕິບັດວຽກງານ 3 ສ້າງຂອງກະຊວງ ຍທຂ, ການ ຈັດຕັ້ງປະຕິບັດຂໍ້ແຂ່ງຂັນ-ຍ້ອງຍໍ "ຮັກຊາດ ແລະ ພັດທະ ນາ" ຂອງກະຊວງ ຍທຂ ໃນ ໄລຍະຜ່ານມາ ແລະ ກຳນົດ ແຜນການໃນຕໍ່ໜ້າ ເພື່ອເປັນ ພື້ນຖານໃນການສືບຕໍ່ຈັດຕັ້ງ ປະຕິບັດວຽກງານດັ່ງກ່າວໃນ ຕໍ່ໜ້າ. ພ້ອມກັນນັ້ນ ກໍຈະໄດ້ຮັບ ຟັງການລາຍງານການກວດ ກາແຕ່ຫົວທີ ໂຄງການກໍ່ສ້າງ ຂົວຂ້າມນ້ຳຂອງບ້ານຫ້ວຍ ແກ້ວ-ກ້ອນຕື້ນ ເມືອງປາກທາ ແຂວງບໍ່ແກ້ວ ແລະ ໂຄງການ ກໍ່ສ້າງທາງ ເລກທີ 3206 (ຊຳ ໃຕ້-ທ່າເຫຼົ້າ) ແຂວງຫົວພັນ, ການລາຍງານການປັບປຸງແບບ ແຜນການນຳພາ ແລະ ແບບ ແຜນວິທີເຮັດວຽກຂອງໜ່ວຍ ພັກຮາກຖານ ກົມແຜນການ ແລະ ການຮ່ວມມື ໂດຍສະ ເພາະການແກ້ໄຂບັນຫາຫຍໍ້ທໍ້ ຕ່າງໆພາຍໃນຮາກຖານພັກ. ໃນໂອກາດນີ້ ສະຫາຍ ເລຂາຄະນະພັກ ໄດ້ຮຽກຮ້ອງ ມາຍັງບັນດາສະຫາຍຄະນະ ປະຈຳພັກ, ກຳມະການຄະນະ ພັກກະຊວງທຸກສະຫາຍ ຈົ່ງ ເຊີດຊູຄວາມຮັບຜິດຊອບ ພ້ອມກັນສຸມສະຕິປັນຍາເຂົ້າ ໃນການຄົ້ນຄວ້າ ແລະ ປະ ກອບຄຳຄິດຄຳເຫັນຕໍ່ເນື້ອໃນ ເອກະສານຕ່າງໆຂອງກອງປະ ຊຸມໃຫ້ເລິກເຊິ່ງ ໂດຍສະເພາະ ແມ່ນການສະຫຼຸຸບຕີລາຄາການ ເຄື່ອນໄຫວນຳພາຂອງຄະນະ ພັກກະຊວງພວກເຮົາໃນຜ່ານ ມາ ເພື່ອຊອກໃຫ້ເຫັນດ້ານຕັ້ງ ໜ້າທີ່ພົ້ນເດັ່ນ ແລະ ຂໍ້ຄົງຄ້າງ ທີ່ພວກເຮົາຕ້ອງໄດ້ຄົ້ນຄວ້າປັບ ປຸງແກ້ໄຂໃນຕໍ່ໜ້າ. ຢາກເຮັດ ໄດ້ຄືແນວນັ້ນ ພວກເຮົາຕ້ອງມີ ການຄົ້ນຄວ້າກະກຽມຄຳຄິດ ຄຳເຫັນສົມທຽບໃສ່ພຶດຕິກຳ ຕົວຈິງ ເພື່ອປະກອບຄຳເຫັນ ໃຫ້ຊັດເຈນ, ທັງນີ້ ເພື່ອແນໃສ່ ເຮັດໃຫ້ກອງປະຊຸມສາມັນຄົບ ຄະນະພັກກະຊວງ ຍທຂ ຄັ້ງທີ 7 ສະໄໝທີ IV ນີ້ ສາມາດສະ ຫຼຸຸບສັງລວມ ຮັບຮອງເອົາເປັນ ມະຕິ ແລະ ນຳໄປຈັດຕັ້ງປະຕິ ບັດ ໃຫ້ສອດຄ່ອງກັບສະພາບ ຕົວຈິງໃຫ້ໄດ້ຮັບຜົນສຳເລັດ ຕາມຄາດໝາຍທີ່ຮັບຮອງເອົາ.