ກຽມຈັດງານວາງສະແດງວັດສະດຸກໍ່ສ້າງແລະ ເຄື່ອງໄຟຟ້າ


...

    

ງານວາງສະແດງສິນຄ້າ ດ້ານການກໍ່ສ້າງ, ວັດສະດຸກໍ່ ສ້າງ ແລະ ເຄື່ອງໄຟຟ້າ, ຈະ ໄດ້ຈັດຂຶ້ນໃນລະຫວ່າງວັນທີ 20-24 ກັນຍາ ທີ່ຈະມາເຖິງນີ້ ທີ່ສູນການຄ້າລາວໄອເຕັກ, ຊຶ່ງ ຈະລວບລວມເອົານະວັດຕະ ກຳ ທີ່ກ່ຽວຂ້ອງກັບການກໍ່ສ້າງ ແລະ ຕິດຕັ້ງໄຟຟ້າ ຈາກຜູ້ຜະ ລິດ ແລະ ຕົວແທນຈຳໜ່າຍ ຊັ້ນນຳປະມານ 100 ບໍລິສັດ ທັງພາຍໃນ ແລະ ຕ່າງປະເທດ ມາໄວ້ໃຫ້ຜູ້ເຂົ້າຊົມໄດ້ເລືອກ ຊື້ຕາມຄວາມຕ້ອງການ. ພິທີຖະແຫຼງຂ່າວກ່ຽວກັບ ການຈັດ ງານດັ່ງກ່າວໄດ້ຂຶ້ນໃນ ວັນທີ 11 ກັນຍານີ້ ທີ່ພະແນກອຸດ ສາຫະກຳ ແລະ ການຄ້າ ນະຄອນຫຼວງ ວຽງຈັນ, ໂດຍມີທ່ານ ສັງຄົມ ຈັນສຸກ ປະທານສະພາການຄ້າ ແລະ ອຸດສາຫະກຳ ນະຄອນ ຫຼວງວຽງຈັນ, ມີພາກສ່ວນກ່ຽວ ຂ້ອງເຂົ້າຮ່ວມນຳ. ທ່ານ ສັງຄົມ ຈັນສຸກ ໄດ້ ກ່າວວ່າ: ງານວາງສະແດງ ຄັ້ງ ນີ້ ເປັນການສົ່ງເສີມຜະລິດຕະ ພັນສິນຄ້າປະເພດເຄື່ອງວັດ ສະດຸກໍ່ສ້າງ ແລະ ເຄື່ອງໄຟຟ້າ ໃຫ້ເຂົ້າເຖິງຜູ້ຊົມໃຊ້ຢ່າງທົ່ວ ເຖິງ ເພື່ອເປັນການແລກປ່ຽນ ໂຄສະນາສິນຄ້າ ສິນຄ້າປະ ເພດດັ່ງກ່າວລວມທັງ ເພື່ອການ ກະຕຸກຊຸກຍູ້ໃຫ້ຜູ້ຜະລິດ, ຜູ້ ປະກອບການໄດ້ມີການພັດ ທະນາ, ດ້ານການຕະຫຼາດ, ຄຸນນະພາບສິນຄ້າພ້ອມທັງ ເປັນການສ້າງລາຍຮັບ ແລະ ສ້າງຄວາມເຂັ້ມແຂງໃຫ້ແກ່ ຫົວໜ່ວຍທຸລະກິດການກໍ່ສ້າງ ແລະ ອຸປະກອນໄຟຟ້າ, ເພື່ອ ເປັນການແລກປ່ຽນບົດຮຽນ ລະຫວ່າງພາກທຸລະກິດການກໍ່ ສ້າງ ແລະ ຜູ້ປະກອບການ ເຄື່ອງໃຊ້ໄຟຟ້າພາຍໃນ ແລະ ຕ່າງປະເທດ ໃນຍຸກເຊື່ອມໂຍງ ເສດຖະກິດອາຊຽນ AEC. ງານວາງສະແດງຄັ້ງນີ້ຍັງ ເປັນການເປີດໂຕກຸ່ມບໍລິສັດກໍ່ ສ້າງ ແລະ ຕິດຕັ້ງໄຟຟ້າໃຫ້ ເປັນທີ່ຮູ້ຈັກຢ່າງກວ້າງຂວາງ ໃນສັງຄົມ ແລະ ແຜນການ ເຄື່ອນໄຫວກິດຈະກຳປະຈຳປີ ຂອງກຸ່ມບໍລິສັດດັ່ງກ່າວພ້ອມ ທັງເປັນແຫຼ່ງລວບລວມເອົາ ນະ ວັດຕະກຳ ທີ່ກ່ຽວຂ້ອງກັບການ ກໍ່ ສ້າງ ແລະ ຕິດຕັ້ງໄຟຟ້າຈາກ ຜູ້ຜະລິດ ແລະ ຕົວແທນຈຳ ໜ່າຍຊັ້ນນຳປະມານ 100 ບໍລິ ສັດ, ເປັນເວທີທີ່ເປີດໂອກາດ ໃຫ້ຜູ້ປະກອບການຕ່າງໆ ທີ່ ກ່ຽວຂ້ອງໄດ້ນຳສະເໜີຜະລິດ ຕະພັນ, ແລກປ່ຽນຂໍ້ມູນທາງ ດ້ານທຸລະກິດສິນຄ້າ ແລະ ບໍລິການ, ລວມທັງປະຊາສຳ ພັນບໍລິສັດໃຫ້ເປັນທີ່ຮູ້ຈັກແກ່ ຄົນໃນວົງການ ຕະຫຼອດເຖິງ ການໄດ້ສັງເກດການ ແລະ ວິ ເຄາະການແຂ່ງຂັນຂອງຕະ ຫຼາດໃນປັດຈຸບັນ.