ຮອງປະທານປະເທດເຂົ້າຮ່ວມສະຫຼອງວັນຂຶ້ນຄອງລາດ ຂອງ ສົມເດັດ ຊຸນຕານ ແຫ່ງບຣູໄນ


...

    

ໂດຍຕອບສະໜອງຕາມ ການເຊື້ອເຊີນຂອງ ສົມເດັດ ຊຸນຕານ ຮາຈິຮັດຊານານ ໂບນ ເກຍ ແຫ່ງບຣູໄນ ດາຣູຊາລາມ ໃນວັນທີ 6 ຕຸລາຜ່ານມານີ້ ທ່ານ ພັນຄຳ ວິພາວັນ ຮອງປະ ທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ຕາງໜ້າປະທານປະ ເທດ ແຫ່ງ ສປປ ລາວ ເຂົ້າ ຮ່ວມພິທີສະເຫຼີມສະຫຼອງ ຄົບຮອບ 50 ປີ ວັນຂຶ້ນຄອງ ລາດຂອງ ສົມເດັດ ຊຸນຕານ ແຫ່ງ ບຣູໄນ ດາຣູຊາລາມ ທີ່ນະຄອນຫຼວງ ບັນດາ ເສຣີ ເບກາວັນ ໂດຍມີກະສັດ ແລະ ການນຳຂັ້ນສູງຈາກບັນດາ ປະເທດອາຊຽນ, ຕາເວັນອອກ ກາງ, ເອີຣົບ ແລະ ອື່ນໆ ລວມ ທັງເຈົ້າຊາຍ, ເຈົ້າຍິງ ແລະ ພະບໍຣົມວົງສານຸວົງ ຂອງບຣູໄນ ເຂົ້າຮ່ວມ ເພື່ອເປັນ ກຽດ ແລະ ອວຍພອນໄຊໃຫ້ ແກ່ສົມເດັດ ຊຸນຕານ. ໃນພິທີ ສຳຄັນດັ່ງກ່າວ, ໄດ້ມີຂະບວນ ແຫ່ສະເຫຼີມສະຫຼອງພາຍໃນ ນະຄອນຫຼວງບັນດາ ເສຣີ ເບ ກາວັນ ຢ່າງໃຫຍ່ໂຕມະໂຫ ລານ. ສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ດາຣູຊາລາມ ຂຶ້ນຄອງ ລາດເປັນກະສັດອົງທີ 29 ຂອງ ບຣູໄນ ດາຣູຊາລາມ ໃນວັນທີ 5 ຕຸລາ 1967 ຊຶ່ງໃນເວລານັ້ນ ສົມເດັດ ມີອາຍຸພຽງ 21 ປີ. ສົມເດັດ ຊຸນຕານ ໄດ້ນຳພາ ປະເທດສູ່ຄວາມເປັນເອກະ ລາດຢ່າງເຕັມສ່ວນ ໃນວັນທີ 1 ມັງກອນ 1984 ພາຍຫຼັງການ ລົງນາມໃນສົນທິສັນຍາມິດຕະ ພາບ ແລະ ການຮ່ວມມືລະ ຫວ່າງປະເທດ ບຣູໄນ ດາຣູຊາ ລາມ ແລະ ປະເທດອັງກິດ. ພາຍໃຕ້ພະບໍຣົມໂພທິສົມພານ ຂອງສົມເດັດປະເທດບຣູໄນ ໄດ້ຮັບການພັດທະນາເສດຖະ ກິດ-ສັງຄົມຢ່າງຕໍ່ເນື່ອງ, ເຫັນ ໄດ້ຈາກໂຕເລກການພັດທະ ນາຂອງປະຊາກອນ ແລະ ລາຍໄດ້ສະເລ່ຍຕໍ່ຫົວຄົນ ຢູ່ໃນ ອັນດັບຕົ້ນໆຂອງໂລກ. ນອກ ນັ້ນ, ລັດຖະບານບຣູໄນ ພາຍ ໃຕ້ການນຳພາຂອງພະອົງ ຍັງ ໄດ້ວາງແຜນພັດທະນາເສດ ຖະກິດ-ສັງຄົມໄລຍະຍາວ ຫຼື ວິໄສທັດບຣູໄນ 2035 “Wawasan Brunei 2035”, ແນ ໃສ່ພັດທະນາການສຶກສາ ແລະ ຍົກລະດັບຊີວິດການເປັນຢູ່, ຄວາມຮູ້ຄວາມສາມາດຂອງ ປະຊາຊົນບຣູໄນ ໃຫ້ຢູ່ໃນສິບ ອັນດັບຂອງໂລກ ແລະ ການ ພັດທະນາເສດຖະກິດແບບຍືນ ຍົງ. ການສະເຫຼີມສະຫຼອງການ ຂຶ້ນຄອງລາດຄົບຮອບ 50 ປີ ຂອງສົມເດັດ ຊຸນຕານ ເປັນ ການລະນຶກເຖິງຜົນສຳເລັດຕະ ຫຼອດໄລຍະ 5 ທົດສະວັດຜ່ານ ມາ ພາຍໃຕ້ການນຳພາຂອງ ສົມເດັດ ແລະ ເປັນຂີດໝາຍ ປະຫວັດສາດອັນສຳຄັນຂອງ ສະຖາບັນພະມະຫາກະສັດບຣູ ໄນ ທີ່ດຳລົງຄົງຕົວມາໄດ້ຫຼາຍ ກວ່າ 600 ປີ. ການເຂົ້າຮ່ວມພິທີສະ ເຫຼີມສະຫຼອງວັນສຳຄັນດັ່ງກ່າວ ເປັນການສະແດງຄວາມຊົມ ເຊີຍຕໍ່ຜົນສຳເລັດອັນໃຫຍ່ຫຼວງ ຂອງອົງສົມເດັດ ໃນການພັດ ທະນາສ້າງສາປະເທດຕະຫຼອດ ໄລຍະ 5 ທົດສະວັດຜ່ານມາ ກໍຄືເປັນການຮັດແໜ້ນສາຍ ພົວພັນມິດຕະພາບ ແລະ ການ ຮ່ວມມືອັນດີລະຫວ່າງສອງປະ ເທດໃຫ້ແຕກດອກອອກຜົນ ຍິ່ງໆຂຶ້ນ. ການພົວພັນຮ່ວມມືສອງ ຝ່າຍລະຫວ່າງ ສປປ ລາວ ແລະ ບຣູໄນ ດາຣູຊາລາມ ມີບາດ ກ້າວຂະຫຍາຍຕົວຢ່າງຕໍ່ເນື່ອງ ນັບຕັ້ງແຕ່ສອງປະເທດໄດ້້ສ້າງ ຕັ້ງສາຍພົວພັນທາງການທູດ ນຳກັນ ໃນວັນທີ 27 ກໍລະກົດ 1993 ເຫັນໄດ້ຈາກບັນດາຜູ້ ນຳຂັ້ນສູງຂອງສອງປະເທດ ໄດ້ມີການແລກປ່ຽນການຢ້ຽມ ຢາມເຊິ່ງກັນ ແລະ ກັນ ຢ່າງ ເປັນປົກກະຕິ. ລັດຖະບານບຣູ ໄນ ໄດ້ໃຫ້ການຊ່ວຍເຫຼືອແກ່ ສປປ ລາວ ໃນຫຼາຍດ້ານເຊັ່ນ: ການກໍ່ສ້າງໂຮງຮຽນ, ສະໜາມ ກິລາໃນຮົ່ມຊີເກມ 2009, ຊ່ວຍເຫຼືອກອງປະຊຸມອາເຊັມ 9 ແລະ ກອງປະຊຸມສຸດຍອດ ອາຊຽນ ຄັ້ງທີ 28 ແລະ 29 ທີ່ ສປປ ລາວ ເປັນເຈົ້າພາບໃນປີ 2016 ຜ່ານມາ. ປັດຈຸບັນ ສອງປະເທດລາວ - ບຣູໄນ ໄດ້ມີການວາງແຜນກະກຽມ ສະເຫຼີມສະຫຼອງສາຍພົວພັນ ການທູດຄົບຮອບ 25 ປີ ໃນປີ 2018 ທີ່ຈະມາເຖິງນີ້. ໃນການເດີນທາງໄປປະ ເທດບຣູໄນ ໃນຄັ້ງນີ້, ທ່ານ ຮອງປະທານປະເທດ ພ້ອມ ດ້ວຍພັນລະຍາ ແລະ ຄະນະ ຍັງໄດ້ຍາດໂອກາດໄປຢ້ຽມ ຢາມສະຖານເອກອັກຄະລັດ ຖະທູດ ແຫ່ງ ສປປ ລາວ ປະ ຈຳ ບຣູໄນ ດາຣູຊາລາມ ເພື່ອ ພົບປະໂອ້ລົມກັບພະນັກງານ ສະຖານທູດ ແລະ ປູກຕົ້ນໄມ້ ເພື່ອເປັນສິລິມຸງຄຸນໃຫ້ແກ່ສະ ຖານທູດອີກດ້ວຍ.