ກອງປະຊຸມໃຫຍ່ ຄັ້ງທີ VII ໜ່ວຍພັກໂຄສະນາອົບຮົມ ນະຄອນຫຼວງວຽງຈັນ ອັດລົງດ້ວຍຜົນສຳເລັດ


...

     ກອງປະຊຸມໃຫຍ່ຄັ້ງທີ VII ຂອງໜ່ວຍພັກ ຄະນະໂຄສະນາອົບຮົມ ນະຄອນຫຼວງວຽງຈັນ ໄດ້ໄຂຂຶ້ນ ໃນຕອນເຊົ້າ ວັນທີ 10 ກຸມພາຜ່ານມານີ້ ແລະ ໄດ້ອັດລົງດ້ວຍຜົນສຳເລັດໃນວັນດຽວ ກັນ ໂດຍການເຂົ້າຮ່ວມຂອງສະຫາຍ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ເລຂາຄະນະພັກ ເຈົ້າຄອງນະຄອນຫຼວງວຽງຈັນ. ພາຍໃຕ້ການເປັນປະທານຂອງ ສະຫາຍ ເຂັມເພັດ ແພງດວງຈັນ ກຳມະການພັກ ນະຄອນຫຼວງວຽງຈັນ ເລຂາໜ່ວຍພັກ ຫົວໜ້າຄະນະໂຄສະນາອົບ ຮົມນະຄອນຫຼວງວຽງຈັນ. ກອງປະຊຸມຄັ້ງນີ້ໄດ້ເປັນ ຂີດໝາຍດ້ານການເມືອງ ແລະ ສັນຍາລັກແຫ່ງຄວາມສາມັກຄີ ເປັນເອກະພາບພາຍໃນພັກ ຊຶ່ງ ບັນດາຜູ້ແທນເຂົ້າຮ່ວມກອງ ປະຊຸມໄດ້ຮັບຟັງ ແລະ ເປັນ ເອກະພາບຮັບຮອງເອົາບົດສະ ຫຼຸຸບຕີລາຄາການຈັດຕັ້ງປະຕິ ບັດກອງປະຊຸມໃຫຍ່ ຄັ້ງທີ VI ແລະ ທິດທາງແຜນການແຕ່ນີ້ ຮອດປີ 2021 ຂອງຄະນະໂຄ ສະນາອົບຮົມນະຄອນຫຼວງວຽງ ຈັນ. ຜົນສຳເລັດກອງປະຊຸມຄັ້ງ ນີ້ໄດ້ເປັນການຢັ້ງຢືນເຖິງໝາກ ຜົນແຫ່ງສະຕິປັນຍາຄວາມຮູ້ ຄວາມສາມາດ. ຄວາມສາມັກ ຄີເປັນເອກະພາບຂອງຄະນະ ຜູ້ແທນຕໍ່ກອງປະຊຸມໃຫຍ່ດັ່ງ ກ່າວ ຊຶ່ງລ້ວນແຕ່ໄດ້ສ່ອງແສງ ໃຫ້ເຫັນທາດແທ້ມູນເຊື້ອມາ ນະຈິດປະຕິວັດ. ທັດສະນະ ຫຼັກໝັ້ນຂອງພັກ ຊຶ່ງຍາມໃດ ກໍຈົງຮັກພັກດີຕໍ່ຜົນປະໂຫຍດ ລວມຂອງປະເທດຊາດ ແລະ ຄວາມມຸ່ງມາດປາຖະໜາອັນ ແຮງກ້າຂອງປະຊາຊົນລາວ ບັນດາເຜົ່າ. ພ້ອມກັນນັ້ນທີ່ປະ ຊຸມຍັງໄດ້ໃຊ້ສິດປະຊາທິປະ ໄຕປ່ອນບັດຄັດເລືອກເອົາຄະ ນະໜ່ວຍພັກສະໄໝທີ VII ຈຳ ນວນ 3 ສະຫາຍຄື: ສະຫາຍ ເຂັມເພັດ ແພງດວງຈັນ ເປັນ ເລຂາ, ສະຫາຍ ສົມເພັດ ອິນ ທິສາລາດ ເປັນຮອງເລຂາ ແລະ ສະຫາຍ ສະເດັດດາ ສີອຳພອນ ເປັນປະທານກວດກາ. ກອງປະຊຸມຍັງໄດ້ຮັບຟັງ ການໂອ້ລົມຂອງສະຫາຍເລ ຂາຄະນະພັກ-ເຈົ້າຄອງນະ ຄອນຫຼວງວຽງຈັນ ໂດຍໄດ້ກ່າວ ສະແດງຄວາມຍ້ອງຍໍຊົມເຊີຍ ຕໍ່ຜົນງານການເຄື່ອນໄຫວຂອງ ຄະນະໂຄສະນາອົບຮົມນະ ຄອນຫຼວງວຽງຈັນ ພ້ອມທັງສະ ແດງເຖິງຄວາມເອົາໃຈໃສ່ເປັນ ຫ່ວງເປັນໄຍຂອງການນຳພັກ- ລັດ ນະຄອນຫຼວງວຽງຈັນທີ່ມີ ຕໍ່ຄະນະໂຄສະນາອົບຮົມນະ ຄອນຫຼວງວຽງຈັນ ພ້ອມທັງທິດ ທາງໃຫ້ແກ່ຄະນະໜ່ວຍພັກ. ບັນດາສະຫາຍສະມາຊິກພັກ ນຳໄປຄົ້ນຄວ້າຈັດຕັ້ງຜັນຂະ ຫຍາຍເຮັດໃຫ້ມະຕິກອງປະ ຊຸມໃຫຍ່ຄັ້ງນີ້ມີຜົນສຳເລັດ ຕາມລະດັບຄາດໝາຍ. (ຂ່າວ-ພາບ: ພູວຽງຄຳ)