ໄຂກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນແຂວງບໍລິຄຳໄຊ


...

     ກອງປະຊຸມສະໄໝສາ ມັນ ເທື່ອທີ 3 ຂອງສະພາປະ ຊາຊົນແຂວງບໍລິຄຳໄຊ ໄດ້ໄຂ ຂຶ້ນຢ່າງເປັນທາງການໃນລະ ຫວ່າງວັນທີ 12-14 ກໍລະກົດ ນີ້ທີ່ຫ້ອງປະຊຸມຫ້ອງວ່າການ ປົກຄອງແຂວງບໍລິຄຳໄຊ ພາຍ ໃຕ້ການເປັນປະທານຂອງສະ ຫາຍ ສຸວັນນີ ໄຊຊະນະ ປະ ທານສະພາປະຊາຊົນແຂວງ, ໂດຍການໃຫ້ກຽດເຂົ້າຮ່ວມ ຂອງ ສະຫາຍ ນາງ ສີໃສ ລື ເດດມູນສອນ ຮອງປະທານສະ ພາແຫ່ງຊາດສະມາຊິກສະພາ ແຫ່ງຊາດປະຈຳເຂດເລືອກຕັ້ງ ທີ 11 ແຂວງບໍລິຄຳໄຊ, ສະຫາຍ ກອງແກ້ວ ໄຊສົງຄາມ ເຈົ້າ ແຂວງບໍລິຄຳໄຊ, ມີພາກສ່ວນ ກ່ຽວຂ້ອງເຂົ້າຮ່ວມ. ສະຫາຍ ສຸວັນນີ ໄຊຊະນະ ກ່າວວ່າ: ກອງປະຊຸມຄັ້ງນີ້ ຈະສຸມໃສ່ຄົ້ນຄວ້າພິຈາລະ ນາ, ຮັບຮອງເອົາບັນຫາສຳຄັນ ຕ່າງໆດັ່ງນີ້: 1. ຮັບຟັງການລາຍງານ ຂອງທ່ານເຈົ້າແຂວງ ກ່ຽວກັບ ວຽກພົ້ນເດັ່ນທີ່ແຂວງຈັດຕັ້ງ ປະຕິບັດໃນໄລຍະ 6 ເດືອນ ຜ່ານມາ ແລະ ວຽກງານຈຸດສຸມ ທີ່ເປັນບຸລິມະສິດຂອງແຂວງ ໃນ 6 ເດືອນທ້າຍປີ 2017. 2. ຮັບຟັງ ແລະ ພິຈາລະ ນາຮັບຮອງເອົາບົດລາຍງານ ການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2017 ຂອງ ແຂວງ. 3. ຮັບຟັງ ແລະ ພິຈາລະ ນາຮັບຮອງເອົາບົດລາຍງານ ການຈັດຕັ້ງປະຕິບັດແຜນງົບ ປະມານ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2017. 4. ຮັບຟັງການລາຍງານ ຂອງຫົວໜ້າອົງການໄອຍະ ການປະຊາຊົນແຂວງ ກ່ຽວກັບ ການຍົກສູງຄຸນນະພາບວຽກ ງານຕິດຕາມກວດກາການດຳ ເນີນຄະດີຂອງອົງການສືບ ສວນ-ສອບສວນ ແລະ ການ ເຂົ້າຮ່ວມການດຳເນີນຄະດີທີ່ ປະຊຸມສານ. 5. ຮັບຟັງການລາຍງານ ຂອງປະທານສານປະຊາຊົນ ແຂວງ ກ່ຽວກັບການຍົກສູງປະ ສິດທິພາບການດຳເນີນຄະດີຢູ່ ສານຂັ້ນຕົ້ນ ແລະ ຂັ້ນອຸທອນ ທິດທາງແຜນການປັບປຸງວຽກ ງານດັ່ງກ່າວ. 6. ຮັບຟັງ ແລະ ພິຈາລະ ນາບົດລາຍງານການເຄື່ອນ ໄວຂອງສະພາປະຊາຊົນແຂວງ ແຕ່ກອງປະຊຸມສະໄໝສາມັນ ເທື່ອທີ 2 ຫາເທື່ອທີ 3 ແລະ ທິດທາງແຜນການຫາກອງປະ ຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງບໍ ລິຄຳໄຊ. 7. ພິຈາລະນາຮັບຮອງ ເອົາແຜນການສ້າງນິຕິກຳຂັ້ນ ແຂວງ ແຕ່ປີ 2017-2020 ຕາມການສະເໜີຂອງຄະນະ ປະຈຳສະພາປະຊາຊົນແຂວງ. ພ້ອມນີ້ ໃນກອງປະຊຸມ ຍັງຈະໄດ້ຮັບຟັງການລາຍງານ ຊີ້ແຈງຂອງບັນດາພະແນກ ການຈຳນວນໜຶ່ງ ຕາມຄຳສະ ເໜີຂອງປະຊາຊົນ ແລະ ຄຳ ຖາມເຈາະຈິ້ມຂອງສະມາຊິກ ສະພາປະຊາຊົນແຂວງ.