ກະຊວງພະລັງງານ ແລະ ບໍ່ແຮ່ ປາຖະກະຖາວັນສຳຄັນຂອງຊາດ


...

     ກະຊວງພະລັງງານ ແລະ ບໍ່ແຮ່ ຈັດຕັ້ງພິທີປາຖະກະຖາວັນ ສຳຄັນຂອງຊາດ, ເປັນຕົ້ນແມ່ນ ວັນເກີດປະທານ ສຸພານຸວົງ ວັນ ເຊັນສົນທິສັນຍາມິດຕະພາບ -ການຮ່ວມມືລາວ -ຫວຽດນາມ ແລະ ວັນສ້າງຕັ້ງສາຍພົວພັນ ການທູດລາວ - ຫວຽດນາມ ໃນ ວັນທີ 12 ກໍລະກົດນີ້ ທີ່ຫ້ອງ ປະ ຊຸມກະຊວງພະລັງງານ ແລະ ບໍ່ແຮ່ ໂດຍມີທ່ານ ຄຳມະນີ ອິນທິລາດ ລັດຖະມົນຕີກະ ຊວງພະລັງງານ ແລະ ບໍ່ແຮ່ ພ້ອມດ້ວຍພະນັກງານຫຼັກແຫຼ່ງ ເຂົ້າຮ່ວມ. ໃຫ້ກຽດປາຖະກະຖາຄັ້ງນີ້ ແມ່ນທ່ານ ສີນາວາ ສຸພານຸວົງ ຮອງລັດຖະມົນຕີກະຊວງພະ ລັງງານ ແລະ ບໍ່ແຮ່ ຊຶ່ງທ່ານ ໄດ້ຍົກໃຫ້ເຫັນຊີວິດ ແລະ ການ ເຄື່ອນໄຫວປະຕິວັດຂອງປະ ທານ ສຸພານຸວົງ, ທ່ານເກີດເມື່ອ ວັນທີ 13 ກໍລະກົດ 1909 ທີ່ຫຼວງພະບາງໃນຄອບຄົວເຊື້ອ ເຈົ້າ, ເປັນໂອຣົດຂອງເຈົ້າມະ ຫາອຸປະຣາດ ບຸນຄົງ ແລະ ໝ່ອມຄຳອ້ວນ ມີເອື້ອຍ 2 ຄົນ ຄື: ເຈົ້າຍິງ ທະວີວັນ ແລະ ເຈົ້າ ຍິງ ຈິນດາ ຣັດສະໝີ, ມີອ້າຍ ຕ່າງມານດາ 2 ຄົນຄື: ເຈົ້າ ເພັດຊະຣາດ ແລະ ເຈົ້າ ສຸວັນ ນະພູມມາ ເມື່ອອາຍຸໄດ້ 7 ປີ ໄດ້ເຂົ້າຮຽນຢູ່ໂຮງຮຽນປະຖົມ ສຶກສາທີ່ຫຼວງພະບາງ, ປີ 1931 ທ່ານໄດ້ໄປຮຽນຕໍ່ທີ່ປະເທດ ຝຣັ່ງ, ຮຽນຢູ່ມະຫາວິທະຍາໄລ ຂົວທາງແຫ່ງຊາດ ສາຂາວິຊາ ວິສະວະກອນພົນລະເຮືອນຢູ່ ນະຄອນປາຣີ ວັນທີ 22 ມີນາ 1955 ພັກ ປະຊາຊົນ ປະຕິວັດ ລາວ ໄດ້ຮັບການສ້າງຕັ້ງຂຶ້ນ ຢ່າງເປັນທາງການ ແລະ ໃນ ວັນທີ 14 ພຶດສະພາ 1955 ປະທານ ສຸພານຸວົງ ຖືກຄັດ ເລືອກເພີ່ມເຕີມເຂົ້າເປັນກຳ ມະການສູນກາງພັກ ວັນທີ 6 ມັງກອນປີ 1956 ປະທານ ສຸພານຸວົງ ໄດ້ຮັບເລືອກຕັ້ງ ເປັນປະທານຄະນະກຳມະ ການສູນກາງແນວລາວສ້າງ ຊາດອີກເທື່ອໜຶ່ງ. ສ່ວນຜົນງານ ແລະ ຄຸນງາມຄວາມດີຂອງປະ ທານ ສຸພານຸວົງ ແມ່ນເປັນຜູ້ ນຳທີ່ມີຄວາມຈົງຮັກພັກດີຕໍ່ ອຸດົມການປະຕິວັດຢ່າງເດັດ ຂາດ, ເປັນເຊື້ອເຈົ້າຜູ້ໜຶ່ງທີ່ມີ ນ້ຳໃຈຮັກຊາດອັນດູດດື່ມມີຈິດ ໃຈຕໍ່ສູ້ທີ່ອົງອາດກ້າແກ່ນ, ຕະ ຫຼອດຊີວິດຂອງທ່ານ, ບໍ່ວ່າຈະ ຢູ່ໃນຕຳແໜ່ງໃດ, ຄວາມຮັບ ຜິດຊອບອັນໃດ, ທ່ານກໍອຸທິດ ໝົດຈິດໝົດໃຈ ແລະ ດຳລົງຊີ ວິດແບບງ່າຍດາຍກະທັດຮັດ ເປັນຄົນດຸໝັ່ນຫ້າວຫັນ, ປະ ຢັດມັດທະຍັດ, ບໍ່ຖືຕົວ, ນິ້ມ ນວນ, ມີນິດໄສຄ່ຽມຄົມ ແລະ ຄວາມດີງາມອື່ນໆ. ດັ່ງນັ້ນ ຈຶ່ງ ສືບຕໍ່ເພີ່ມພູນຄູນສ້າງ ແລະ ຮ່ຳຮຽນເອົາເປັນແບບຢ່າງຄຸນ ງາມຄວາມດີຂອງປະທານ ສຸພານຸວົງ ຄື: ຮຽນເອົາທັດສະ ນະຫຼັກໝັ້ນການເມືອງທີ່ໜັກ ແໜ້ນ, ເຊື່ອໝັ້ນຕໍ່ການນຳພາ ຂອງພັກກໍຄືແນວທາງປ່ຽນແປງ ໃໝ່, ເອົາໃຈໃສ່ຝຶກຝົນຕົນເອງ ໃຫ້ກາຍເປັນພະນັກງານຮຸ່ນ ສືບທອດທີ່ຈົງຮັກພັກດີຕໍ່ພັກ ແລະ ຕໍ່ປະເທດຊາດ. ໃນພິທີຍັງໄດ້ຮັບຟັງມູນ ເຊື້ອວັນເຊັນສົນທິສັນຍາມິດ ຕະພາບ-ການຮ່ວມມືລາວ- ຫວຽດນາມ ແລະ ວັນສ້າງຕັ້ງ ສາຍພົວພັນທາງການທູດລາວ -ຫວຽດນາມ. ລາວ ແລະ ຫວຽດ ນາມ ເປັນປະເທດບ້ານໃກ້ເຮືອນ ຄຽງ, ມີຊາຍແດນຮ່ວມກັນຍາວ ກ່ວາ 2.000 ກິໂລແມັດ, ປະ ຊາຊົນທັງສອງຊາດລາວ-ຫວຽດ ນາມມີມູນເຊື້ອໄປ-ມາຫາສູ່ ແລກປ່ຽນສິນຄ້າ, ແລກປ່ຽນ ວັດທະນະທຳນຳກັນ, ຢູ່ຫຼາຍ ທ້ອງຖິ່ນກໍມີບ້ານ, ຫຼາຍຄອບ ຄົວເປັນແກ່ວເປັນດອງກັນ, ມີ ອຸດົມຄະຕິ ແລະ ຄວາມມຸ່ງ ມາດປາຖະໜາອັນດຽວກັນ. (ຂ່າວ: ນ. ແສງຈັນ)