ປະດັບຫຼຽນກາມິດຕະພາບໃຫ້ ທ່ານ ລີຢວນຈຸນ


...

    ກຸ່ມບໍລິສັດພົງສະຫວັນ ໄດ້ປະດັບຫຼຽນກາມິດຕະ ພາບໃຫ້ແກ່ທ່ານ ລີຢວນຈຸນ ຄະນະອຳນວຍການບໍລິສັດ ຊານຊິເຝິງຮວາ ແຫ່ງ ສປ ຈີນ ທີ່ມີຜົນງານ ແລະ ຄຸນງາມ ຄວາມດີ ໃນການປະກອບ ສ່ວນຊ່ວຍເຫຼືອດ້ານວິຊາການ ໃຫ້ກັບກຸ່ມບໍລິສັດພົງສະຫວັນ ໃນຂະແໜງການຕິດຕໍ່ສື່ສານ. ພິທີປະດັບຫຼຽນດັ່ງກ່າວ ໄດ້ຈັດຂຶ້ນໃນອາທິດຜ່ານມານີ້ ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ໂດຍ ການເຂົ້າຮ່ວມຂອງທ່ານ ພົນຕີ ສອນທອງ ພົມມາວົງ ຄະນະ ພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການ ເມືອງກອງທັບ ແລະ ແຂກຖືກ ເຊີນເຂົ້າຮ່ວມ. ໃນພິທີດັ່ງກ່າວ ທ່ານ ອ໋ອດ ພົງສະຫວັນ ກຳ ມະການສູນກາງແນວລາວ ສ້າງຊາດ ປະທານກິດຕິມະສັກ ກຸ່ມບໍລິສັດພົງສະຫວັນ ໄດ້ໃຫ້ ກຽດປະດັບຫຼຽນກາມິດຕະ ພາບໃຫ້ແກ່ ທ່ານ ລີຢວນຈຸນ ຊຶ່ງຫຼຽນດັ່ງກ່າວ ເປັນຫຼຽນກາ ຂອງລັດຖະບານ ແຫ່ງ ສປປ ລາວ ມີຄວາມໝາຍຄວາມສຳ ຄັນ ເພື່ອເປັນການຍ້ອງຍໍ, ສັນ ລະເສີນບຸກຄົນ ແລະ ລວມໝູ່ ໃນບັນດາປະເທດເພື່ອນມິດ ທີ່ມີຜົນງານດີເດັ່ນປະກອບ ສ່ວນເຂົ້າໃນການພັດທະນາ ແລະ ເພີ່ມພູນຄູນສ້າງ ສາຍພົວ ພັນອັນດີງາມກັບ ສປປ ລາວ. (ຂ່າວ: ກຸ່ມບໍລິສັດພົງສະຫວັນ)