ແຂວງວຽງຈັນ ສະຫຼຸຸບຕີລາຄາບັ້ນດຳເນີນ ຊີວິດການເມືອງປັບປຸງປົວແປງທົ່ວພັກ


...

    

ບັ້ນດຳເນີນຊີວິດການ ເມືອງປັບປຸງປົວແປງທົ່ວພັກ ຂອງ ແຂວງວຽງຈັນ ໄດ້ດຳເນີນ ມາແຕ່ວັນທີ 29 ມິຖຸນາ ແລະ ໄດ້ສຳເລັດລົງ 100% ໃນວັນທີ 25 ສິງຫາຜ່ານມານີ້ ລວມມີ 1 ອົງຄະນະພັກແຂວງ ແລະ 11 ອົງຄະນະພັກເມືອງ, 113 ຮາກຖານ, 1.186 ໜ່ວຍ ພັກ, ມີສະມາຊິກພັກທັງໝົດ 17.810 ສະຫາຍ ມາຮອດປັດ ຈຸບັນ ອົງຄະນະພັກ, ຮາກຖານພັກ, ຄະນະພັກ ແລະ ສະມາຊິກພັກ ຈຳນວນດັ່ງກ່າວມານີ້ ໄດ້ຮັບ ການດຳເນີນຊີວິດການເມືອງ ປົວແປງພັກສຳເລັດແລ້ວ 100% ໃນທົ່ວແຂວງວຽງຈັນ. ພິທີສະຫຼຸຸບບັ້ນດຳເນີນຊີ ວິດການເມືອງດັ່ງກ່າວໄດ້ຈັດ ຂຶ້ນຫວ່າງບໍ່ດົນຜ່ານມານີ້ຢູ່ທີ່ ຫ້ອງວ່າການປົກຄອງແຂວງ ວຽງຈັນ ໂດຍພາຍໃຕ້ການເປັນປະ ທານຂອງສະຫາຍ ຈັນສີ ໂພສີຄຳ ກຳມະການກົມການເມືອງສູນ ກາງພັກ ຫົວໜ້າຄະນະຈັດຕັ້ງ ສູນກາງພັກ ຜູ້ຊີ້ນຳບັ້ນດຳເນີນ ຊີວິດການເມືອງ, ເຂົ້າຮ່ວມພິ ທີໃນຄັ້ງນີ້ ມີເລຂາພັກແຂວງ, ຄະນະປະຈຳພັກແຂວງ, ກຳມະ ການພັກແຂວງ, ເລຂາພັກເມືອງ, ເລຂາຄະນະພັກຮາກຖານ ອ້ອມຂ້າງແຂວງເຂົ້າຮ່ວມຢ່າງ ພ້ອມພຽງ. ສະຫາຍ ວິດົງ ໄຊຍະສອນ ກຳມະການສູນກາງພັກ ເລຂາ ພັກແຂວງກ່າວໃນພິທີນີ້ວ່າ: ແຂວງວຽງຈັນໄດ້ເລີ່ມໄຂບັ້ນ ດຳເນີນຊີວິດການເມືອງປັບ ປຸງປົວ ແປງທົ່ວພັກມາແຕ່ເດືອນ ມິຖຸນາ ຫາ ເດືອນສິງຫາ ຈຶ່ງສຳ ເລັດ 100% ໂດຍມີຄະນະພັກ, ຄະນະນຳຂັ້ນແຂວງ 50 ສະຫາຍ, ຄະນະບໍລິຫານງານພັກເມືອງ 345 ສະຫາຍ, ຍິງ 41ສະຫາຍ, ຄະນະພັກພະແນກການ, ອົງ ການອ້ອມຂ້າງແຂວງ 173ສະ ຫາຍ, ຍິງ 24 ສະຫາຍ, ຄະນະ ພັກ ປກຊ - ປກສ 1.232 ສະ ຫາຍ, ຍິງ 239 ສະຫາຍ, ມີສະ ມາຊິກພັກທີ່ເປັນລັດຖະກອນ ຂັ້ນແຂວງ ແລະ ເມືອງມີ 6.961 ສະຫາຍ, ຍິງ 2.375ສະ ຫາຍ ແລະ ສະມາຊິກພັກທີ່ ເປັນປະຊາຊົນຈຳນວນ 7.317 ສະຫາຍ, ຍິງ 1.780 ສະຫາຍ ໄດ້ຮັບການດຳເນີນຊີວິດການ ເມືອງຢ່າງທົ່ວເຖິງ ແລະ ສຳ ເລັດແລ້ວ 100% ໂດຍການຈັດ ຕັ້ງປະຕິບັດຕາມເນື້ອໃນ ເອກະ ສານທີ່ໄດ້ເຊື່ອມຊຶມເປັນຕົ້ນ ແມ່ນ 6 ເນື້ອໃນຂອງຄຸນທາດ ການເມືອງ, 7 ເນື້ອໃນຂອງຄຸນ ສົມບັດສິນທຳປະຕິວັດ ແລະ 4 ເນື້ອໃນຂອງແບບແຜນວິທີນຳ ພາ ແລະ ວິທີເຮັດວຽກ, ແບບ ແຜນການດຳລົງຊີວິດຂອງຄະ ນະພັກ, ສະມາຊິກພັກດ້ວຍວິ ທີການອ່ານຜ່ານບົດສຳຫຼວດ ຂອງຕົນເອງຕໍ່ໝູ່ຄະນະ, ການ ປະກອບຄຳເຫັນຂອງໝູ່ຄະ ນະ ແລະ ສະມາຊິກພັກ, ທາບ ທາມຢັ່ງຫາງສຽງຄວາມໄວ້ ວາງໃຈ ແລະ ບໍ່ໄວ້ວາງໃຈຕໍ່ຄະ ນະພັກແຕ່ລະຂັ້ນ. ສະຫາຍ ຈັນສີ ໂພສີຄຳ ໄດ້ກ່າວຊີ້ນຳຕໍ່ບັ້ນສະຫຼຸຸບດັ່ງ ກ່າວນີ້ວ່າ: ບັ້ນດຳເນີນຊີວິດ ການເມືອງປັບປຸງປົວແປງທົ່ວ ພັກໃນຄັ້ງນີ້ ແມ່ນຜົນສຳເລັດ ເບື້ອງຕົ້ນຂອງພັກເຮົາຍ້ອນວ່າ ໄດ້ເຮັດໃຫ້ຄະນະພັກ, ສະມາ ຊິກພັກແຕ່ລະສະຫາຍຕ້ອງ ໄດ້ພ້ອມກັນປ່ຽນແປງພຶດຕິ ກຳຂອງຕົນເອງທີ່ຂັດຕໍ່ແນວ ທາງຂອງພັກ, ລະບຽບກົດໝາຍ ຂອງລັດ ຊຶ່ງມັນໄດ້ສະແດງ ອອກຢູ່ໃນບົດສຳຫຼວດຂອງຄະ ນະພັກ, ບົດສຳຫຼວດຂອງບັນ ດາສະຫາຍສະມາຊິກພັກແຕ່ ລະສະຫາຍເພື່ອພ້ອມກັນຫັນ ປ່ຽນຢ່າງຕັ້ງໜ້າ ເພື່ອນຳພາ ປະເທດຊາດ ແລະ ປວງຊົນ ໃຫ້ມັ່ງຄັ່ງເຂັ້ມແຂງ, ສັງຄົມສີ ວິໄລ ແລະ ຍຸຕິທຳຂຶ້ນເທື່ອລະ ກ້າວ. (ຂ່າວ: ບຸນເລີດ)