ໄຂງານວາງສະແດງສິນຄ້າເຊື່ອມສາຍສຳພັນ 3 ປະເທດ


...

    

ພິທີໄຂງານວາງສະແດງ ແລະ ຈຳໜ່າຍສິນຄ້າເຊື່ອມ ສາຍສຳພັນ 3 ປະເທດ 9 ແຂວງ ມີ ລາວ-ຫວຽດນາມ ແລະ ໄທ ໄດ້ຈັດຂຶ້ນຫວ່າງບໍ່ດົນຜ່ານ ມານີ້ ຢູ່ທີ່ເດີ່ນກິລາຄົບວົງຈອນ ຂອງແຂວງບໍລິຄຳໄຊ, ເປັນ ກຽດເຂົ້າຮ່ວມໂດຍທ່ານ ກອງ ແກ້ວ ໄຊສົງຄາມ ເຈົ້າແຂວງ ບໍລິຄຳໄຊ, ທ່ານ ເຈີນແອງ ເຊີນ ປະທານສະມາຄົມທຸລະ ກິດແຂວງເຫງະອານ ສສ ຫວຽດນາມ, ທ່ານ ຫງວຽນທິ ຕຽດ ຮອງປະທານສະມາຄົມ ທຸລະກິດຮົງລາມຮ່າໂນ້ຍ ສສ ຫວຽດນາມ, ທ່ານ ຊານຍຸດ ວັນດີ ຫົວໜ້າການຄ້າແຂວງ ບຶງການ (ໄທ), ປະທານສະພາ ການຄ້າອຸດສາຫະກຳແຂວງ, ມີບັນດາຫົວໜ້າພະແນກການ ທີ່ກ່ຽວຂ້ອງ, ຕາງໜ້າຈາກຫົວ ໜ່ວຍທຸລະກິດ ພໍ່ຄ້າຊາວຂາຍ ທັງພາຍໃນ ແລະ ຕ່າງປະເທດ ຕະຫຼອດຮອດມວນຊົນຊາວ ແຂວງບໍລິຄຳໄຊເຂົ້າຮ່ວມ. ທ່ານ ກະເສີມສັກ ແກ້ວ ໄຊຍະວົງ ປະທານສະພາການ ຄ້າ ແລະ ອຸດສາຫະກຳແຂວງ ບໍລິຄຳໄຊ ໄດ້ລາຍງານການ ກະກຽມການໄຂງານວາງສະ ແດງ ແລະ ຈຳໜ່າຍສິນຄ້າ ເຊື່ອມສາຍສຳພັນ 3 ປະເທດ 9 ແຂວງລາວ-ຫວຽດນາມ ແລະ ໄທ ໃນຄັ້ງນີ້ ເພື່ອເປັນການກະ ຕຸກຊຸກຍູ້ເສດຖະກິດພາຍໃນ ແລະ ຕ່າງປະເທດ ຕາມແລວ ເສດຖະກິດທີ່ນຳໃຊ້ເສັ້ນທາງ ເລກ 8 ແລະ ເລກ 12 ໃຫ້ມີ ການເຕີບໃຫຍ່ຂະຫຍາຍຕົວ ກ້າວສູ່ລວງເລິກ ແລະ ຫຼາກ ຫຼາຍສີສັນ ຊຶ່ງເປັນໂອກາດໃຫ້ ພາກທຸລະກິດ ແລະ ຜູ້ປະກອບ ການ ໄດ້ມີໂອກາດພົບປະ ແລກປ່ຽນບົດຮຽນ ນຳເອົາຜະ ລິດຕະພັນສິນຄ້າຂອງຕົນມາ ວາງສະແດງ, ທັງນີ້ກໍຍັງເປັນ ການສະເຫຼີມສະຫຼອງ 2 ວັນ ປະຫວັດສາດລາວ-ຫວຽດນາມ ປະຈຳປີ 2017 ຄື: ວັນເຊັນສົນ ທິສັນຍາມິດຕະພາບ ແລະ ການຮ່ວມມືລາວ-ຫວຽດນາມ ຄົບຮອບ 40 ປີ ແລະ ວັນສ້າງ ຕັ້ງສາຍພົວພັນການທູດລາວ- ຫວຽດນາມ ຄົບຮອບ 55 ປີ, ຈາກນັ້ນທ່ານ ບຸນເສັງ ປະທຳ ມະວົງ ຮອງເຈົ້າແຂວງບໍລິຄຳ ໄຊ ກໍໄດ້ໃຫ້ກຽດກ່າວໄຂພິທີ ພ້ອມດ້ວຍບັນດາຄະນະປະ ທານ ແລະ ແຂກທີ່ເຂົ້າຮ່ວມ ໄດ້ພ້ອມກັນຕັດແຖບຜ້າ ເພື່ອ ເປັນສັນຍາລັກໃນການໄຂງານ ຢ່າງເປັນທາງການ. ສຳລັບບັນ ດາຫ້າງຮ້ານ ທີ່ນຳເອົາສິນຄ້າ ເຂົ້າມາຈຳໜ່າຍ ແລະ ວາງສະ ແດງໃນງານຄັ້ງນີ້ ມີທັງໝົດປະ ມານ 400 ກວ່າຮ້ານ, ໃນນັ້ນ ມີກຸ່ມສິນຄ້າ ປະເພດໂອທ໊ອບ- ໂອດ໊ອບ, ຜະລິດຕະພັນຮ້ານ ອາຫານ, ສິນຄ້າພາຫະນະກົນ ຈັກ, ເຄື່ອງໃຊ້ໄຟຟ້າເອເລັກ ໂຕຣນິກ, ເຟີນີເຈີ ແລະ ກຸ່ມ ສິນຄ້າປະເພດອື່ນໆ. ງານດັ່ງ ກ່າວນີ້ ດຳເນີນໄປເປັນເວລາ 7 ວັນຈຶ່ງສຳເລັດ. (ຂ່າວ: ວຽງສະຫວັນ)