ນາຍົກລັດຖະມົນຕີ ຢ້ຽມຢາມອິນໂດເນເຊຍ ຢ່າງເປັນທາງການ


...

    

ຕອບສະໜອງຕາມຄຳເຊີນຂອງທ່ານ ໂຈໂກ ວີໂດໂດ (Joko Widodo) ປະທານາທິບໍດີ ແຫ່ງ ສ.ອິນໂດເນເຊຍ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມຄະນະ ໄດ້ເດີນທາງໄປຢ້ຽມຢາມ ສາທາລະນະລັດ ອິນໂດເນເຊຍ ຢ່າງເປັນທາງການ ແຕ່ວັນທີ 11-12 ຕຸລານີ້, ການຢ້ຽມຢາມຄັ້ງນີ້ ແມ່ນເປັນຄັ້ງທຳອິດນັບແຕ່ດຳລົງຕຳແໜ່ງ ເປັນນາຍົກລັດຖະມົນຕີ ແຫ່ງ ສປປ ລາວ ການຢ້ຽມຢາມດັ່ງກ່າວນີ້, ເປັນປີທີ່ສອງປະເທດ ພ້ອມກັນສະເຫຼີມສະຫຼອງວັນ ສ້າງຕັ້ງສາຍພົວພັນການທູດນຳກັນ ຄົບຮອບ 60 ປີ ຊຶ່ງເປັນນິມິດໝາຍອັນດີ ໃຫ້ແກ່ການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືອັນດີງາມລະ ຫວ່າງສອງປະເທດທີ່ມີມາແຕ່ ດົນນານໃຫ້ນັບມື້ນັບແໜ້ນ ແຟ້ນຂຶ້ນເລື້ອຍໆ. ພິທີຕ້ອນຮັບໄດ້ຈັດຂຶ້ນ ຢ່າງສົມກຽດທີ່ທຳນຽບປະທາ ນາທິບໍດີໂບໂກ ( Bogor ) ນະຄອນຫຼວງຈາກາຕາ, ຫຼັງ ຈາກນັ້ນ, ໄດ້ມີການພົບປະ ສອງຝ່າຍຢ່າງເປັນທາງການ ຊຶ່ງທັງສອງຝ່າຍໄດ້ສະແດງ ຄວາມຊົມເຊີຍ ແລະ ຕີລາຄາ ສູງຕໍ່ສາຍພົວພັນມິດຕະພາບ ການຮ່ວມມື ແລະ ສະໜັບສະ ໜູນຊ່ວຍເຫຼືອຊຶ່ງກັນ ແລະ ກັນ ໃນລະດັບພາກພື້ນ ແລະ ສາກົນຢ່າງບໍ່ຢຸດຢັ້ງ, ທັງສອງ ຝ່າຍຍັງໄດ້ສືບຕໍ່ແລກປ່ຽນຄະ ນະຜູ້ແທນໃນທຸກລະດັບຕະ ຫຼອດຮອດປະຊາຊົນທັງສອງ ຊາດນຳກັນ. ສອງຝ່າຍໄດ້ຢ້ຳຄືນການ ຈັດຕັ້ງປະຕິບັດບົດບັນທຶກ ຄວາມເຂົ້າໃຈ ແລະ ສັນຍາວ່າ ດ້ວຍການບໍລິການທາງອາ ກາດທີ່ໄດ້ເຊັນກັນແລ້ວນັ້ນໃຫ້ ໄດ້ຈັດຕັ້ງປະຕິບັດເປັນຮູບປະ ທຳຢ່າງມີປະສິດທິຜົນຫຼາຍຂຶ້ນ ທັງສອງຝ່າຍເຫັນດີໃນການ ຮ່ວມມືໃນຂົງເຂດເສດຖະກິດ - ການຄ້າ ການລົງທຶນ, ການ ສຶກສາ - ວັດທະນະທຳ, ສາ ທາລະນະສຸກ, ໂທລະຄົມມະ ນາຄົມ ແລະ ການສື່ສານ,ກິລາ ທ່ອງທ່ຽວ ແລະ ຂະແໜງອື່ນໆ ອີກ. ໃນໂອກາດດັ່ງກ່າວທ່ານ ນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາມ ຂອບໃຈຕໍ່ການຕ້ອນຮັບຢ່າງ ອົບອຸ່ນ ແລະ ສົມກຽດ ພ້ອມ ທັງສະແດງຄວາມຂອບໃຈຕໍ່ ລັດຖະບານອິນໂດເນເຊຍໃນ ການຊ່ວຍເຫຼືອສະໜັບສະໜູນ ສ້າງຊັບພະຍາກອນມະນຸດ, ສະໜັບສະໜູນ ສປປ ລາວ ເປັນປະທານອາຊຽນໃນປີ 2016. ໃນໂອກາດດຽວກັນ ທ່ານ ປະທານາທິບໍດີ ໂຈໂກ ວີໂດໂດ ໄດ້ສະແດງຄວາມຍິນດີຕ້ອນ ຮັບທ່ານນາຍົກລັດຖະມົນຕີ ພ້ອມດ້ວຍຄະນະໃນການຢ້ຽມ ຢາມຄັ້ງນີ້ ແລະ ສະແດງ ຄວາມຂອບໃຈຕໍ່ລັດຖະບານ ສປປ ລາວ ໃນການສະໜັບສະ ໜູນ ສ. ອິນໂດເນເຊຍໃນການ ສະໝັກເລືອກຕັ້ງເປັນ ສະມາ ຊິກສະພາບໍລິຫານອົງການ ອຸຍແນັດໂກ ( UNESCO ) ແລະ ສະມາຊິກອົງການຈັດຕັ້ງ ສາກົນຕ່າງໆ ໂດຍສະເພາະ ໃນອົງການສະຫະປະຊາຊາດ ໃນໄລຍະຜ່ານມາ. ຫຼັງຈາກສຳເລັດການພົບ ປະສອງຝ່າຍແລ້ວ, ທ່ານປະ ທານາທິບໍດີ ໂຈໂກ ວີໂດໂດ ແລະ ທ່ານນາຍົກລັດຖະມົນຕີ ທອງລຸນ ສີລຸລິດ ໄດ້ເຂົ້າຮ່ວມ ເປັນສັກຂີພິຍານໃນການລົງ ນາມບົດບັນທຶກຄວາມເຂົ້າ ໃຈ 3 ສະບັບຄື: 1) ບົດບັນ ທຶກຄວາມຊົງຈຳວ່າດ້ວຍການ ຮ່ວມມືດ້ານການສຶກສາຂັ້ນ ສູງ, 2) ບົດບັນທຶກ ຄວາມຊົງຈຳ ວ່າ ດ້ວຍການຮ່ວມມືດ້ານການ ສຶກສາ,3) ບົດບັນທຶກຄວາມ ຊົງຈຳ ວ່າດ້ວຍການຄວບຄຸມ ຢາເສບຕິດ, ວັດຖຸອອກລິດຕໍ່ ເສັ້ນປະສາດ ແລະ ສານເຄມີ ທີ່ໃຊ້ການຜະລິດຢາເສບຕິດ. ໃນການຢ້ຽມຢາມ ສ. ອິນ ໂດເນເຊຍຄັ້ງນີ້ ທ່ານ ນາຍົກ ລັດຖະມົນຕີ ພ້ອມດ້ວຍຄະນະ ຍັງໄດ້ໄປວາງພວງມາລາ ທີ່ ອະນຸສາວະລີ ນັກຮົບແຫ່ງຊາດ ເຂົ້າຮ່ວມ ພິທີໄຂກອງປະຊຸມ ພາກທຸລະກິດ ລະຫວ່າງ ລາວ ແລະ ອິນໂດເຊຍ, ພາຍຫຼັງ ກອງປະຊຸມພາກທຸລະກິດ ກໍ ໄດ້ລົງນາມບົດບັນທຶກຮ່ວມ ກັນ 2 ສະບັບຄື: ບົດບັນທືກ ຄວາມເຂົ້າໃຈ ວ່າດ້ວຍການຊື້ ຂາຍນ້ຳມັນ ແລະ ຖ່ານຫີນ ລະຫວ່າງ ບໍລິສັດ ເປໂຕຼລຽມ ເທຼດດິງລາວພັບລິກ ແລະ ບໍລິສັດ ພີທີ ບາຕູບາຣາ ເສລາ ຣັດຊັບຕາ ແລະ ບົດບັນທຶກ ຄວາມຊົງຈຳວ່າດ້ວຍການ ຮ່ວມມືດ້ານສະພາການຄ້າ ແລະ ອຸດສາຫະກຳ ແລະ ຈາກນັ້ນສອງຜູ້ນຳໄດ້ ຮ່ວມກັນ ຖະແຫຼ່ງຂ່າວກ່ຽວກັບຜົນພົບ ປະສອງຝ່າຍໃຫ້ສື່ມວນຊົນ ທີ່ມີຄວາມສົນໃຈ. ໃນການຢ້ຽມຢາມ ສາທາ ລະນະລັດ ອິນໂດເນເຊຍຄັ້ງນີ້ ທ່ານ ທອງລຸນ ສີສຸລິດ ຍັງໄດ້ ເຊື້ອເຊີນ ທ່ານ ໂຈໂກ ວີໂດ ໂດ ປະທານາທິບໍດີແຫ່ງ ສ. ອິນໂດເນເຊຍ ພ້ອມດ້ວຍ ພັນລະຍາ ໄປຢ້ຽມຢາມ ສປປ ລາວ ໃນໂອກາດທີ່ເໝາະສົມ ອີກດ້ວຍ.