ສປປ ລາວ ຈະຈັດປີທ່ອງທ່ຽວລາວ ປີ 2018


...

    

ສປປ ລາວ ຈະຈັດປີທ່ອງ ທ່ຽວລາວ 2018 ຂຶ້ນໂດຍມີ ຫຼາກຫຼາຍກິດຈະກຳ ຢູ່ພາຍໃນ ແລະ ຕ່າງປະເທດ ຊຶ່ງທີ່ຜ່ານ ມາ ກໍໄດ້ຈັດປີທ່ອງທ່ຽວລາວ ມາແລ້ວ 2 ຄັ້ງ ຄືໃນປີ 1999-2000 ແລະ ປີ 2011-2012 ເພື່ອເປັນການສົ່ງເສີມໂຄສະ ນາ ແລະ ດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ໃຫ້ເຂົ້າມາທ່ອງທ່ຽວລາວຫຼາຍ ຂຶ້ນ. ພິທີຖະແຫຼງຂ່າວ ການ ຈັດປີທ່ອງທ່ຽວລາວ 2018 ໄດ້ ຈັດຂຶ້ນຢ່າງເປັນທາງການໃນ ວັນທີ 12 ຕຸລານີ້ ທີ່ໂຮງແຮມ ຄຣາວພລາຊາ ນະຄອນຫຼວງ ວຽງຈັນ ໂດຍການເປັນປະທານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ປະ ທານຄະນະຮັບຜິດຊອບຊີ້ນຳ ລະດັບຊາດໃນການຈັດປີ ທ່ອງທ່ຽວລາວ 2018 ມີທ່ານ ບໍ່ແສງຄຳ ວົງດາລາ ລັດຖະ ມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ), ແຂກຖືກເຊີນ, ສື່ມວນ ຊົນ ຕະຫຼອດຮອດພາກສ່ວນ ທີ່ກ່ຽວຂ້ອງທັງພາກລັດ ແລະ ເອກະຊົນເຂົ້າຮ່ວມ. ໃນການຖະແຫຼງຂ່າວ ທ່ານ ສອນໄຊ ສີພັນດອນ ກໃຫ້ ຮູ້ວ່າ: ການທ່ອງທ່ຽວເປັນຂະ ແໜງການເສດຖະກິດໜຶ່ງທີ່ມີ ການຂະຫຍາຍຕົວຢ່າງວ່ອງ ໄວ ແລະ ກວ້າງຂວາງຢູ່ບັນດາ ປະເທດໃນໂລກ. ໃນປັດຈຸບັນ ຫຼາຍປະເທດໃນທົ່ວໂລກໄດ້ ເອົາໃຈໃສ່ເປັນພິເສດຕໍ່ການ ພັດທະນາ, ສົ່ງເສີມການທ່ອງ ທ່ຽວ ແລະ ຖືເປັນຂະແໜງ ການເສດຖະກິດປາຍແຫຼມ ເພື່ອພັດທະນາເສດຖະກິດ- ສັງຄົມຂອງປະເທດຕົນ. ທັງນີ້ ກໍຍ້ອນວ່າການທ່ອງທ່ຽວໄດ້ ນຳເອົາເງິນຕາຕ່າງປະເທດເຂົ້າ ມາໃນປະເທດ, ຊຸກຍູ້ການລົງ ທຶນທາງທຸລະກິດທີ່ກ່ຽວຂ້ອງ ໂດຍທາງກົງ ແລະ ທາງອ້ອມ ເຊັ່ນ: ທຸລະກິດການນຳທ່ຽວ, ທຸລະກິດການພັກແຮມ, ທຸລະ ກິດບໍລິການອາຫານ, ການຂົນ ສົ່ງ, ການຂາຍເຄື່ອງທີ່ລະນຶກ ແລະ ອື່ນໆ, ຊຸກຍູ້ການລົງທຶນ ໃສ່ການສ້າງພື້ນຖານໂຄງລ່າງ ເຊັ່ນ: ຖະໜົນຫົນທາງ, ສະ ໜາມບິນ, ທ່າເຮືອໂດຍສານ, ລະບົບໂທລະຄົມມະນາຄົມ, ໄຟຟ້າ, ນ້ຳປະປາ ແລະ ອື່ນໆ, ສ້າງວຽກເຮັດງານທຳໃຫ້ແກ່ ປະຊາຊົນໃນຂະແໜງບໍລິການ ແລະ ການຜະລິດເປັນຕົ້ນແມ່ນ ການຜະລິດກະສິກຳ ແລະ ຫັດ ຖະກຳ ໂດຍຖືເປັນການສົ່ງ ອອກກັບທີ່ ແລະ ພາໃຫ້ມີການ ສະສົມເງິນຕາ ແລະ ມີການ ໝູນວຽນເງິນຕາພາຍໃນປະ ເທດເປັນຢ່າງດີ ແລະ ການກະ ຈາຍລາຍໄດ້ໄປສູ່ທ້ອງຖິ່ນ, ຊົນ ນະບົດຫ່າງໄກສອກຫຼີກ ແລະ ເພື່ອປະກອບສ່ວນປະຕິບັດ ເປົ້າໝາຍສະຫັດສະວັດ ທີ່ອົງ ການສະຫະປະຊາຊາດໄດ້ກຳ ນົດໄວ້. ດ້ວຍເຫດນີ້ ລັດຖະ ບານລາວ ໄດ້ເອົາໃຈໃສ່ພັດ ທະນາ ແລະ ສົ່ງເສີມການທ່ອງ ທ່ຽວຢ່າງຕັ້ງໜ້າ ຊຶ່ງເຮັດໃຫ້ມີ ນັກທ່ອງທ່ຽວເຂົ້າມາທ່ອງທ່ຽວ ສປປ ລາວ ນັບມື້ນັບຫຼາຍຂຶ້ນ. ໃນປີ 2000 ມີນັກທ່ອງທ່ຽວ ເຂົ້າມາລາວ 737.208 ຄົນ, ມີ ລາຍຮັບ 113.898.285 ໂດ ລາສະຫະລັດ ແລະ ໃນປີ 2015 ຈຳນວນນັກທ່ອງທ່ຽວທີ່ເຂົ້າ ມາລາວເພີ່ມຂຶ້ນ 4.684.429 ຄົນ ມີລາຍຮັບ 725.365.681 ໂດລາສະຫະລັດ ແລະ ຄາດ ຄະເນໃນປີ 2020 ຈະມີນັກທ່ອງ ທ່ຽວເຖິງ 6.206.423 ຄົນ ແລະ ຈະມີລາຍຮັບ 993.427.000 ໂດລາສະຫະລັດ. ສປປ ລາວ ໄດ້ຈັດປີທ່ອງ ທ່ຽວລາວຂຶ້ນມາແລ້ວ 2 ຄັ້ງ ກໍຄືໃນປີ 1999-2000 ແລະ ປີ 2011-2012 ເພື່ອເປັນການ ສົ່ງເສີມໂຄສະນາ ແລະ ດຶງດູດ ນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ເຂົ້າມາທ່ອງ ທ່ຽວລາວຫຼາຍຂຶ້ນ. ເມື່ອເຫັນ ໄດ້ທ່າແຮງ ແລະ ຄວາມເປັນ ໄປໄດ້ໃນການພັດທະນາວຽກ ງານການທ່ອງທ່ຽວ ໃນຊຸມປີຕໍ່ ໜ້າ ດັ່ງນັ້ນລັດຖະບານ ຈຶ່ງໄດ້ ອະນຸມັດໃຫ້ຈັດປີທ່ອງທ່ຽວ ລາວຂຶ້ນໃນປີ 2018. ສຳລັບປີທ່ອງທ່ຽວລາວ 2018 ນີ້ ພິທີເປີດປີທ່ອງທ່ຽວ ແມ່ນຈະໄດ້ຈັດຂຶ້ນພ້ອມກັບ ພິທີເປີດງານບຸນນະມັດສະການ ພະທາດຫຼວງ ໃນວັນທີ 28 ຕຸລາ 2017 ໂດຍຈະໄດ້ເຊີນ ບັນດາແຂກທັງພາຍໃນ ແລະ ຕ່າງປະເທດເຂົ້າຮ່ວມກິດຈະ ກຳດັ່ງກ່າວ ເພື່ອເປັນການໂຄ ສະນາປະຊາສຳພັນກ່ຽວກັບປີ ທ່ອງທ່ຽວລາວ 2018 ຢ່າງ ກວ້າງຂວາງ. ສ່ວນກິດຈະກຳປີທ່ອງ ທ່ຽວລາວ 2018 ປະກອບມີກິດ ຈະກຳທັງພາຍໃນ ແລະ ຕ່າງ ປະເທດ ຊຶ່ງປະກອບມີດັ່ງນີ້:

1. ກິດຈະກຳສະເຫຼີມສະ ຫຼອງປີທ່ອງທ່ຽວຢູ່ໃນບັນດາ ແຂວງ ມີທັງໝົດ 18 ກິດຈະກຳ ໃນຂອບເຂດທົ່ວປະເທດເຊັ່ນ: ບຸນປີໃໝ່ຊົນເຜົ່າກືມມຸ ແຂວງ ອຸດົມໄຊ, ງານບຸນເສົາຫຼັກ ເມືອງ 10 ຊົນເຜົ່າ ແຂວງເຊ ກອງ, ບຸນພະທາດໂພນສັນ ແຂວງບໍລິຄຳໄຊ, ບຸນຊົນເຜົ່າ ແຂວງຫຼວງນ້ຳທາ, ງານເທດ ສະການດອກງິ້ວບານ ແຂວງບໍ່ ແກ້ວ, ບຸນຊ້າງ ແຂວງໄຊຍະບູ ລີ, ບຸນວັດພູ ແຂວງຈຳປາສັກ, ບຸນພະທາດສີໂຄດ ແຂວງຄຳ ມ່ວນ, ບຸນປີໃໝ່ລາວ ແຂວງ ຫຼວງພະບາງ, ງານສະເຫຼີມສະ ຫຼອງແກ້ວຫຼັກເມືອງ ແລະ ທ່ຽວ ຊົມຖ້ຳທ່ານຜູ້ນຳ ແຂວງຫົວ ພັນ, ງານບຸນຊ່ວງເຮືອ ແຂວງ ສາລະວັນ, ບຸນນະມັດສະການ ພະທາດຫຼວງ ນະຄອນຫຼວງ ວຽງຈັນ, ບຸນຊ່ວງເຮືອເມືອງ ຂວາ ແຂວງຜົ້ງສາລີ, ບຸນພະ ທາດອີງຮັງ ແຂວງສະຫວັນນະ ເຂດ, ບຸນກິນຈຽງ ແຂວງຊຽງ ຂວາງ, ບຸນກິນຈຽງ (ຫຼັກ 52) ແຂວງວຽງຈັນ, ບຸນກິນຈຽງ ແຂວງໄຊສົມບູນ ແລະ ງານ ນະມັດສະການພະເຈົ້າໄຊເສດ ຖາ ແຂວງອັດຕະປື.

2. ການເຄື່ອນໄຫວ ແລະ ກິດຈະກຳປິ່ນອ້ອມຢູ່ພາຍໃນ ປະກອບມີ: ການຈັດຂະບວນ ຄາລາວານລົດທ່ອງທ່ຽວຕາມ ເສັ້ນທາງແຫຼ່ງທ່ອງທ່ຽວຂອງ ບາງແຂວງພາກເໜືອ ແລະ ພາກໃຕ້, ການຈັດລາຍການ ຢ້ຽມຢາມແຫຼ່ງທ່ອງທ່ຽວສຳ ລັບສື່ມວນຊົນ ແລະ ບໍລິສັດ ທ່ອງທ່ຽວທັງພາຍໃນ ແລະ ຕ່າງປະເທດ, ເພື່ອໂຄສະນາ ຜະລິດຕະພັນ ແລະ ແຫຼ່ງທ່ອງ ທ່ຽວອັນໂດດເດັ່ນຂອງ ສປປ ລາວ ໂດຍສະເພາະແມ່ນແຫຼ່ງ ທ່ອງທ່ຽວປະຫວັດສາດ, ວັດ ທະນະທຳ ແລະ ທຳມະຊາດ, ກິດຈະກຳສະເຫຼີມສະຫຼອງວັນ ທ່ອງທ່ຽວໂລກ, ບຸນມະໂຫ ລານສິລະປະການສະແດງພື້ນ ເມືອງບັນດາເຜົ່າທົ່ວປະເທດ ໃນງານບຸນນະມັດສະການພະ ທາດຫຼວງ.

3. ກິດຈະກຳປິ່ນອ້ອມ ຢູ່ພາຍໃນທີ່ໄດ້ສະເໜີເຂົ້າ ເພີ່ມມີດັ່ງນີ້:

1. ລາຍການທ່ອງທ່ຽວຂີ່ ລົດຖີບອາຊຽນ.

2. ການແຂ່ງ ລົດຈັກວິບາກ.

3. ການແຂ່ງລົດ ໃຫຍ່ວິບາກ.

4. ກິດຈະກຳ ປີນ ໜ້າຜາ ແລະ ກິດຈະກຳອື່ນໆ.

4. ລາຍການເຄື່ອນໄຫວ ແລະ ກິດຈະກຳປິ່ນອ້ອມຢູ່ຕ່າງ ປະເທດ ປະກອບມີ:

1. ຈັດງານວັນລາວ (Lao Night) ໃນງານ ATF 2018 ຢູ່ຊຽງໃໝ່ ປະເທດໄທ.

2 ຈັດງານ Cocktail ຢູ່ ITB Berlin 2018 ປະເທດ ເຢຍລະມັນ.

3. ງານວາງສະແດງທ່ອງ ທ່ຽວສາກົນ SMT ຢູ່ປາຣີ ປະເທດຝຣັ່ງ.

4. ຈັດງານວັນລາວ (Lao Night) ທີ່ງານ Lao Festival ທີ່ໂຕກຽວ ປະເທດຍີ່ປຸ່ນ.

5. ຈັດງານວັນລາວ (Lao Night) ໃນງານ ITE HCM ຢູ່ ປະເທດຫວຽດນາມ.

6. ງານວາງສະແດງທ່ອງ ທ່ຽວສາກົນ WTM ຢູ່ລອນດອນ ປະເທດອັງກິດ. ກ່ຽວກັບການກະກຽມຈັດ ປີທ່ອງທ່ຽວລາວນິ້ີ້ ປະເທດເຮົາ ໃນນາມທີ່ເປັນເຈົ້າພາບ, ເຈົ້າ ຂອງບ້ານທີ່ດີ ຈະຕ້ອງໄດ້ເອົາ ໃຈໃສ່ໃນການກະກຽມ, ການ ໂຄສະນາຜ່ານສື່ຕ່າງໆ ທັງ ພາຍໃນ ແລະ ຕ່າງປະເທດ ແລະ ການປັບປຸງການບໍລິການ ຕ່າງໆ ໃຫ້ມີຄວາມພ້ອມ ເພື່ອ ຮອງຮັບ ແລະ ອຳນວຍຄວາມ ສະດວກໃຫ້ແກ່ນັກທ່ອງທ່ຽວທີ່ ຈະເຂົ້າມາທ່ຽວ ໃນປີ 2018 ນີ້. ໃນນາມປະທານຄະນະຊີ້ ນຳລະດັບຊາດ ໃນການຈັດປີ ທ່ອງທ່ຽວລາວ 2018 ເຊື່ອ ໝັ້ນວ່າ ໃນການກະກຽມຈັດປີ ທ່ອງທ່ຽວລາວ 2018 ນີ້ ປາສະ ຈາກບໍ່ໄດ້ການຮ່ວມແຮງຮ່ວມ ໃຈ, ການຮ່ວມມື, ການປະກອບ ສ່ວນ ແລະ ການສະໜັບສະ ໜູນຊຶ່ງກັນ ແລະ ກັນຂອງບັນ ດາຫົວໜ່ວຍທຸລະກິດ ທັງຈາກ ພາກລັດ, ພາກເອກະຊົນ ແລະ ບັນດາອົງການຈັດຕັ້ງສາກົນ ຕ່າງໆ ເພື່ອເປັນເຈົ້າພາບໃນ ການຈັດປີທ່ອງທ່ຽວລາວ 2018 ໃຫ້ບັນລຸຕາມຈຸດປະສົງ ແລະ ລະດັບຄາດໝາຍທີ່ວາງໄວ້. ຫວັງຢ່າງຍິ່ງວ່າ ພວກເຮົາ ທຸກພາກສ່ວນຈະຮ່ວມແຮງ ຮ່ວມໃຈກັນ ແລະ ປະກອບ ສ່ວນເຂົ້າໃນການເປັນເຈົ້າພາບ ຈັດປີທ່ອງທ່ຽວລາວ 2018 ໃຫ້ ປະສົບຜົນສຳເລັດຢ່າງຈົບງາມ.