ສະພາແຫ່ງຊາດ ເຜີຍແຜ່ວັນອາຊຽນ ແລະ ວັນສຳຄັນຂອງຊາດ


...

    

ສະພາແຫ່ງຊາດໄດ້ຈັດ ຕັ້ງຮັບຟັງການເຜີຍແຜ່ວັນສ້າງ ຕັ້ງອາຊຽນ ຄົບຮອບ 50 ປີ ແລະ ວັນສຳຄັນຂອງຊາດລາວ ຄືວັນປະກາດເອກະລາດ 12 ຕຸລາ ຄົບຮອບ 62 ປີ, ວັນສ້າງ ຕັ້ງສະຫະພັນນັກຮົບເກົ່າແຫ່ງ ຊາດລາວ ຄົບຮອບ 15 ປີ ຂຶ້ນ ໃນຕອນເຊົ້າວັນທີ 12 ຕຸລານີ້ ທີ່ ຫ້ອງວ່າການສູນກາງພັກ ໂດຍ ມີ ທ່ານ ພົນໂທ ແສງນວນ ໄຊຍະລາດ ຮອງປະທານ ສະພາແຫ່ງຊາດ, ທ່ານ ນາງ ຄຳເພົາ ເອີນທະວັນ ຮອງລັດ ຖະມົນຕີກະຊວງການຕ່າງປະ ເທດຮ່ວມເຜີຍແຜ່ວັນສຳຄັນດັ່ງ ກ່າວ. ໃນການເຜີຍແຜ່ດັ່ງກ່າວ ໄດ້ຍົກໃຫ້ເຫັນປະຫວັດຄວາມ ເປັນມາຂອງການສ້າງຕັ້ງອາ ຊຽນເປັນອົງການລະຫວ່າງປະ ເທດຂອງຂົງເຂດອາຊີຕາເວັນ ອອກສ່ຽງໃຕ້. ອາຊຽນ ໄດ້ສ້າງ ຕັ້ງຂຶ້ນໃນວັນທີ 8 ສິງຫາ 1967, ໂດຍທຳອິດມີສະມາຊິກ 5 ປະເທດ ແລະໄດ້ຂະຫຍາຍ ອອກເພີ່ມເປັນ 10 ປະເທດໂດຍ ມີຈຸດປະສົງຂອງການສ້າງຕັ້ງ ຂຶ້ນເພື່ອປົກປັກຮັກສາ ແລະ ສົ່ງເສີມສັນຕິພາບ, ສະຖຽນລະ ພາບ ແລະ ຄວາມໝັ້ນຄົງຂອງ ພາກພື້ນ, ເຮັດໃຫ້ອາຊີຕາເວັນ ອອກສ່ຽງໃຕ້ເປັນເຂດປອດອາ ວຸດນິວເຄຼຍ ແລະ ອາວຸດທຳ ລາຍລ້າງຜານອື່ນໆ. ໃນໂອກາດດັ່ງກ່າວ ໄດ້ ຮັບຟັງການປາຖະກະຖາວັນ ປະກາດເອກະລາດ 12 ຕຸລາ ຄົບຮອບ 62 ປີ ແລະ ວັນ ສ້າງຕັ້ງສະຫະພັນນັກຮົບເກົ່າ ແຫ່ງຊາດ ຄົບຮອບ 15 ປີ ເພື່ອ ເຮັດໃຫ້ພະນັກງານໄດ້ຮັບຮູ້ ແລະ ເຂົ້າໃຈປະຫວັດຄວາມ ເປັນມາຂອງວັນດັ່ງກ່າວຢ່າງ ທົ່ວເຖິງ. (ຂ່າວ+ພາບ: ບຸນຕອມ)