ກະຊວງ ວິທະຍາສາດ ແລະ ເຕັກໂນໂລຊີສະຫຼຸຸບ ຜົນງານ 5 ປີ


...

    

ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ ສະຫຼຸຸບຜົນງານການເຄື່ອນ ໄຫວວຽກງານໄລຍະ 5 ປີ (2011-2015) ພ້ອມທັງຍ້ອງ ຍໍກົມກອງ ແລະ ບຸກຄົນທີ່ມີ ຜົນງານດີເດັ່ນ ຂຶ້ນໃນຕອນແລງ ວັນທີ 12 ຕຸລາ ນີ້ ທີ່ຫໍປະຊຸມ ແຫ່ງຊາດ ໂດຍການເປັນປະ ທານຂອງທ່ານ ບໍ່ວຽງຄຳ ວົງ ດາລາ ລັດຖະມົນຕີກະຊວງ ວິທະຍາສາດ ແລະ ເຕັກໂນໂລ ຊີ ໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາ ຍົກລັດຖະມົນຕີ ຊຶ່ງມີບັນດາ ທ່ານຮອງລັດຖະມົນຕີ ຫົວໜ້າ ກົມ-ຮອງກົມ, ຕະຫຼອດຮອດ ພະນັກງານເຂົ້າຮ່ວມ. ໃນພິທີ ທ່ານລັດຖະມົນຕີໄດ້ຂຶ້ນກ່າວ ສະຫຼຸຸບຜົນງານການເຄື່ອນ ໄຫວວຽກງານໄລຍະ 5 ປີ ຜ່ານ ມາວ່າ: ກະຊວງວິທະຍາສາດ ແລະ ເຕັກໂນໂລຊີໄດ້ຮັບການ ສ້າງຕັ້ງຂຶ້ນໃນເດືອນກັນຍາ ປີ 2011 ໄດ້ກາຍເປັນບາດ ກ້າວກະໂດດໃໝ່ໃຫ້ ແກ່ການ ສ້າງປະຖົມປັດໄຈຕົ້ນຕໍ ເພື່ອ ພັດທະນາວິທະຍາສາດແລະ ເຕັກໂນໂລຊີຢູ່ປະເທດເຮົາ, ສິດກ່ຽວຂ້ອງກັບລິຂະສິດ ແລະ ການແກ້ໄຂຂໍ້ຂັດແຍ່ງ ຊັບສິນທາງປັນຍາ ໄດ້ທັງໝົດ 2.600 ກວ່າສະບັບ, ໄດ້ສ້າງ ຕັ້ງຫ້ອງກວດສອບຄຸນນະ ພາບນ້ຳມັນເຊື້ອໄຟປະຈຳ ຢູ່ບັນດາດ່ານສາກົນ ຊຶ່ງສາ ມາດເພີ່ມ ລາຍຮັບພາສີອາ ກອນນ້ຳມັນ ແລະ ຮັບປະກັນ ໃຫ້ສົງຄົມໄດ້ຊົມໃຊ້ນ້ຳມັນ ທີ່ມີຄຸນນະພາບ, ປົກປັກຮັກ ສາສິ່ງແວດລ້ອມ, ກວດສອບ ກົງເຕີໄຟຟ້ານຳເຂົ້າມາໃໝ່ ຈຳນວນ 247.000 ກວ່າ ໜ່ວຍ ແລະ ບໍລິການອື່ນໆອີກ. ຄຽງຄູ່ກັບຜົນງານຈຳ ນວນໜຶ່ງທີ່ກ່າວມານັ້ນ, ຂະ ແໜງວິທະຍາສາດ ແລະ ເຕັກ ໂນໂລຊີ ກໍຍັງມີບັນຫາຄົງຄ້າງ ທ້າທ້າຍຈຳນວນໜຶ່ງ ທີ່ຈະຕ້ອງ ໄດ້ແກ້ໄຂຜ່ານຜ່າ, ເປັນຕົ້ນ ແມ່ນຕ້ອງສືບຕໍ່ປັບປຸງການ ຈັດຕັ້ງ ແລະ ການພັດທະນາ ບຸກຄະລາກອນໃຫ້ເຂັ້ມແຂງ ສືບຕໍ່ນຳໃຊ້ເຕັກໂນໂລຊີທັນ ສະໄໝເຂົ້າໃນການຜະລິດສິນ ຄ້າ ແລະ ຫັນເປັນທັນສະໄໝ ຢູ່ປະເທດເຮົາ. ສະນັ້ນ ເພື່ອ ສືບຕໍ່ຜັນຂະຫຍາຍມະຕິກອງ ປະຊຸມໃຫຍ່ ຄັ້ງທີ X ຂອງພັກ ແລະ ແຜນພັດທະນາເສດຖະ ກິດ-ສັງຄົມແຫ່ງຊາດ 5 ປີ ຄັ້ງ ທີ VIII ໃຫ້ປະກົດຜົນເປັນຈິງ ຕາມທິດພັດທະນາແບບຍືນ ຍົງນັ້ນ, ກະຊວງວິທະຍາສາດ ແລະ ເຕັກໂນໂລຊີ ຈະສືບຕໍ່ ຈັດຕັ້ງປະຕິບັດແຜນຍຸດທະ ສາດການພັດທະນາວິທະຍາ ສາດ ແລະ ເຕັກໂນໂລຊີ ຂອງ ສປປ ລາວ ໄລຍະແຕ່ນີ້ ຮອດ ປີ 2030 ແນໃສ່ເຮັດໃຫ້ຂະແໜງ ວຽກງານວິທະຍາສາດ, ເຕັກ ໂນໂລຊີ ແລະ ນະວັດຕະກຳ ກາຍເປັນກຳລັງແຮງຂັບເຄື່ອນ ໃຫ້ແກ່ການພັດທະນາປະເທດ ໄປຕາມທິດຫັນເປັນອຸດສາ ຫະກຳ ແລະ ທັນສະໄໝແບບ ຍືນຍົງສີຂຽວ ໃນແຜນຍຸດທະ ສາດການພັດທະນາດັ່ງກ່າວ ໄດ້ກຳນົດ 6 ແຜນງານຍຸດທະ ສາດ. ພ້ອມກັນນັ້ນ, ການພັດ ທະນາວິທະຍາສາດ ແລະ ເຕັກ ໂນໂລຊີ ໃນຂະແໜງການຕ່າງໆ ໄດ້ເປັນປັດໄຈສຳຄັນ ເພື່ອຮັບ ປະກັນໃຫ້ເສດຖະກິດ-ສັງຄົມ ມີການຂະຫຍາຍຕົວຢ່າງຕໍ່ ເນື່ອງ ແລະ ມີຄວາມໝັ້ນຄົງ. ຈາກນັ້ນທີ່ປະຊຸມໄດ້ຈັດ ພິທີປະດັບຫຼຽນໄຊ, ຫຼຽນກາ ແລະ ໃບຍ້ອງຍໍໃຫ້ແກ່ບຸກຄົນ ແລະ ກົມກອງລວມໝູ່ດັ່ງນີ້: ຫຼຽນໄຊແຮງງານຊັ້ນ I ມີ 13 ທ່ານ ແລະ 1 ກົມກອງ, ຫຼຽນໄຊແຮງງານຊັ້ນ II ມີ 28 ທ່ານ ແລະ 4 ກົມກອງ, ຫຼຽນ ໄຊແຮງງານຊັ້ນ III ມີ 26 ທ່ານ ແລະ 4 ກົມກອງ, ຫຼຽນກາແຮງ ງານມີ 33 ທ່ານ ແລະ 3 ກົມ ກອງ ແລະ ໃບຍ້ອງຍໍຂັ້ນລັດ ຖະບານມີ 39 ທ່ານ ແລະ 1 ກົມກອງ ໃນພິທີທ່ານຮອງນາ ຍົກລັດຖະມົນຕີໄດ້ກ່າວສະ ແດງຄວາມຍ້ອງຍໍຊົມເຊີຍຕໍ່ ຜົນງານການເຄື່ອນໄຫວວຽກ ງານຂອງ ກວຕ ພ້ອມທັງ ເນັ້ນໃຫ້ ກວຕ ເອົາໃຈໃສ່ການ ຄົ້ນຄວ້າ-ພັດທະນາວຽກງານ ວິທະຍາສາດ ແລະ ເຕັກໂນໂລ ຊີ ຈະຕ້ອງຮັບໃຊ້ການພັດທະ ນາເສດຖະກິດ-ສັງຄົມຢ່າງແທ້ ຈິງ ເພື່ອໃຫ້ທົ່ວສັງຄົມ ມີຄວາມ ເຂົ້າໃຈເຖິງບົດບາດຄວາມສຳ ຄັນ ຂອງວິທະຍາສາດ ແລະ ເຕັກໂນໂລຊີ, ກະຕຸ້ນໃຫ້ນັກ ຄົ້ນຄວ້າວິທະຍາສາດໜຸ່ມ, ຜູ້ ມັກການຄົ້ນຄວ້າ ແລະ ມີການ ລະດົມທຶນ ຂອງທົ່ວສັງຄົມ, ມີ ການພົວພັນຮ່ວມມືລະຫວ່າງ ການຄຸ້ມຄອງລັດ. ທຸລະກິດເອ ກະຊົນ ແລະ ຄູ່ຮ່ວມພັດທະ ນາຮ່ວມມືການລົງທຶນ ໃສ່ການ ຄົ້ນຄວ້າພັດທະນາໃຫ້ເພີ່ມຂຶ້ນ ນຳໃຊ້ຜົນການຄົ້ນຄວ້າພັດທະ ນາວິທະຍາສາດ ແລະ ເຕັກໂນ ໂລຊີ ເຂົ້າໃນບັນດາໂຄງການ ລົງທຶນ ທີ່ເປັນຍຸດທະສາດລະ ດັບຊາດ ໂດຍມີການສົມທົບ ນຳໃຊ້, ຍົກລະດັບວິທະຍາ ສາດເຕັກໂນໂລຊີ ແລະ ນະວັດ ຕະກຳ, ສຸມໃສ່ພັດທະນາພື້ນ ຖານໂຄງລ່າງ ແລະ ການບໍລິ ການວິທະຍາສາດ ແລະ ເຕັກ ໂນໂລຊີ ໃນຂົງເຂດກະສິກຳ, ອຸດສາຫະກຳ ແລະ ການບໍລິ ການ, ສົ່ງເສີມວິສາຫະກິດຂະ ໜາດກາງ ທີ່ຕິດພັນກັບຂະ ແໜງການ ທີ່ມີທ່າແຮງຕາມ ທິດພັດທະນາແບບຍືນຍົງ ແລະ ສີຂຽວ, ພ້ອມກັນນັ້ນ ກໍ ເອົາໃຈໃສ່ນຳໃຊ້ເຕັກໂນໂລຊີ ທັນສະໄໝ ເຂົ້າໃນບັນດາຂະ ແໜງການຕ່າງໆເຊັ່ນ: ການ ເງິນ, ທະນາຄານ, ສຶກສາ ແລະ ສາທາລະນະສຸກ ເພື່ອຫັນເປັນ ທັນສະໄໝ ໃຫ້ທັນກັບການພັດ ທະນາຂອງຍຸກສະໄໝໃໝ່. ພ້ອມນັ້ນ ຂະແໜງການວິທະ ຍາສາດ ແລະ ເຕັກໂນໂລຊີ ກໍຕ້ອງໄດ້ປັບປຸງໃຫ້ເຂັ້ມແຂງ ຕາມແຜນຍຸດທະສາດ ການ ພັດທະນາວິທະຍາສາດ ແລະ ເຕັກໂນໂລຊີ ທີ່ໄດ້ສະເໜີຜ່ານ ລັດຖະບານ ແລະ ກົມການ ເມືອງສູນກາງພັກ ແລ້ວນັ້ນໃຫ້ ປະກົດຜົນເປັນຈິງ.