ສະຫຼອງວັນສ້າງຕັ້ງໜັງສືພິມຄວາມສະຫງົບ ຄົບຮອບ 20 ປີ


...

    

ຄະນະບັນນາທິການໜັງ ສືພິມຄວາມສະຫງົບໄດ້ຈັດຕັ້ງ ພິທີສະເຫຼີມສະຫຼອງວັນສ້າງ ຕັ້ງໜັງສືພິມຄວາມສະຫງົບ ຄົບຮອບ 20 ປີ (12 ຕຸລາ 1997 -12 ຕຸລາ 2017) ຂຶ້ນເມື່ອວັນ ທີ 12 ຕຸລານີ້, ທີ່ສຳນັກງານດັ່ງ ກ່າວ ໂດຍເປັນກຽດເຂົ້າຮ່ວມ ຂອງທ່ານ ພົນຈັດຕະວາ ອາລູ ວາລີຊື ຄະນະພັກກະຊວງ ເລຂາ ຄະນະພັກ ຫົວໜ້າກົມໃຫຍ່ ການເມືອງປ້ອງກັນຄວາມສະ ຫງົບ, ມີບັນດາຄະນະພັກ, ຄະນະບັນ ນາທິການ ຂ່າວສານ ປ້ອງກັນຄວາມສະຫງົບ, ແຂກ ຖືກເຊີນ, ພະນັກງານທີ່ກ່ຽວ ຂ້ອງເຂົ້າຮ່ວມ. ໃນພິທີທ່ານ ພັນໂທ ພອນສະຫວັນ ອຸດົມເພັດ ຮອງ ຫົວໜ້າຄະນະບັນນາທິການ ຂ່າວສານປ້ອງກັນຄວາມສະ ຫງົບ (ປກສ) ທັງເປັນຜູ້ຊີ້ນຳ ໜັງສືພິມໄດ້ຂຶ້ນຜ່ານບົດລາຍ ງານປະຫວັດຄວາມເປັນມາ ແລະ ທິດທາງການພັດທະນາ ໜັງສືພິມ ປກສ ຊຶ່ງທ່ານໄດ້ ຍົກໃຫ້ເຫັນຕົ້ນກຳເນີດ - ການ ເຕີບໃຫຍ່ຂະຫຍາຍຕົວຂອງ ໜັງສືພິມ ປກສ ບາງຕອນສຳ ຄັນວ່າ: ວັນທີ 12 ຕຸລາ ແມ່ນ ວັນປະກາດເອກະລາດຂອງ ຊາດ, ໜັງສືພິມຄວາມສະຫງົບ ແມ່ນກະບອກສຽງຂອງກຳລັງ ປ້ອງກັນຄວາມສະຫງົບໄດ້ຮັບ ການສ້າງຕັ້ງຂຶ້ນ ແລະ ພິມອອກ ສູ່ສາຍຕາມວນຊົນໃນວັນທີ 12 ຕຸລາ 1997 ໃນມື້ນີ້ມີອາຍຸ ຄົບ 20 ປີພໍດີ ຊຶ່ງເຮັດໜ້າທີ່ ພາລະບົດບາດເປັນກະບອກ ສຽງຂອງກຳລັງ ປກສ ທັງເປັນ ຂົວຕໍ່ລະຫວ່າງກຳລັງ ປກສ ກັບປະຊາຊົນເຮັດໜ້າທີ່ເຜີຍ ແຜ່ແນວທາງນະໂຍບາຍຂອງ ພັກ - ລະບຽບກົດໝາຍຂອງ ລັດທີ່ພົວພັນເຖິງວຽກງານ ແລະ ກຳລັງ ປກສ ລວມເຖິງ ຄວາມເປັນລະບຽບຮຽບຮ້ອຍ ໃນສັງຄົມ ແລະ ອື່ນໆ, ໃນ ເບື້ອງ ຕົ້ນແມ່ນໄດ້ພິມອອກເປັນ ລາຍເດືອນ, ລາຍປັກ, ລາຍ ອາທິດຈົນກາຍເປັນລາຍວັນ ໃນປັດຈຸບັນຊຶ່ງປະກອບມີທັງ ໝົດ 16 ໜ້າ ມີຍອດຈຳໜ່າຍ ໃນການພິມ 2.000 ກວ່າສະ ບັບຕໍ່ວັນ ແລະ ຍັງມີທ່າທີວ່າ ຈະເພີ່ມຂຶ້ນຢ່າງຕໍ່ເນື່ອງ, ປະ ກອບມີບັນດາຄໍລຳຕ່າງໆເຊັ່ນ: ຄໍລຳສະຖານະການປະຈຳວັນ, ພັດທະນາກຳລັງ ປກສ, ສ້ຽນ ສັງຄົມ, ເລື່ອງສັ້ນ, ວຽກຈິງຄົນ ແທ້, ຮຽນຮູ້ກົດໝາຍ ແລະ ຄໍລຳອື່ນໆອີກ. (ຂ່າວ: ພູວັນ)