ຊີວະປະຫວັດຫຍໍ້ຂອງສະຫາຍ ສິ ຈິ້ນຜິງ ເລຂາທິການໃຫຍ່ ຄະນະກຳມະການສູນກາງພັກ ກອມມູນິດຈີນ ປະທານປະເທດ ແຫ່ງ ສປ ຈີນ


...

    

ສະຫາຍ ສິ ຈິ້ນຜິງ (Xi Jinping) ເກີດເດືອນມີຖຸນາປີ 1953 (64 ປີ), ຊົນເຜົ່າຮັ້ນ, ເມືອງຟູຜິງ ແຂວງສານຊີ, ເຂົ້າ ຮ່ວມການປະຕິວັດໃນເດືອນມັງກອນ ປີ 1969, ເປັນສະມາ ຊິກພັກກອມມູນິດຈີນ ໃນເດືອນມັງກອນປີ 1974.

ຈົບການ ສຶກສາລະດັບປະລິນຍາຕີ ຂະແໜງການສຶກສາດ້ານທິດສະດີ ແລະ ແນວຄິດການເມືອງລັດທິມາກ ຢູ່ສະຖາບັນວັດທະນະ ທຳ ແລະ ສັງຄົມຂອງມະຫາວິທະຍາໄລຊິງຮວາ, ຈົບປະລິນ ຍາໂທເຊື່ອມຕໍ່, ຈົບປະລິນຍາເອກຂະແໜງກົດໝາຍ.

ຕຳແໜ່ງປັດຈຸບັນ: ເລຂາທິການໃຫຍ່ ຄະນະກຳມະການ ສູນກາງພັກກອມມູນິດຈີນ ປະທານຄະນະກຳມະການທະ ຫານສູນກາງພັກກອມມູນິດຈີນ ປະທານປະເທດ ແຫ່ງ ສາທາ ລະນະລັດ ປະຊາຊົນຈີນ ປະທານຄະນະກຳມະການທະຫານ ສູນກາງຂອງ ສປ ຈີນ.

 ການເຄື່ອນໄຫວສຳຄັນຂອງ ສະຫາຍ ສິ ຈິ້ນຜິງ ໃນໄລ ຍະຜ່ານມາ ມີຄືດັ່ງນີ້:

- ແຕ່ປີ 1969-1975, ເປັນເລຂາໜ່ວຍພັກ, ມະຫາຊົນ ກ້າວໜ້າໃນກອງຜະລິດລຽງເຈ່ຍເຮີ, ສະຫະກອນອ່ານອີ້, ເມືອງຢຽນຊວນ ແຂວງສານຊີ;

- ແຕ່ປີ 1975-1979, ຮຽນວິຊາສານປະສົມອິນຊີພື້ນ ຖານ ຂະແໜງອຸດສາຫະກຳເຄມີສາດ, ມະຫາວິທະຍາໄລຊິງ ຮວາ;

- ແຕ່ປີ 1979-1982, ເປັນເລຂາຂອງຫ້ອງວ່າການຄະ ນະລັດຖະບານຈີນ, ຫ້ອງວ່າການຄະນະກຳມາທິການ ການ ທະຫານສູນກາງ, (ທະຫານປະຈຳກອງທັບ);

- ແຕ່ປີ 1982-1983, ເປັນຮອງເລຂາພັກເມືອງໆເຈິ້ງຕິ້ງ ແຂວງເຫີເປີຍ;

- ແຕ່ປີ 1983-1985, ເປັນເລຂາພັກເມືອງໆເຈິ້ງຕິ້ງ ແຂວງເຫີເປີຍ; ເປັນຄະນະກຳມະການການເມືອງຜູ້ທີໜຶ່ງ ທັງ ເປັນເລຂາຄະນະພັກຜູ້ທີໜຶ່ງ ຂອງກອງບັນຊາການປະກອບ ອາວຸດເມືອງເຈິ້ງຕິ້ງ ແຂວງເຫີເປີຍ;

- ແຕ່ປີ 1985-1988, ເປັນຄະນະປະຈຳພັກນະຄອນ, ຮອງເຈົ້າຄອງນະຄອນເຊຍເມີນ ແຂວງຟູຈ້ຽນ;

- ແຕ່ປີ1988-1990, ເປັນເລຂາຄະນະພັກຮາກຖານ ເຂດນິງເຕີ ແລະ ເປັນເລຂາຄະນະພັກຜູ້ທີໜຶ່ງ ຂອງຄະນະພັກ ເຂດນິງເຕີ, ແຂວງຟູຈ້ຽນ;

- ແຕ່ປີ 1990-1993, ເປັນເລຂາພັກນະຄອນຟູໂຈ່, ແຂວງຟູຈ້ຽນ;

- ແຕ່ປີ 1993- 1995, ເປັນຄະນະປະຈຳພັກແຂວງຟູ ຈ້ຽນ, ເລຂາພັກນະຄອນຟູໂຈ່, ປະທານຄະນະປະຈຳສະພາປະຊາ ຊົນ ນະຄອນຟູໂຈ່, ທັງເປັນເລຂາພັກຜູ້ທີໜຶ່ງຂອງອົງຄະນະ ພັກເຂດທະຫານນະຄອນຟູໂຈ່, ແຂວງຟູຈ້ຽນ;

- ແຕ່ປີ 1995-1996, ເປັນຮອງເລຂາພັກແຂວງຟູຈ້ຽນ, ເລຂາພັກນະຄອນຟູຈ້ຽນ, ປະທານຄະນະປະຈຳສະພາປະຊາ ຊົນ ນະຄອນຟູໂຈ່, ທັງເປັນເລຂາພັກຜູ້ທີໜຶ່ງຂອງອົງຄະນະ ພັກເຂດທະຫານນະຄອນຟູໂຈ່, ແຂວງຟູຈ້ຽນ;

- ແຕ່ປີ 1996-1999 ເປັນຮອງເລຂາພັກແຂວງຟູຈ້ຽນ, ທັງເປັນເລຂາພັກຜູ້ທີໜຶ່ງຂອງກອງພົນປືນໃຫຍ່ກະກຽມສູ້ຮົບ ແຂວງຟູຈ້ຽນ;

- ແຕ່ປີ 1999-2000, ເປັນຮອງເລຂາພັກແຂວງໆຟູຈ້ຽນ, ຮັກສາການເຈົ້າແຂວງຟູຈ້ຽນ, ເປັນຮອງປະທານຄະນະກຳມະ ການ ວຽກງານໂຄສະນາປ້ອງກັນຊາດ ປະຈຳກອງທັບເຂດນານ ຈິ່ງ, ເປັນປະທານຄະນະກຳມະການວຽກງານໂຄສະນາປ້ອງ ກັນຊາດແຂວງຟູຈ້ຽນ, ເປັນເລຂາຄະນະພັກຜູ້ທີໜຶ່ງຂອງກອງ ພົນປືນໃຫຍ່ກະກຽມສູ້ຮົບແຂວງຟູຈ້ຽນ;

- ແຕ່ປີ 2000-2002, ເປັນຮອງເລຂາພັກແຂວງ, ທັງ ເປັນເຈົ້າແຂວງໆຟູຈ້ຽນ, ເປັນຮອງປະທານຄະນະກຳມະການ ວຽກງານໂຄສະນາປ້ອງກັນຊາດປະຈຳກອງທັບເຂດນານຈິ່ງ, ເປັນປະທານຄະນະກຳມະການປ້ອງກັນຊາດ ປະຈຳແຂວງຟູ ຈ້ຽນ ທັງເປັນເລຂາຄະນະພັກຜູ້ທີ່ໜຶ່ງ ຂອງກອງພົນປືນໃຫຍ່ ກະກຽມສູ້ຮົບແຂວງຟູຈ້ຽນ.

- (ໃນໄລຍະແຕ່ປີ 1998-2002, ສຶກສາລະດັບປະລິນ ຍາຕີຂະແໜງການສຶກສາດ້ານທິດສະດີ ແລະ ແນວຄິດການ ເມືອງລັດທິມາກ ຢູ່ສະຖາບັນວັດທະນະທຳ ແລະ ສັງຄົມຂອງ ມະຫາວິທະຍາໄລຊິງຮວາ, ຈົບປະລິນຍາໂທເຊື່ອມຕໍ່, ຈົບປະ ລິນຍາເອກຂະແໜງກົດໝາຍ).

- ແຕ່ປີ 2002-2002, ເປັນຮອງເລຂາພັກແຂວງໆເຈີຈ່ຽງ, ຮັກສາການເຈົ້າແຂວງໆເຈີຈ່ຽງ, ເປັນຮອງປະທານຄະນະກຳ ມະການວຽກງານໂຄສະນາປ້ອງກັນຊາດ ປະຈຳເຂດທະຫານ ນານຈິ່ງ, ເປັນປະທານຄະນະກຳມະການວຽກງານໂຄສະນາ ປ້ອງກັນຊາດປະຈຳແຂວງເຈີຈ່ຽງ.

- ແຕ່ປີ 2002-2003, ເປັນເລຂາພັກແຂວງໆເຈີຈ່ຽງ, ຮັກສາການເຈົ້າແຂວງໆເຈີຈ່ຽງ, ເປັນເລຂາຄະນະພັກຜູ້ທີໜຶ່ງ ຂອງຄະນະພັກທະຫານແຂວງເຈີຈ່ຽງ, ເປັນຮອງປະທານຄະ ນະກຳມະການວຽກງານໂຄສະນາປ້ອງກັນຊາດປະຈຳເຂດທະຫານນານຈິ່ງ, ທັງເປັນປະທານຄະນະກຳມະການວຽກງານໂຄ ສະນາປ້ອງກັນຊາດແຂວງເຈີຈ່ຽງ;

- ແຕ່ປີ 2003-2007, ເປັນເລຂາພັກແຂວງເຈີຈ່ຽງ, ປະ ທານສະພາປະຊາຊົນແຂວງເຈີຈ່ຽງ, ເລຂາພັກຜູ້ທີໜຶ່ງຂອງຄະ ນະພັກທະຫານປະຈຳແຂວງເຈີຈ່ຽງ;

- ແຕ່ປີ 2007-2007, ເປັນເລຂາພັກນະຄອນຊຽງໄຮ້, ທັງເປັນເລຂາພັກຜູ້ທີໜຶ່ງ ຂອງກອງປ້ອງກັນເຂດນະຄອນຊຽງ ໄຮ້;

- ແຕ່ປີ 2007-2008, ເປັນຄະນະປະຈຳກົມການເມືອງ ສູນກາງພັກ, ເລຂາທິການສູນກາງພັກກອມມູນິດຈີນ, ອະທິ ການບໍດີໂຮງຮຽນພັກສູນກາງ ພັກກອມມູນິດຈີນ;

- ແຕ່ປີ 2008-2010, ເປັນຄະນະປະຈຳກົມການເມືອງ ສູນກາງພັກ, ເລຂາທິການສູນກາງພັກ, ຮອງປະທານປະເທດ ສປ ຈີນ, ອະທິການບໍດີໂຮງຮຽນພັກສູນກາງພັກກອມມູນິດ ຈີນ;

- ແຕ່ປີ 2010-2012, ເປັນຄະນະປະຈຳກົມການເມືອງ ສູນກາງພັກ, ເລຂາທິການສູນກາງພັກ, ຮອງປະທານປະເທດ ສປ ຈີນ, ຮອງປະທານຄະນະກຳມະການທະຫານສູນກາງພັກ, ຮອງປະທານຄະນະກຳມະການທະຫານສູນກາງແຫ່ງລັດ ສປ ຈີນ ອະທິການບໍດີໂຮງຮຽນພັກສູນກາງພັກກອມມູນິດຈີນ;

- ແຕ່ປີ 2012-2013, ເປັນເລຂາທິການໃຫຍ່ ຄະນະກຳ ມະການສູນກາງພັກກອມມູນິດຈີນ, ປະທານຄະນະກຳມະ ການທະຫານສູນກາງພັກກອມມູນິດຈີນ, ຮອງປະທານປະເທດ ແຫ່ງ ສປ ຈີນ, ຮອງປະທານຄະນະກຳມະການທະຫານສູນ ກາງພັກ ແຫ່ງລັດ ສປ ຈີນ;

- ແຕ່ປີ 2013-ປັດຈຸບັນ, ເປັນເລຂາທິການໃຫຍ່ຄະ ນະກຳມະການສູນກາງພັກກອມມູນິດຈີນ, ປະທານຄະນະກຳ ມະການທະຫານສູນກາງພັກກອມມູນິດຈີນ, ປະທານປະເທດ ແຫ່ງ ສປ ຈີນ, ປະທານຄະນະກຳມະການທະຫານສູນກາງ ແຫ່ງຊາດ ສປ ຈີນ. ສະຫາຍ ສິ ຈິ້ນຜິງ ໄດ້ຖືກເລືອກຕັ້ງເປັນ ກຳມະການສຳ ຮອງສູນກາງສະໄໝທີ 15 ຂອງຄະນະກຳມະການສູນກາງພັກ ກອມມູນິດຈີນ, ເປັນກຳມະການສູນກາງສະໄໝທີ 16,17,18 ແລະ 19 ຂອງຄະນະກຳມະການສູນກາງພັກກອມມູນິດຈີນ, ເປັນກຳມະການກົມການເມືອງສູນກາງ, ກຳມະການຄະນະປະ ຈຳກົມການເມືອງສູນກາງ, ເລຂາທິການຄະນະເລຂາສູນກາງ ສະໄໝທີ 17 ຂອງຄະນະກຳມະການສູນກາງພັກກອມມູນິດ ຈີນ; ເປັນກຳມະການກົມການເມືອງສູນກາງ, ກຳມະການຄະ ນະປະຈຳກົມການເມືອງສູນກາງ, ເລຂາທິການໃຫຍ່ ຄະນະ ກຳມະການສູນກາງພັກກອມມູນິດຈີນ, ໄດ້ຖືກເລືອກຕັ້ງເປັນ ຮອງປະທານປະເທດ ແຫ່ງ ສປ ຈີນ ໃນກອງປະຊຸມຄັ້ງປະຖົມ ມະເລີກຂອງສະພາຜູ້ແທນທົ່ວປະເທດສະໄໝທີ 11, ໄດ້ເລືອກ ຕັ້ງເພີ່ມເຕີມເປັນຮອງປະທານ ຄະນະກຳມະການທະຫານສູນ ກາງພັກໃນກອງປະຊຸມຄົບຄະນະ ຄັ້ງທີ 5 ສະໄໝທີ 17 ຂອງ ພັກກອມມູນິດຈີນ, ໄດ້ຖືກແຕ່ງຕັ້ງເປັນຮອງປະທານຄະນະກຳ ມະການທະຫານສູນກາງຂອງ ສປ ຈີນ ໃນກອງປະຊຸມເທື່ອທີ 17 ຂອງຄະນະກຳມະການປະຈຳສະພາຜູ້ແທນທົ່ວປະເທດ ສະໄໝທີ 11, ໄດ້ຮັບຕຳແໜງເປັນປະທານຄະນະກຳມະການ ທະຫານສູນກາງພັກ ໃນກອງປະຊຸມຄົບຄະນະຄັ້ງທີໜຶ່ງສະ ໄໝທີ 18 ຂອງຄະນະກຳມະການສູນກາງ ພັກກອມມູນິດຈີນ, ໄດ້ເລືອກຕັ້ງເປັນປະທານປະເທດ ແຫ່ງ ສປ ຈີນ ແລະ ປະ ທານຄະນະກຳມະການທະຫານສູນກາງຂອງ ສປ ຈີນ ໃນກອງ ປະຊຸມຄັ້ງປະຖົມມະເລີກຂອງສະພາຜູ້ແທນທົ່ວປະເທດ ສະ ໄໝທີ 12 ໄດ້ຮັບຕຳແໜ່ງເປັນປະທານຄະນະກຳມະການທະ ຫານສູນກາງພັກ ໃນກອງປະຊຸມຄົບຄະນະ ຄັ້ງປະຖົມມະເລີກ ສະໄໝທີ 19 ຂອງຄະນະກຳມະການສູນກາງພັກກອມມູນິດ ຈີນ.