ພາກສ່ວນຕ່າງໆ ວາງກະຕ່າດອກໄມ້ລະນຶກວັນເກີດປະທານສຸພານຸວົງ


...

     ເນື່ອງໃນໂອກາດວັນເກີດ ປະທານ ສຸພານຸວົງ ອະດີດປະ ທານປະເທດ ແລະ ຜູ້ນຳປະຕິ ວັດຮຸ່ນທຳອິດຂອງ ສປປ ລາວ ຄົບຮອບ 108 ປີ (13/7/1909-13/7/2017) ຊຶ່ງໃນຕອນເຊົ້າ ວັນທີ 13 ກໍລະກົດນີ້, ທີ່ອະນຸ ສອນສະຖານປະທານ ສຸພານຸວົງ ສະຫາຍ ໄຊສົມພອນ ພົມວິ ຫານ ກຳມະການກົມການ ເມືອງສູນກາງພັກ, ປະທານ ສູນກາງແນວລາວສ້າງຊາດ ພ້ອມຄະນະໄດ້ເຂົ້າວາງກະຕ່າ ດອກໄມ້ຕໍ່ໜ້າຮູບປັ້ນປະທານ ສຸພານຸວົງ. ນອກນັ້ນ, ຍັງມີຄະ ນະຮັບຜິດຊອບພິພິທະພັນ ໄກສອນ ພົມວິຫານ ນຳໂດຍ ສະຫາຍ ໄຊຍະລາດ ພົງຍາລັກ ຫົວໜ້າຫ້ອງການພ້ອມຄະນະ, ຄະນະຊາວໜຸ່ມ-ເຍົາວະຊົນ 18 ກົມກອງອ້ອມຂ້າງກະຊວງ ຕ່າງໆຕະຫຼອດຮອດເພື່ອນມິດ ສະຫາຍທັງພາຍໃນ ແລະ ຕ່າງ ປະເທດ ກໍໄດ້ນຳເອົາກະຕ່າ ດອກໄມ້ເຂົ້າວາງຕໍ່ໜ້າຮູບປັ້ນ ປະທານ ສຸພານຸວົງ ເພື່ອສະ ແດງຄວາມເຄົາລົບ, ຄວາມ ອາໄລຮັກ, ຄວາມກະຕັນຍູຮູ້ ບຸນຄຸນຕໍ່ປະທານ ສຸພານຸວົງ ທີ່ມີຄຸນງາມຄວາມດີຕໍ່ປະເທດ ຊາດ, ຕໍ່ການປະຕິວັດ ແລະ ຕໍ່ ປະຊາຊົນລາວບັນດາເຜົ່າ ໃນ ພາລະກິດປົດປ່ອຍຊາດ, ປົກ ປັກຮັກສາ ແລະ ສ້າງສາພັດ ທະນາປະເທດຊາດ, ປະທານ ສຸພານຸວົງ ແມ່ນຜູ້ນຳຮຸ່ນອາວຸ ໂສທີ່ສຳຄັນຂອງພັກ ແລະ ລັດ ທີ່ໄດ້ສ້າງຜົນງານ ແລະ ຄຸນ ງາມຄວາມດີອັນໃຫຍ່ຫຼວງ ໃຫ້ແກ່ປະເທດຊາດ ແລະ ປະ ຊາຊົນລາວບັນດາເຜົ່າ, ປະທານ ສຸພານຸວົງ ແມ່ນຜູ້ນຳປະຕິວັດ ມີນ້ຳໃຈເສຍສະຫຼະອັນສູງສົ່ງ, ເດັດດ່ຽວອາດຫານ ແລະ ປີຊາ ສາມາດທີ່ໄດ້ອຸທິດສະຕິປັນຍາ ແລະ ກຳລັງວັງຊາ ເພື່ອຄວາມ ເປັນເອກະລາດ ແລະ ຄວາມ ຮັ່ງມີເຂັ້ມແຂງຂອງປະເທດ ຊາດ, ເພື່ອອິດສະຫຼະພາບ ແລະ ຄວາມຢູ່ເຢັນເປັນສຸກຂອງປະ ຊາຊົນລາວບັນດາເຜົ່າ. (ພາບ-ຂ່າວ: ພູວຽງຄຳ)