ລາວ - ຈີນ ເພີ່ມທະວີການຮ່ວມມືດ້ານວຽກງານປ້ອງກັນຊາດ


...

    

ກະຊວງປ້ອງກັນປະເທດ ແຫ່ງ ສປປ ລາວ ແລະ ກະຊວງປ້ອງກັນປະເທດແຫ່ງ ສປ ຈີນ ໄດ້ ຈັດພິທີພົບປະລະຫວ່າງສອງຝ່າຍຂຶ້ນເມື່ອວັນທີ 13 ກັນຍານີ້ ທີ່ກະຊວງປ້ອງກັນປະເທດ ແຫ່ງ ສປປ ລາວ. ຊຶ່ງຝ່າຍລາວນຳໂດຍສະຫາຍ ພົນໂທ ຈັນສະໝອນ ຈັນຍາລາດ ລັດຖະມົນຕີກະຊວງ ປ້ອງກັນປະເທດ, ສ່ວນຝ່າຍຈີນນຳໂດຍສະຫາຍ ພົນເອກ ສາງວ້ານສວນ ທີ່ປຶກສາແຫ່ງລັດ ລັດຖະມົນຕີກະຊວງປ້ອງກັນປະເທດແຫ່ງ ສປ ຈີນ, ມີບັນດານາຍ ແລະ ພົນທະຫານຂັ້ນສູງຂອງ ທັງສອງຝ່າຍເຂົ້າຮ່ວມ. ໃນພິທີ ສະຫາຍ ພົນໂທ ຈັນສະໝອນ ຈັນຍາລາດ ໄດ້ ກ່າວສະແດງຄວາມຕ້ອນຮັບ ຢ່າງອົບອຸ່ນ ແລະ ຕີລາຄາສູງ ຕໍ່ສະຫາຍ ພົນເອກ ສາງ ວ້ານ ສວນ ພ້ອມຄະນະທີ່ໄດ້ເດີນ ທາງມາຢ້ຽມຢາມ ແລະ ເຮັດ ວຽກຢູ່ ສປປ ລາວ ຢ່າງເປັນ ທາງການ ຊຶ່ງໄດ້ນຳເອົາຄວາມ ສາມັກຄີຮັກແພງອັນສະໜິດ ສະໜົມອົບອຸ່ນໄມຕີຈິດມິດຕະ ພາບອັນດູດດື່ມຖານສະຫາຍ ອ້າຍນ້ອງຈາກກອງທັບ ແລະ ປະຊາຊົນອ້າຍນ້ອງ ແລະ ຈະ ເປັນການປະກອບສ່ວນອັນສຳ ຄັນເຂົ້າໃນການເພີ່ມທະວີຮັດ ແໜ້ນສາຍພົວພັນມິດຕະພາບ ທີ່ເປັນມູນເຊື້ອລະຫວ່າງສອງ ພັກ - ສອງລັດ ສອງກອງທັບ ປະຊາຊົນສອງຊາດໃຫ້ເລິກ ເຊິ່ງເປັນພື້ນຖານອັນແໜ້ນແກ່ນ ໃຫ້ແກ່ການເສີມຂະຫຍາຍ ສາຍພົວພັນມິດຕະພາບໃກ້ ຊິດ ແລະ ຊຸກຍູ້ການຮ່ວມມື ຮອບດ້ານ ລະຫວ່າງສອງພັກ ສອງກອງທັບໃຫ້ຈະເລີນງອກ ງາມ ແລະ ມີປະສິດທິຜົນຍິ່ງໆ ຂຶ້ນ ເພື່ອປົກປັກຮັກສາໝາກ ຜົນຂອງສັງຄົມນິຍົມຂອງພວກ ເຮົາໄວ້ໃຫ້ໝັ້ນຄົງຕະຫຼອດໄປ. ໃນໂອກາດດຽວກັນນີ້, ສະ ຫາຍ ພົນເອກ ສາງ ວ້ານ ສວນ ກໍໄດ້ກ່າວສະແດງຄວາມຂອບ ໃຈຕໍ່ສະຫາຍ ພົນໂທ ຈັນສະ ໝອນ ຈັນຍາລາດ ທີ່ໄດ້ໃຫ້ ການຕ້ອນຮັບຢ່າງອົບອຸ່ນ ຊຶ່ງ ພາຍຫຼັງພິທີພົບປະທັງສອງ ຝ່າຍຍັງໄດ້ມີພິທີລົງນາມເຊັນ ບົດບັນທຶກການຮ່ວມມືລະຫວ່າງ ສອງກະຊວງຕື່ມອີກ. (ຂ່າວ: ນ. ພູວັນ)