ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 31 ທີ່ຟີລິບປິນ


...

    

ທ່ານ ທອງລຸນ ສີສຸລິດ ນາ ຍົກລັດຖະມົນຕີ ພ້ອມດ້ວຍຄະນະໄດ້ເຂົ້າຮ່ວມພິທີເປີດ ກອງປະຊຸມສຸດຍອດອາຊຽນ ຄັ້ງທີ 31 ຈັດຂຶ້ນໃນວັນທີ 13 ພະຈິກ ທີ່ປະເທດຟີລິບປິນ ພາຍ ໃຕ້ຄຳຂວັນ: "ຮ່ວມມື ເພື່ອການປ່ຽນແປງ, ຜູກພັນກັບສາກົນ" ໂດຍການເປັນເຈົ້າພາບ ແລະ ປະທານຂອງຟີລິບປິນ ຊຶ່ງມີ ບັນດາປະມຸກລັດ ຫົວໜ້າລັດ ຖະບານປະເທດອາຊຽນ, ລັດ ຖະມົນຕີຕ່າງປະເທດອາຊຽນ ແລະ ແຂກຖືກເຊີນເຂົ້າຮ່ວມ. ພາຍຫຼັງພິທີເປີດກອງປະ ຊຸມສຸດຍອດອາຊຽນ ຄັ້ງທີ 31, ທ່ານນາຍົກລັດຖະມົນຕີ ພ້ອມດ້ວຍຄະນະກໍໄດ້ສືບຕໍ່ ເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 31 ແບບຄົບຄະ ນະ ຊຶ່ງຜູ້ນຳອາຊຽນໄດ້ປຶກສາ ຫາລື ແລະ ທົບທວນຄືນກ່ຽວ ກັບການຈັດຕັ້ງປະຕິບັດວິໄສ ທັດປະຊາຄົມອາຊຽນ 2025 ກໍຄືບັນດາແຜນແມ່ບົດ ສຳລັບ ສາມເສົາຄ້ຳປະຊາຄົມອາຊຽນ ແລະ ທິດທາງໃນຕໍ່ໜ້າ ເພື່ອ ຮັດແໜ້ນປະຊາຄົມອາຊຽນ ໂດຍໄດ້ຊຸກຍູ້ໃຫ້ທຸກຂະແໜງ ການອາຊຽນ ສືບຕໍ່ຈັດຕັັ້ງປະຕິ ບັດບັນດາແຜນແມ່ບົດ ແລະ ແຜນວຽກຂອງຕົນໃຫ້ສຳເລັດ ແລະ ມີປະສິດທິພາບ ເພື່ອປະ ກອບສ່ວນເຂົ້າໃນການຈັດຕັ້ງ ປະຕິບັດວິໄສທັດປະຊາຄົມ ອາຊຽນ 2025. ໃນໂອກາດກ່າວຕໍ່ກອງປະ ຊຸມຄັ້ງນີ້, ທ່ານນາຍົກ ທອງລຸນ ສີສຸລິດ ໄດ້ຢ້ຳເຖິງຜົນສຳເລັດ ຂອງອາຊຽນ ໃນໄລຍະ 50 ປີ ຜ່ານມາ, ການຮັດແໜ້ນຄວາມ ເປັນແກນກາງຂອງອາຊຽນ ແລະ ການສົ່ງເສີມການເຂົ້າ ເຖິງແຫຼ່ງທຶນຂອງຈຸນລະທຸລະ ກິດ, ທຸລະກິດຂະໜາດນ້ອຍ ແລະ ກາງ - ການຮັດແຄບ ຄວາມແຕກໂຕນດ້ານການ ພັດທະນາ, ການເຊື່ອມຈອດ ອາຊຽນ ໂດຍຜ່ານການຈັດຕັ້ງ ປະຕິບັດແຜນວຽກຂໍ້ລິເລີ່ມ ເພື່ອການເຊື່ອມໂຍງອາຊຽນ ສະບັບທີ 3 ແລະ ຈັດຕັ້ງແຜນ ແມ່ບົດ ເພື່ອການເຊື່ອມຈອດ ອາຊຽນ 2025. ນອກນີ້ ກອງປະຊຸມຍັງໄດ້ ແລກປ່ຽນຄຳຄິດຄຳເຫັນກ່ຽວ ກັບການຮ່ວມມືອາຊຽນກັບ ພາຍນອກ ແລະ ບັນຫາພາກ ພື້ນ ແລະ ສາກົນທີ່ມີຄວາມສົນ ໃຈຮ່ວມກັນ, ເປັນຕົ້ນແມ່ນສະ ພາບການຢູ່ຕາເວັນອອກກາງ, ແຫຼມເກົາຫຼີ, ການກໍ່ການຮ້າຍ, ວິກິດການຊາວອົບພະຍົບ, ທະ ເລຈີນໃຕ້ ແລະ ອື່ນໆ. ກອງປະຊຸມໄດ້ແຕ່ງຕັ້ງທ່ານ ດາໂຕ ປາດຸກາ ລິມຈອກ ຮອຍ ຈາກ ບຣູໄນ ດາຣູສະລາມ ເປັນເລ ຂາທິການໃຫຍ່ອາຊຽນຄົນຕໍ່ ໄປ ສຳລັບປີ 2018 - 2022. ໃນຕອນບ່າຍຂອງວັນດຽວ ກັນ, ທ່ານນາຍົກລັດຖະມົນຕີ ທອງລຸນ ສີສຸລິດ ກໍໄດ້ນຳພາ ຄະນະຜູ້ແທນລາວເຂົ້າຮ່ວມ ກອງປະຊຸມສຸດຍອດຕ່າງໆລະ ຫວ່າງອາຊຽນ ກັບ ບັນດາຄູ່ເຈ ລະຈາເຊັ່ນ: ກອງປະຊຸມສຸດ ຍອດອາຊຽນ - ຈີນ ຄັ້ງທີ 20, ກອງປະຊຸມສຸດຍອດສະເຫຼີມ ສະຫຼອງການພົວພັນອາຊຽນ - ສະຫະລັດ ຄົບຮອບ 40 ປີ, ກອງປະຊຸມສຸດຍອດອາຊຽນ - ສ.ເກົາຫຼີ ຄັ້ງທີ 19, ກອງປະ ຊຸມສຸດຍອດອາຊຽນ - ຍີ່ປຸ່ນ ຄັ້ງທີ 20 ແລະ ກອງປະຊຸມສຸດ ຍອດອາຊຽນ - ສະຫະປະຊາ ຊາດ ຄັ້ງທີ 9. ກອງປະຊຸມສຸດຍອດອາ ຊຽນ - ຈີນ ຄັ້ງທີ 20 ໄດ້ເຫັນດີ ໃຫ້ເພີ່ມທະວີການຮ່ວມມືໃນ ດ້ານຕ່າງໆ ເພື່ອຮັດແໜ້ນການ ພົວພັນອາຊຽນ - ຈີນໃຫ້ນັບມື້ ຂະຫຍາຍຕົວຍິ່ງຂຶ້ນ, ເປັນຕົ້ນ ແມ່ນຈັດຕັ້ງຜັນຂະຫຍາຍສັນ ຍາການຄ້າເສລີອາຊຽນ - ຈີນ ຢ່າງເຕັມສ່ວນແນໃສ່ປະກອບ ສ່ວນເຮັດໃຫ້ບັນລຸເປົ້າໝາຍ ການຄ້າອາຊຽນ-ຈີນ ມູນຄ່າ 1.000 ຕື້ໂດລາ ໃນປີ 2020, ເສີມຂະຫຍາຍການຮ່ວມມື ດ້ານການເຊື່ອມຈອດໂດຍ ການເຊື່ອມສານລະຫວ່າງຂໍ້ ລິເລີ່ມໜຶ່ງແລວທາງ ໜຶ່ງເສັ້ນ ທາງ ຂອງ ສປ ຈີນ ແລະ ແຜນ ແມ່ບົດວ່າດ້ວຍການເຊື່ອມ ຈອດ 2025, ສົ່ງເສີມການທ່ອງ ທ່ຽວ ແລະ ການໄປມາຫາສູ່ ລະຫວ່າງປະຊາຊົນ ບັນດາຜູ້ ນຳອາຊຽນ-ຈີນ ໄດ້ຕົກລົງຫຼາຍ ບັນຫາສຳຄັນຄື: 1. ກຳນົດເອົາ ຂົງເຂດນະວັດຕະກຳເປັນຫົວ ຂໍ້ຈຸດສຸມການຮ່ວມມືອາຊຽນ -ຈີນ ໃນປີ 2018, 2. ເຫັນດີ ຮ່າງວິໄສທັດການເປັນຄູ່ຮ່ວມ ຍຸດທະສາດອາຊຽນ-ຈີນ ຮອດປີ 2030 ແລະ 3. ປະ ກາດເລີ່ມການປຶກສາຫາລື ກ່ຽວກັບກົດແຫ່ງການປະພຶດ ຂອງບັນດາຝ່າຍໃນທະເລຈີນ ໃຕ້ ຢ່າງເປັນທາງການ. ນອກ ນັ້ນ, ກໍໄດ້ຕົກລົງຮັບຮອງເອົາ ຫຼາຍເອກະສານເຊັ່ນ: 1. ຖະ ແຫຼງການຮ່ວມອາຊຽນ-ຈີນ ວ່າດ້ວຍການຮ່ວມມືດ້ານການ ທ່ອງທ່ຽວ ແລະ 2. ຖະແຫຼງ ການຮ່ວມອາຊຽນ-ຈີນ ວ່າດ້ວຍ ການຮັດແໜ້ນການຮ່ວມມື ດ້ານການຕ້ານການສໍ້ລາດບັງ ຫຼວງແບບຮອບດ້ານ. ໃນກອງປະຊຸມສຸດຍອດ ສະເຫຼີມສະຫຼອງການພົວພັນ ອາຊຽນ-ສະຫະລັດ ຄົບຮອບ 40 ປີ, ຜູ້ນຳອາຊຽນ ແລະ ສະ ຫະລັດ ໄດ້ຢືນຢັນຄືນຄວາມ ໝາຍໝັ້ນທີ່ຈະສືບຕໍ່ຮັດແໜ້ນ ການຮ່ວມມືໃນຂົງເຂດຕ່າງໆ ທີ່ມີຜົນປະໂຫຍດຮ່ວມກັນ ເປັນຕົ້ນດ້ານຄວາມໝັ້ນຄົງ, ການຄ້າ, ການສຶກສາ, ການ ແລກປ່ຽນຊາວໜຸ່ມ ແລະ ອື່ນໆ ອາຊຽນໄດ້ສະແດງຄວາມຍິນ ດີທີ່ເຫັນວ່າສະຫະລັດພາຍໃຕ້ ລັດຖະບານໃໝ່ ຍັງສືບຕໍ່ໃຫ້ ຄວາມສຳຄັນຕໍ່ການພົວພັນອາ ຊຽນ-ສະຫະລັດ ແລະ ຖືອາ ຊຽນເປັນບຸລິມະສິດໃນນະໂຍ ບາຍການຕ່າງປະເທດຂອງຕົນ ໃນໂອກາດນີ້, ຜູ້ນຳອາຊຽນ ແລະ ສະຫະລັດ ກໍໄດ້ຮັບຮອງ ເອົາຖະແຫຼງການຮ່ວມວ່າດ້ວຍ ກອງປະຊຸມສຸດຍອດສະເຫຼີມ ສະຫຼອງການພົວພັນອາຊຽນ-ສະຫະລັດ ຄົບຮອບ 40 ປີ. ກອງປະຊຸມສຸດຍອດອາ ຊຽນ-ສ. ເກົາຫຼີ ຄັ້ງທີ 19 ໄດ້ ສະແດງຄວາມຍິນດີຕໍ່ຄວາມ ຄືບໜ້າຂອງການຮ່ວມມືອາ ຊຽນ-ສ.ເກົາຫຼີ ໃນໄລຍະ 1 ປີ ຜ່ານມາ ລວມທັງການຈັດຕັ້ງ ປະຕິບັດປີແລກປ່ຽນວັດທະນະ ທຳອາຊຽນ-ສ. ເກົາຫຼີ ໃນປີ 2017 ແລະ ການສ້າງຕັ້ງສູນ ວັດທະນະທຳອາຊຽນ ຢູ່ແຂວງ ບູຊານ, ສ. ເກົາຫຼີ ຊຶ່ງໄດ້ເປີດ ໂຕຢ່າງເປັນທາງການໃນເດືອນ ກັນຍາ 2017 ຜ່ານມານີ້ແນໃສ່ ສົ່ງເສີມການແລກປ່ຽນດ້ານ ວັດທະນະທຳ, ຍົກສູງຄວາມ ຮັບຮູ້ ແລະ ຄວາມເຂົ້າອົກເຂົ້າ ໃຈ ແລະ ການໄປມາຫາສູ່ກັນ ລະຫວ່າງປະຊາຊົນ ຂອງສອງ ພາກພື້ນໃຫ້ນັບມື້ນັບຫຼາຍ ຍິ່ງຂຶ້ນ. ບັນດາຜູ້ນຳຍັງໄດ້ຕີລາ ຄາສູງຕໍ່ການຮ່ວມມືດ້ານການ ຄ້າ ແລະ ການລົງທຶນ ລະຫວ່າງ ອາຊຽນ ແລະ ສ ເກົາຫຼີ ແລະ ໄດ້ຢ້ຳເຖິງຄວາມສຳຄັນໃນ ການຮ່ວມມືລະຫວ່າງພາກທຸ ລະກິດໂດຍສະເພາະແມ່ນຈຸນ ລະວິສາຫະກິດ ແລະ ວິສາຫະ ກິດ ຂະໜາດນ້ອຍ ແລະ ກາງ ລວມທັງການສ້າງຂີດຄວາມ ສາມາດໃຫ້ແກ່ພາກທຸລະກິດ ຂອງອາຊຽນ, ການຮ່ວມມືເພື່ອ ຮັດແຄບຄວາມແຕກໂຕນດ້ານ ການພັດທະນາ, ການເຊື່ອມ ຈອດ ແລະ ອື່ນໆ. ໃນກອງປະຊຸມສຸດຍອດ ອາຊຽນ-ຍີ່ປຸ່ນ ຄັ້ງທີ 20, ບັນ ດາຜູ້ນຳອາຊຽນ ແລະ ຍີ່ປຸ່ນ ໄດ້ຢ້ຳຄືນຄວາມໝາຍໝັ້ນທີ່ ຈະເພີ່ມທະວີການຮ່ວມມືໃນ ດ້ານການເຊື່ອມຈອດ, ການຮັດ ແຄບຄວາມແຕກໂຕນດ້ານ ການພັດທະນາ, ການສ້າງຂີດ ຄວາມສາມາດ ແລະ ພັດທະ ນາຊັບພະຍາກອນມະນຸດ, ການແລກປ່ຽນຊາວໜຸ່ມ, ວຽກ ງານສາທາລະນະສຸກ, ການ ບັນເທົາທຸກໄພພິບັດ ແລະ ອື່ນໆ ກອງປະຊຸມຍັງໄດ້ສະແດງ ຄວາມຍິນດີຕໍ່ຂໍ້ລິເລີ່ມຂອງຍີ່ ປຸ່ນທີ່ຈະເພີ່ມທະວີການຮ່ວມມື ກັບອາຊຽນໃນດ້ານການພັດ ທະນາພື້ນຖານໂຄງລ່າງທີ່ມີ ຄຸນນະພາບ, ການສ້າງຄວາມ ເຂັ້ມແຂງໃຫ້ແກ່ແມ່ຍິງ, ດ້ານ ສິ່ງແວດລ້ອມ, ວຽກງານສາທາ ລະນະສຸກ, ການພັດທະນາວິ ສາຫະກິດຂະໜາດນ້ອຍ ແລະ ກາງ ແລະ ຂົງເຂດອື່ນໆ. ກອງປະຊຸມສຸດຍອດອາ ຊຽນ-ສະຫະປະຊາຊາດ (ສປຊ) ຄັ້ງທີ 9 ໄດ້ສະແດງ ຄວາມໝາຍໝັ້ນໃນການສືບຕໍ່ ຮັດແໜ້ນການຮ່ວມມື ລະຫວ່າງ ອາຊຽນ-ສປຊ, ແນໃສ່ສົ່ງເສີມ ສັນຕິພາບ, ສະຖຽນລະພາບ ແລະ ການຮ່ວມມືເພື່ອການ ພັດທະນາໃນພາກພື້ນ ແລະ ໃນໂລກ. ກອງປະຊຸມໄດ້ເຫັນ ດີໃຫ້ເພີ່ມທະວີການປະສານ ງານລະຫວ່າງສອງກອງເລຂາ ຢ່າງໃກ້ຊິດ ແລະ ເປັນລະບົບ ຂຶ້ນຕື່ມ ເພື່ອຮັບປະກັນໃຫ້ການ ຈັດຕັ້ງຜັນຂະຫຍາຍວິໄສທັດ ປະຊາຄົມອາຊຽນ 2025 ແລະ ວາລະ 2030 ເພື່ອການພັດທະ ນາແບບຍືນຍົງມີຄວາມກົມ ກຽວກັນ ແລະ ເພີ່ມເສີມໃຫ້ແກ່ ກັນ ແລະ ກັນ. ພ້ອມນັ້ນ,ກອງ ປະຊຸມຍັງໄດ້ແລກປ່ຽນຄວາມ ຄິດເຫັນຕໍ່ບັນດາເຫດການ ທີ່ກຳລັງເກີດຂຶ້ນ ໃນພາກພື້ນ ແລະ ໃນໂລກ ທີ່ມີຄວາມສົນ ໃຈ ແລະ ເປັນຫ່ວງຮ່ວມກັນ. ນອກນັ້ນ, ທ່ານນາຍົກ ລັດຖະມົນຕີ ທອງລຸນ ສີສຸລິດ ຍັງໄດ້ເຂົ້າຮ່ວມກອງປະຊຸມ ພົບປະ ລະຫວ່າງຜູ້ນຳອາຊຽນ ບວກສາມ ແລະ ສະພາທຸລະ ກິດອາຊີຕາເວັນອອກ, ໂດຍ ກອງປະຊຸມໄດ້ຮັບຟັງຂໍ້ສະ ເໜີຂອງຕົວແທນພາກທຸລະ ກິດຈາກບັນດາປະເທດອາ ຊຽນບວກສາມ ກ່ຽວກັບ ການ ເພີ່ມທະວີການມີສ່ວນຮ່ວມ ຂອງພາກທຸລະກິດໃນຂະບວນ ການເຊື່ອມໂຍງເສດຖະກິດ ພາກພື້ນ ໂດຍສະເພາະແມ່ນ ໃນຂະບວນການເຈລະຈາສັນ ຍາການເປັນຄູ່ຮ່ວມເສດຖະ ກິດແບບຮອບດ້ານລະດັບ ພາກພື້ນ ຫຼື ເອີ້ນວ່າ "RCEP". ໃນໂອກາດເຂົ້າຮ່ວມ ກອງປະຊຸມຄັ້ງນີ້ ທ່ານນາຍົກ ລັດຖະມົນຕີ ຍັງໄດ້ພົບປະຫາ ລືການພົວພັນຮ່ວມມືສອງ ຝ່າຍກັບຄູ່ຮ່ວມຕຳແໜ່ງຄື: ໃນວັນທີ 12 ພະຈິກ 2017, ໄດ້ພົບປະກັບທ່ານ ສົມເດັດ ຮຸນແຊນ ນາຍົກລັດຖະມົນຕີ ແຫ່ງລາຊະອານະຈັກ ກຳປູເຈຍ ແລະ ທ່ານ ດີມີຕຣີ ເມັດເວ ເດັບ ນາຍົກລັດຖະມົນຕີແຫ່ງ ສະຫະພັນຣັດເຊຍ ແລະ ໃນ ວັນທີ 13 ພະຈິກ 2017 ໄດ້ ພົບປະຫາລືແບບບໍ່ເປັນທາງ ການກັບທ່ານ ຫງວຽນ ຊວນ ຟຸກ ນາຍົກລົດຖະມົນຕີແຫ່ງ ສສ ຫວຽດນາມ ແລະ ທ່ານ ແອນໂຕນີໂອ ກູເຕີເຣັດສ໌ ເລ ຂາທິການໃຫຍ່ອົງການສະຫະ ປະຊາຊາດ ຊຶ່ງສອງຝ່າຍໄດ້ ແລກປ່ຽນຄຳຄິດຄຳເຫັນກ່ຽວ ກັບການເຊື່ອມສານ ລະຫວ່າງ ວິໄສທັດອາຊຽນ 2025 ກັບ ວາລະການພັດທະນາແບບຍືນ ຍົງ 2030 ແລະ ບັນຫາພາກ ພື້ນ ແລະ ສາກົນ ທີ່ຕ່າງຝ່າຍ ຕ່າງມີຄວາມສົນໃຈຮ່ວມກັນ.