ປະທານ ສນຊ ຊຸກຍູ້ການພັດທະນາຢູ່ເມືອງສັງທອງ


...

    

ທ່ານ ໄຊສົມພອນ ພົມວິຫານ ກຳມະການກົມການເມືອງ ສູນກາງພັກ ປະທານສູນກາງແນວລາວສ້າງຊາດ ພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງສັງທອງ ນະຄອນຫຼວງວຽງຈັນ ຊຶ່ງມີທ່ານ ຄຳມູນ ຕຽງທະລາດ ເລຂາພັກເມືອງ ເຈົ້າເມືອງສັງ ທອງ, ມີປະທານແນວລາວ ສ້າງຊາດເມືອງ-ບ້ານ, ປະຊາ ຊົນ ພ້ອມດ້ວຍພາກສ່ວນທີ່ ກ່ຽວຂ້ອງເຂົ້າຮ່ວມໃຫ້ການ ຕ້ອນຮັບຢ່າງອົບອຸ່ນ ໃນວັນທີ 11 ພະຈິກຜ່ານມານີ້ ທີ່ສະໂມ ສອນເມືອງ.
ການເຄື່ອນໄຫວຢ້ຽມຢາມ ຄັ້ງນີ້ ທ່ານປະທານ ສນຊ ໄດ້ ຮັບຟັງການລາຍງານກ່ຽວກັບ ບົດຮຽນ ໃນການຄຸ້ມຄອງບໍລິ ຫານຂອງກຸ່ມທ້ອນເງິນສະຫະ ພັນແມ່ຍິງບ້ານສະໜອດເມືອງ ສັງທອງຈາກທ່ານປະທານສະ ຫະພັນແມ່ຍິງບ້ານ ຊຶ່ງໄດ້ຍົກ ໃຫ້ເຫັນວ່າກອງທຶນດັ່ງກ່າວ ໄດ້ສ້າງຕັ້ງຂຶ້ນໃນປີ 2002 ໂດຍການຊີ້ນຳໆພາຂອງສູນ ກາງສະຫະພັນແມ່ຍິງລາວ ຊຶ່ງ ເລີ່ມຕົ້ນມີສະມາຊິກພຽງແຕ່ 69 ຄົນ, ແຕ່ມາຮອດປັດຈຸບັນ ມີສະມາຊິກ 448 ຄົນ, ມີເງິນ ໝູນວຽນທັງໝົດ 2 ຕື້ກວ່າກີບ. ຈາກນັ້ນ ທ່ານປະທານ ສນຊ ຍັງໄດ້ຢ້ຽມຢາມບ້ານໃຫຍ່ນາ ຈະເລີນ ໄດ້ຮັບຟັງການລາຍ ງານສະພາບລວມການຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມໃນໄລຍະຜ່ານ ມາ ແລະ ທິດທາງແຜນການສູ້ ຊົນໃນຕໍ່ໜ້າຂອງເມືອງສັງທອງ ຈາກທ່ານເຈົ້າເມືອງ ຊຶ່ງທ່ານ ໃຫ້ຮູ້ວ່າ: ເມືອງສັງທອງຖືເອົາ ວຽກງານເສດຖະກິດ ໃນການ ແກ້ໄຂຄວາມທຸກຍາກຂອງປະ ຊາຊົນເປັນບັນຫາສຳຄັນ ແລະ ເປັນບຸລິມະສິດອັນດັບໜຶ່ງຂອງ ເມືອງ ຈຶ່ງໄດ້ກຳນົດເອົາວຽກ ງານກະສິກຳເປັນທ່າແຮງ ໂດຍ ຕິດພັນກັບການທ່ອງທ່ຽວ ເພື່ອ ຍູ້ແຮງການພັດທະນາ-ເສດຖະ ກິດສັງຄົມຕາມກົນໄກເສດຖະ ກິດຕະຫຼາດ. ພ້ອມນັ້ນ ຍັງໄດ້ ຮັບຟັງກ່ຽວກັບການປະຕິບັດ ໂຄງການສ້າງຄອບຄົວ ແລະ ບ້ານສາມັກຄີປອງດອງ ຕິດພັນ ກັບການແກ້ໄຂຄວາມທຸກຍາກ ຂອງປະຊາຊົນຕື່ມອີກ.
ໂອກາດດັ່ງກ່າວ, ທ່ານ ປະທານ ສນຊ ໄດ້ສະແດງ ຄວາມຊົມເຊີຍຕໍ່ກັບຜົນສຳ ເລັດທີ່ອົງການປົກຄອງເມືອງ ແລະ ອົງການປົກຄອງບ້ານ ສາມາດຍາດໄດ້ຜົນສຳເລັດ ອັນໃຫຍ່ຫຼວງ ສະແດງອອກໃນ ການພັດທະນາພື້ນຖານໂຄງ ລ່າງມີເສັ້ນທາງໄປມາ, ປະຊາ ຊົນຢູ່ດີກິນດີ ຍ້ອງຍໍຊົມເຊີຍ ບ້ານໃຫຍ່ນາຈະເລີນທີ່ມີມູນ ເຊື້ອຮັກຊາດ, ສາມັກຄີຮັກ ແພງ, ມີຄວາມດຸໝັ່ນ, ບຸກບືນ ນີ້ແມ່ນມູນເຊື້ອທີ່ມີມາແຕ່ດົນ ນານ ແລະ ດ້ວຍຄວາມຮັບຜິດ ຊອບຂອງປະຊາຊົນ ຈຶ່ງເຮັດ ໃຫ້ບ້ານດັ່ງກ່າວໄດ້ຮັບນາມ ມະຍົດເປັນບ້ານສາມສ້າງ ແຕ່ ເຖິງຢ່າງໃດກໍດີ ເມືອງຍັງຕ້ອງ ໄດ້ເອົາໃຈໃສ່ແກ້ໄຂວຽກງານ ບາງດ້ານ ເປັນຕົ້ນອົງການປົກ ຄອງເມືອງ, ຄະນະກຳມະການ ແນວລາວສ້າງຊາດເມືອງ, ບ້ານ ແລະ ພາກສ່ວນທີ່ກ່ຽວ ຂ້ອງ ຈົ່ງເພີ່ມທະວີກ້ອນກຳລັງ ມະຫາສາມັກຄີທຸກຊົນເຜົ່າ, ຊັ້ນຄົນ, ສາສະໜາ, ເພດ, ໄວໃຫ້ໜັກແໜ້ນເຂັ້ມແຂງ, ຄຽງຄູ່ກັນນັ້ນ ຕ້ອງຮັບປະກັນ ສະຖຽນລະພາບທາງດ້ານການ ເມືອງ, ຄວາມສະຫງົບສຸກຂອງ ສັງຄົມ ກໍຄືບ້ານ, ເອົາໃຈໃສ່ ວຽກງານປ້ອງກັນຊາດ-ປ້ອງ ກັນຄວາມສະຫງົບ ໃນການ ແກ້ໄຂປາກົດການຫຍໍ້ທໍ້ຕ່າງໆ ໃນສັງຄົມ. ພ້ອມກັນນີ້ ທ່ານຍັງ ໄດ້ຮຽກຮ້ອງໃຫ້ເອົາໃຈໃສ່ໃນ ການພັດທະນາທ້ອງຖິ່ນ ໂດຍ ສະເພາະການສຸມໃສ່ວຽກງານ ການຜະລິດຕາມທ່າແຮງບົ່ມ ຊ້ອນ, ເອົາໃຈໃສ່ສົ່ງເສີມການ ສຶກສາຢູ່ຂັ້ນບ້ານໃຫ້ມີຄຸນນະ ພາບ, ໂຄສະນາປຸກລະດົມ, ເຕົ້າໂຮມຄວາມສາມັກຄີຂອງ ປະຊາຊົນ, ເສີມຂະຫຍາຍສິດ ເປັນເຈົ້າຂອງປະຊາຊົນ ໃນ ການປະຕິບັດແນວທາງນະໂຍ ບາຍຂອງພັກ ແລະ ແຜນພັດ ທະນາເສດຖະກິດ-ສັງຄົມຂອງ ລັດ, ເອົາໃຈໃສ່ຫັນລົງຮາກ ຖານທ້ອງຖິ່ນ ຕິດພັນກັບວຽກ ງານສາມສ້າງຕາມ 4 ເນື້ອໃນ 4 ຄາດໝາຍ, ສືບຕໍ່ຮັກສາມູນ ເຊື້ອດຸໝັ່ນ, ຂະຫຍັນທຳການ ຜະລິດ, ປຸກລະດົມຂົນຂວາຍ ສ້າງກອງທຶນພັດທະນາຂັ້ນ ບ້ານໃຫ້ເກີດດອກອອກຜົນ, ສົ່ງເສີມການຜະລິດໃຫ້ກາຍ ເປັນສິນຄ້າ ແລະ ແກ້ໄຂຄວາມ ທຸກຍາກຂອງພໍ່ແມ່ປະຊາຊົນ ຕາມແນວທາງນະໂຍບາຍ ຂອງພັກ-ລັດວາງໄວ້, ຄຽງຄູ່ ກັນນັ້ນ ຕ້ອງເອົາໃຈໃສ່ປະຕິ ບັດຄຳຂວັນ 6 ສ ຂອງນະ ຄອນຫຼວງວາງອອກ ໃຫ້ປະກົດ ຜົນເປັນຈິງ. ພ້ອມກັນມີສະຕິ ລະວັງຕົວຕໍ່ພວກອິດທິກຳລັງ ປໍລະປັກທີ່ສວຍໃຊ້ສາສະໜາ ແລະ ຊົນເຜົ່າ ເພື່ອຫາຜົນປະ ໂຫຍດ ແລະ ຫວັງມ້າງເພທຳ ລາຍລະບອບໃໝ່ພວກເຮົາ.
ໂອກາດນີ້ ທ່ານປະທານ ສນຊ ຍັງໄດ້ມອບຄອມພິວເຕີ ໃຫ້ແນວລາວສ້າງຊາດເມືອງ, ບ້ານໃຫຍ່ນາຈະເລີນ ແລະ ໄດ້ ຢ້ຽມຢາມຄອບຄົວຕົວແບບ ຂອງບ້ານໃຫຍ່ນາຈະເລີນຕື່ມອີກ.
(ຂ່າວ: ສນຊ)