ໜຶ່ງແລວທາງ ໜຶ່ງເສັ້ນທາງໂອກາດ ທີ່ລາວເຊື່ອມຈອດກັບພາກພື້ນ


...

    ຂໍ້ລິເລີ່ມໜຶ່ງແລວທາງໜຶ່ງ ເສັ້ນທາງ ເປັນໂອກາດການ ຮ່ວມມື, ການເຊື່ອມຈອດດ້ານ ເສດຖະກິດ, ການຄ້າ-ການລົງ ທຶນ ລວມທັງການຄົມມະນາຄົມ ໃນພາກພື້ນ ແລະ ສາກົນ ຊຶ່ງ ສປປ ລາວ ກໍໄດ້ຜົນປະໂຫຍດ ຈາກຂໍ້ລິເລີ່ມດັ່ງກ່າວ ໂດຍສະ ເພາະແມ່ນໂຄງການທາງລົດ ໄຟລາວ-ຈີນ ຊຶ່ງສອດຄ່ອງກັບ ຍຸດທະສາດການຫັນປະເທດ ທີ່ບໍ່ມີທາງອອກສູ່ທະເລເປັນ ປະເທດເຊື່ອມຈອດກັບບັນດາ ປະເທດໃກ້ຄຽງ. ຈາກຄວາມໝາຍ ແລະ ຄວາມ ສຳຄັນນີ້ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ໃຫ້ສຳພາດຕໍ່ສື່ມວນ ຊົນ ສປ ຈີນ ເມື່ອວັນທີ 11 ພຶດສະພາຜ່ານມານີ້ ທີ່ທຳນຽບ ປະທານປະເທດວ່າ: ໃນຍຸກ ແຫ່ງໂລກາພິວັດ ແລະ ການ ເຊື່ອມໂຍງກັນທີ່ເຕັມໄປດ້ວຍ ກາລະໂອກາດ ແລະ ສິ່ງທ້າ ທາຍ, ອາດຈະບໍ່ມີປະເທດໃດ ຈະສາມາດແກ້ໄຂບັນຫາຕ່າງໆ ໄດ້ໂດຍລຳພັງ, ການຮ່ວມມື ກັນທີ່ຕ່າງຝ່າຍຕ່າງມີຜົນປະ ໂຫຍດແມ່ນຄວາມເປັນຈິງຂອງ ຍຸກສະໄໝ. ຂໍ້ລິເລີ່ມໜຶ່ງແລວ ທາງໜຶ່ງເສັ້ນທາງ ໂດຍທ່ານປະ ທານ ສີຈິ້ນຜິງ ໃນປີ 2013 ນີ້ ຈຶ່ງ ເປັນຂໍ້ລິເລີ່ມທີ່ຖືກກັບກາລະ ເວລາ ແລະ ກາລະໂອກາດແຫ່ງ ການສົ່ງເສີມການຮ່ວມມືກັນ ຜ່ານການເຊື່ອມຈອດດ້ານພື້ນ ຖານໂຄງລ່າງ, ດ້ານເສດ ຖະ ກິດ, ການຄ້າ, ການລົງທຶນ ແລະ ການເຊື່ອມຈອດລະຫວ່າງປະ ຊາຊົນກັບປະຊາຊົນ. - ຂໍ້ລິເລີ່ມດັ່ງກ່າວນີ້ ຈະ ເພີ່ມຄວາມໃກ້ຊິດສະໜິດແໜ້ນ ແລະ ເຊື່ອມຈອດທັງໃນ ແລະ ລະຫວ່າງພາກພື້ນ, ຈະເປີດ ໂອກາດໃຫ້ບັນດາປະເທດກຳ ລັງພັດທະນາ, ໃນນັ້ນກໍມີ ສປປ ລາວ ສາມາດປັບປຸງພື້ນຖານ ໂຄງລ່າງ ໂດຍນຳໃຊ້ທ່າແຮງ ແລະ ແຫຼ່ງທຶນຈາກຂໍ້ລິເລີ່ມ ຂອງ ສປ ຈີນ ເຊັ່ນ: ກອງທຶນ ເສັ້ນທາງສາຍໄໝ, ທະນາຄານ ເພື່ອການລົງທຶນພື້ນຖານໂຄງ ລ່າງອາຊີ ແລະ ອື່ນໆ. - ຂ້າພະເຈົ້າຕີລາຄາສູງ ຕໍ່ຜົນສຳເລັດເບື້ອງຕົ້ນ ຂໍ້ລິ ເລີ່ມ "ໜຶ່ງແລວທາງ ໜຶ່ງເສັ້ນທາງ" ອັນສະແດງອອກໃຫ້ເຫັນແຈ້ງ ມາເຖິງປັດຈຸບັນ ມີຫຼາຍກວ່າ 60 ປະເທດຈາກທະວີບອາຊີ ແລະ ເອີຣົບ ເຂົ້າຮ່ວມສະໜັບ ສະໜູນຂໍ້ລິເລີ່ມນີ້ ແລະ ຂ້າພະ ເຈົ້າເຊື່ອໝັ້ນວ່າ ຂໍ້ລິເລີ່ມ "ໜຶ່ງ ແລວທາງ ໜຶ່ງເສັ້ນທາງ" ຈະນຳ ເອົາຜົນປະໂຫຍດມາໃຫ້ປະ ຊາຊົນຂອງບັນດາປະເທດທີ່ ເຂົ້າຮ່ວມ ລວມທັງ ສປປ ລາວ ຢ່າງແທ້ຈິງ. ທ່ານປະທານປະເທດ ກ່າວອີກວ່າ: ຕະຫຼອດໄລຍະ 3 ປີຜ່ານມາຂໍ້ລິເລີ່ມ "ໜຶ່ງແລວ ທາງ ໜຶ່ງເສັ້ນທາງ" ໄດ້ປະ ກອບສ່ວນເຂົ້າໃນການພັດທະ ນາເສດຖະກິດ - ສັງຄົມ ຂອງ ສປປ ລາວເຮົາ ໂດຍສະເພາະ ໂຄງການທາງລົດໄຟ ລາວ - ຈີນ ແຕ່ນະຄອນຫຼວງວຽງຈັນ ຫາຄຸນໝິງ ຊຶ່ງສອດຄ່ອງກັບ ຍຸດທະສາດການຫັນປະເທດ ທີ່ບໍ່ມີທາງອອກສູ່ທະເລ ເປັນ ປະເທດເຊື່ອມຈອດກັບປະ ເທດໃກ້ຄຽງ ແລະ ພາກພື້ນ ຂອງ ສປປ ລາວ. - ປັດຈຸບັນ ການຮ່າງ ແຜນແມ່ບົດກ່ຽວກັບການຊຸກ ຍູ້ການຮ່ວມມືກໍ່ສ້າງ "ໜຶ່ງແລວ ທາງ ໜຶ່ງເສັ້ນທາງ" ລະຫວ່າງ ສປປ ລາວ ແລະ ສປ ຈີນ ຕາມ ບົດບັນທຶກຄວາມເຂົ້າໃຈລະ ຫວ່າງ ສປປ ລາວ ແລະ ສປ ຈີນ ວ່າດ້ວຍການຮ່າງແຜນ ແມ່ບົດກ່ຽວກັບການຊຸກຍູ້ການ ຮ່ວມມືເພື່ອສ້າງ "ໜຶ່ງແລວ ທາງໜຶ່ງເສັ້ນທາງ" ທີ່ສອງປະ ເທດໄດ້ລົງນາມກັນສຳເລັດ ແລ້ວ ແລະ ຈະລົງນາມຮ່ວມ ກັນລະຫວ່າງກະຊວງແຜນ ການ ແລະ ການລົງທຶນ ແຫ່ງ ສປປ ລາວ ແລະ ຄະນະກຳ ມະການພັດທະນາ ແລະ ປະຕິ ຮູບແຫ່ງຊາດຈີນ ໃນໂອກາດ ເວທີປຶກສາຫາລືຂັ້ນສູງວ່າ ດ້ວຍການຮ່ວມມືສາກົນ "ໜຶ່ງ ແລວທາງ ໜຶ່ງເສັ້ນທາງ" ໃນ ເດືອນພຶດສະພາ 2017 ທີ່ ປັກ ກິ່ງ ສປ ຈີນ ຊຶ່ງແນ່ນອນວ່າ ຫາກໄດ້ຮັບການປະຕິບັດແລ້ວ ຍິ່ງຈະນຳເອົາຜົນປະໂຫຍດ ມາສູ່ການພັດທະນາເສດຖະ ກິດ - ສັງຄົມ ຂອງ ສປປ ລາວ ໃນອະນາຄົດ. ທ່ານ ບຸນຍັງ ວໍລະຈິດ ກ່າວອີກວ່າ: ຕໍ່ການຮ່ວມມືລະ ຫວ່າງ ສປປ ລາວ ແລະ ສປ ຈີນ ພາຍໃຕ້ຂອບຂໍ້ລິເລີ່ມ"ໜຶ່ງ ແລວທາງ ໜຶ່ງເສັ້ນທາງ" ທີ່ກຳ ລັງໄດ້ຮັບການເສີມຂະຫຍາຍ ນີ້ ຂ້າພະເຈົ້າເຫັນວ່າ: ສປປ ລາວ ຊຶ່ງມີທ່າແຮງຫຼາຍໆດ້ານ ທັງເປັນທາງຜ່ານໄປສູ່ຕາເວັນ ອອກສຽງໃຕ້, ພ້ອມດຽວກັນ ຂ້າພະເຈົ້າກໍເຫັນວ່າ ສປ ຈີນ ຊຶ່ງມີຄວາມພ້ອມທາງດ້ານທຶນ ຮອນ, ບຸກຄະລາກອນ, ເຕັກໂນ ໂລຊີ ສາມາດສືບຕໍ່ສະໜັບສະ ໜູນ ສປປ ລາວ ພວກຂ້າພະ ເຈົ້າ ໃນການປະຕິບັດໂຄງການ ພັດທະນາຕ່າງໆ ເປັນຕົ້ນດ້ານ ໂຄງລ່າງ ແລະ ທຶນຮອນແນ ໃສ່ບັນລຸເປົ້າໝາຍການພັດທະ ນາປະເທດຂອງ ສປປ ລາວ. ການສະໜັບສະໜູນນີ້ຕ້ອງດຳ ເນີນການບົນຫຼັກການທີ່ທັງ ສອງຝ່າຍຕ່າງໄດ້ຮັບຜົນປະ ໂຫຍດນຳກັນ ( Win - Win), ສ້າງຄວາມເຂັ້ມແຂງນຳກັນ ເພື່ອບັນລຸເປົ້າໝາຍການສ້າງ ສາສັງຄົມນິຍົມຢູ່ແຕ່ລະປະ ເທດພວກເຮົາ. ສຳລັບຄຳຖາມທີ່ວ່າ: ໂຄງ ການທາງລົດໄຟ ລາວ - ຈີນ ເປັນຜົນສຳເລັດເບື້ອງຕົ້ນຂອງ ຂໍ້ລິເລີ່ມ "ໜຶ່ງແລວທາງ ໜຶ່ງ ເສັ້ນທາງ", ທ່ານເຫັນວ່າໂຄງ ການດັ່ງກ່າວ ມີຄວາມໝາຍ ແນວໃດຕໍ່ຍຸດທະສາດ "ການ ຫັນປະເທດທີ່ບໍ່ມີທາງອອກສູ່ ທະເລເປັນປະເທດທາງຜ່ານສູ່ ທະເລ" ແລະ ປະເທດລາວ ຈະສາມາດເສີມຂະຫຍາຍບົດ ບາດແນວໃດ ໃນເວລາຮ່ວມ ກັນປະຕິບັດຂໍ້ລິເລີ່ມດັ່ງກ່າວ?. ທ່ານປະທານປະເທດ ກ່າວວ່າ: ການຫັນປະເທດທີ່ບໍ່ ມີທາງອອກສູ່ທະເລ ເປັນປະ ເທດເຊື່ອມຈອດ ກັບປະເທດ ໃກ້ຄຽງ ແລະ ພາກພື້ນເປັນ ບຸລິມະສິດໜຶ່ງໃນນະໂຍບາຍ ພັດທະນາຂອງ ສປປ ລາວ. ຂ້າພະເຈົ້າເຊື່ອໝັ້ນວ່າໂຄງ ການທາງລົດໄຟ ລາວ - ຈີນ ທີ່ເປັນຜົນສຳເລັດເບື້ອງຕົ້ນ ຂອງຂໍ້ລິເລີ່ມ "ໜຶ່ງແລວທາງ ໜຶ່ງເສັ້ນທາງ" ຈະປະກອບ ສ່ວນຢ່າງແຂງແຮງໃຫ້ ສປປ ລາວ ສາມາດເຊື່ອມຈອດດ້ານ ພື້ນຖານໂຄງລ່າງ, ດ້ານເສດ ຖະກິດ, ການຄ້າ, ການລົງທຶນ ແລະ ເຊື່ອມຈອດລະຫວ່າງປະ ຊາຊົນກັບປະຊາຊົນກໍຄື ຫັນ ປະເທດທີ່ບໍ່ມີທາງອອກສູ່ທະ ເລເປັນປະເທດເຊື່ອມຈອດກັບ ບັນດາປະເທດໃກ້ຄຽງ ແລະ ພາກພື້ນ. - ສປປ ລາວ ຕີລາຄາສູງ ຕໍ່ຄວາມສຳຄັນ ແລະ ສະໜັບ ສະໜູນຂໍ້ລິເລີ່ມ "ໜຶ່ງແລວທາງ ໜຶ່ງເສັ້ນທາງ" ແລະ ພ້ອມແລ້ວ ທີ່ຈະເຂົ້າຮ່ວມການຈັດຕັ້ງປະ ຕິບັດບັນດາກິດຈະກຳ ແລະ ໂຄງການຕ່າງໆ ຕາມຄວາມ ສາມາດຂອງຕົນ ເພື່ອນຳຜົນ ປະໂຫຍດມາສູ່ພາກພື້ນ ແລະ ສົ່ງເສີມການເຊື່ອມຈອດກັນ ຂອງບັນດາປະເທດຕາມແລວ ທາງ ລວມທັງປະກອບສ່ວນສຳ ຄັນເຂົ້າໃນການເຮັດໃຫ້ການ ຫັນປະເທດທີ່ບໍ່ມີທາງອອກສູ່ ທະເລ ເປັນປະເທດເຊື່ອມຈອດ ກັບພາກພື້ນໃຫ້ປະກົດຜົນ ເປັນຈິງ. ສຳລັບຄຳຖາມຂໍ້ລິເລີ່ມ "ໜຶ່ງແລວທາງ ໜຶ່ງເສັ້ນທາງ" ມີບົດບາດອັນຕັ້ງໜ້າແນວໃດ ຕໍ່ການຮ່ວມມືແມ່ນ້ຳລ້ານຊ້າງ - ແມ່ນ້ຳຂອງ ແລະ ຂະບວນ ການເຊື່ອມໂຍງອາຊຽນເຂົ້າ ເປັນອັນໜຶ່ງອັນດຽວ?. ທ່ານ ບຸນຍັງ ວໍລະຈິດ ກ່າວວ່າ: ຂອບການຮ່ວມມືແມ່ ນ້ຳຂອງ - ແມ່ນ້ຳລ້ານຊ້າງ ເປັນ ຂອບການຮ່ວມມືລະຫວ່າງ ບັນດາປະເທດແມ່ນ້ຳຂອງ 5 ປະເທດ: ກຳປູເຈຍ, ສປປ ລາວ, ມຽນມາ, ໄທ ແລະ ຫວຽດນາມ ຊຶ່ງເປັນສະມາຊິກ ອາຊຽນຮ່ວມກັບ ສປ ຈີນ. ສ່ວນຂະບວນການເຊື່ອມໂຍງ ອາຊຽນເຂົ້າເປັນອັນໜຶ່ງອັນ ດຽວ ກໍເປັນແຜນຂອງອາຊຽນ ແລະ ບັນດາຄູ່ຮ່ວມພັດທະນາ ລວມທັງ ສປ ຈີນ. ຂ້າພະເຈົ້າ ເຫັນວ່າ ສປ ຈີນ ໄດ້ປະກອບ ສ່ວນຢ່າງຫ້າວຫັນເຂົ້າໃນຂະ ບວນການເຊື່ອມໂຍງອະນຸ ພາກພື້ນໃນຂອບແມ່ນ້ຳຂອງ - ແມ່ນ້ຳລ້ານຊ້າງ, ຂະບວນການ ເຊື່ອມໂຍງພາກພື້ນອາຊຽນ ແລະ ການເຊື່ອມໂຍງສາກົນ ໃນຂໍ້ລິເລີ່ມ "ໜຶ່ງແລວທາງ ໜຶ່ງເສັ້ນທາງ". - ທັງສອງຂອບການຮ່ວມ ມືນີ້ ແມ່ນການຮ່ວມມືທີ່ແນໃສ່ ການພັດທະນາຢູ່ແຕ່ລະປະ ເທດ ແລະ ມັນຊ່ວຍສົ່ງເສີມ ເຊິ່ງກັນ ແລະ ກັນ ແຕ່ບໍ່ແມ່ນ ການຮ່ວມມືທີ່ຕັດແຍກອອກ ຈາກກັນ. ຂໍ້ລິເລີ່ມ "ໜຶ່ງແລວ ທາງ ໜຶ່ງເສັ້ນທາງ" ກໍເປັນອັນ ຊ່ວຍສົ່ງເສີມທີ່ຈະເຮັດໃຫ້ສອງ ຂອບການຮ່ວມມືດັ່ງກ່າວ ໄດ້ ຮັບການພັດທະນາໃຫ້ໄວຂຶ້ນ ໂດຍສະເພາະແມ່ນການເຊື່ອມ ໂຍງຂອງບັນດາປະເທດໃນ ພາກພື້ນກໍຄືລະຫວ່າງອາຊຽນ ແລະ ປະເທດແມ່ນ້ຳຂອງກັບ ສປ ຈີນ.