ລັດຖະມົນຕີ ຖວທ ຕ້ອນຮັບທູດອີຢູ


...

    ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບ ການເຂົ້າຢ້ຽມຂ່ຳນັບ ຂອງທ່ານ ລີໂອ ຟາເບີ (Leo Faber) ເອກອັກຄະລັດຖະທູດສະຫະ ພາບເອີຣົບ ຫຼື ອີຢູ (EU) ເມື່ອ ອາທິດແລ້ວນີ້ ທີ່ກະຊວງດັ່ງກ່າວ ໃນໂອກາດທີ່ທ່ານມາດຳລົງຕຳ ແໜ່ງເປັນເອກອັກຄະລັດຖະ ທູດຄົນໃໝ່ ປະຈຳ ສປປ ລາວ. ໃນໂອກາດນີ້, ທ່ານລັດ ຖະມົນຕີກະຊວງ ຖວທ ໄດ້ສະ ແດງຄວາມຕ້ອນຮັບຊົມເຊີຍ ທ່ານ ລີໂອ ຟາເບີ ທີ່ມາດຳລົງຕຳ ແໜ່ງເປັນເອກອັກຄະລັດຖະ ທູດຄົນໃໝ່ ປະຈຳ ລາວ ຊຶ່ງເປັນມິດໝາຍ ອັນສຳຄັນຕໍ່ການເສີມຂະ ຫຍາຍສາຍພົວພັນມິດຕະ ພາບ ແລະ ການຮ່ວມມືຊ່ວຍ ເຫຼືອລະຫວ່າງ ສປປ ລາວ ແລະ ອີຢູ ໂດຍສະເພາະລະຫວ່າງ ກະຊວງ ຖວທ-ອີຢູ ໃນຂົງເຂດ ວຽກງານສື່ສານວັດທະນະທຳ ແລະ ທ່ອງທ່ຽວ ທີ່ມີມາແລ້ວ ນັ້ນໃຫ້ງອກງາມຍິ່ງໆຂຶ້ນ, ພ້ອມດຽວກັນນີ້ທ່ານ ລັດຖະ ມົນຕີ ກໍໄດ້ອວຍພອນໃຫ້ທ່ານ ທູດ ຈົ່ງປະສົບຜົນສຳເລັດໃນ ການປະຕິບັດໜ້າທີ່ການທູດ ຢູ່ລາວ. ທ່ານ ລີໂອ ຟາເບີ ໄດ້ສະ ແດງຄວາມຂອບໃຈຕໍ່ການ ຕ້ອນຮັບອັນອົບອຸ່ນ ແລະ ສະ ໜິດສະໜົມຂອງທ່ານລັດຖະ ມົນຕີໃນຄັ້ງນີ້, ອີຢູ ພ້ອມແລ້ວ ຈະຮ່ວມມືຊ່ວຍເຫຼືອໃນຂົງ ເຂດວຽກງານສື່ສານ, ວັດທະ ນະທຳ ແລະ ທ່ອງທ່ຽວ.