ກອງເຂົ້າໃຫຍ່ໄຊຍະບູລີ ໄດ້ຮັບຄວາມສົນໃຈຈາກນັກທ່ອງທ່ຽວ


...

    

ເພື່ອສ້າງຄວາມສົນໃຈ ແລະ ດຶງດູດນັກທ່ອງທ່ຽວທີ່ມາທ່ຽວຊົມ ແລະ ຊື້ສິນຄ້າໃນງານ ວາງສະແດງສິນຄ້າຈີນ- ອາຊຽນ ຄັ້ງທີ 14 ທີ່ຈັດຂຶ້ນລະຫວ່າງວັນທີ 12-15 ກັນຍາ 2017 ທີ່ນະຄອນໜານໜິງ ແຂວງກວາງຊີ ສປ ຈີນ; ລັດຖະບານລາວ ໄດ້ເລືອກແຂວງໄຊຍະບູລີ ເປັນ ເມືອງແຫ່ງສະເໜ່ ໂດຍນຳເອົາກອງເຂົ້າໃຫຍ່ ທີ່ເປັນເອກະລັກສະເພາະຂອງ ແຂວງເຂົ້າຮ່ວມ ຊຶ່ງສະແດງ ໃຫ້ເຫັນເຖິງຄວາມອຸດົມສົມ ບູນການຜະລິດການກະສິກຳ, ການປຸງແຕ່ງ ແລະ ອື່ນໆ. ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີໃຫ້ ສຳພາດວ່າ: ແຂວງໄຊຍະບູລີ ເປັນກຽດທີ່ສຸດທີ່ລັດຖະບານ ໄດ້ຕົກລົງໃຫ້ແຂວງດັ່ງກ່າວ ເປັນເມືອງແຫ່ງສະເໜ່ ເຂົ້າ ຮ່ວມງານວາງສະແດງສິນຄ້າ ຈີນ-ອາຊຽນຄັ້ງນີ້ ແລະ ແຂວງ ໄດ້ເລືອກເອົາກອງເຂົ້າໃຫຍ່ທີ່ ເປັນເອກະລັກສະເພາະ ຊຶ່ງໄດ້ ຮັບຄວາມສົນໃຈ ພ້ອມທັງໄດ້ ຮັບຄວາມນິຍົມຊົມຊອບ ຄຳ ຊົມເຊີຍຈາກການນຳ ແລະ ບັນດານັກທ່ອງທ່ຽວທັງພາຍ ໃນ-ຕ່າງປະເທດທີ່ເຂົ້າມາທ່ຽວ ຊົມງານເປັນຢ່າງດີ. ປີ 2018 ເປັນປີທ່ອງທ່ຽວ ລາວ, ແຂວງໄຊຍະບູລີ ໄດ້ມີ ການກະກຽມຫຼາຍກິດຈະກຳທີ່ ພົ້ນເດັ່ນຂຶ້ນຊື່ລືນາມ ເປັນຕົ້ນ ແມ່ນບຸນກອງເຂົ້າໃຫຍ່ ທີ່ຈັດ ຂຶ້ນທຸກໆປີ, ງານມະຫະກຳບຸນ ຊ້າງຈະຈັດຂຶ້ນລະຫວ່າງວັນທີ 6-18 ກຸມພາ 2018 ແລະ ກິດ ຈະກຳບຸນຊ່ວງເຮືອປະຈຳປີ. ນອກຈາກນີ້ ບັນດາເມືອງຕ່າງໆ ໃນທົ່ວແຂວງຍັງມີກິດຈະກຳ ອື່ນໆອີກ. ເພື່ອຮອງຮັບນັກທ່ອງທ່ຽວ ແຂວງໄດ້ມີການປຶກສາຫາລື ບັນດາເອກະສານນະໂຍບາຍ ຕ່າງໆທີ່ມີຫຼາຍຂັ້ນຕອນ ເພື່ອ ອຳນວຍຄວາມສະດວກໃຫ້ແກ່ ນັກທ່ອງທ່ຽວຕ່າງປະເທດໃຫ້ ມີຄວາມສະດວກກວ່າເກົ່າ ຊຶ່ງ ແນໃສ່ 3 ດ່ານສາກົນທີ່ເຊື່ອມ ຈອດກັບຣາຊະອານາຈັກໄທ ຄື: ດ່ານແຂວງໄຊຍະບູລີ-ຈັງ ຫວັດເລີຍ, ໄຊຍະບູລີ-ອູຕຣາ ດິດ ແລະ ດ່ານເມືອງເງິນ-ຈັງ ຫວັດນ່ານ ປະເທດໄທ ທີ່ເປັນ ສາກົນ. ນອກນີ້ ຍັງມີດ່ານໄຊ ຍະບູລີ-ພະເຍົາ ປະເທດໄທ ທີ່ ກຳລັງກະກຽມເປີດດ່ານສາກົນ ໃນໄວໆນີ້ ແລະ ໄດ້ກະກຽມ ຄະນະກຳມະການຮັບຜິດຊອບ ເຮືອນພັກ, ໂຮງແຮມ, ຮ້ານອາ ຫານ ແລະ ອື່ນໆ, ປັດຈຸບັນ ໄດ້ສຳເລັດການກະກຽມໃນ ເບື້ອງຕົ້ນແລ້ວ. (ຂ່າວ-ພາບ: ສຸກສາຄອນ)