ລາວ-ຈີນ ວາງສີລາລືກໂຄງການກໍ່ສ້າງໂຮງໝໍມະໂຫສົດ ຫຼັງໃໝ່ ຂະໜາດ 600 ຕຽງ


...

    

ໃນໂອກາດຢ້ຽມຢາມທາງລັດຖະກິດ ສປປ ລາວ ຂອງສະຫາຍເລຂາທິການໃຫຍ່ ປະທານປະ ເທດ ສປ ຈີນ ສີ ຈິ້ນຜິງ ໃນຕອນເຊົ້າຂອງວັນທີ 14 ພະຈິກນີ້, ພິທີວາງສີລາລືກໂຄງການກໍ່ ສ້າງອາຄານ ໂຮງໝໍມະໂຫສົດຫຼັງໃໝ່ຂະໜາດ 600 ຕຽງ ໄດ້ຈັດຂຶ້ນທີ່ໂຮງໝໍມະໂຫສົດ ນະຄອນ ຫຼວງວຽງຈັນ ໂດຍການເປັນກຽດເຂົ້າຮ່ວມຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະ ນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ ແລະ ສະຫາຍ ສີ ຈິ້ນຜິງ ເລຂາທິການໃຫຍ່ ຄະນະກຳມະການສູນກາງພັກ ກອມມູນິດຈີນ ປະທານປະ ເທດ ແຫ່ງ ສປ ຈີນ ແລະ ມີ ການນຳຂັ້ນສູງພັກ, ລັດຂອງ ສປ ຈີນ ແລະ ລາວ ພ້ອມດ້ວຍ ເຈົ້າໜ້າທີ່ກ່ຽວຂ້ອງຂອງທັງ ສອງຝ່າຍເຂົ້າຮ່ວມ. ໃນພິທີດັ່ງກ່າວ, ສະຫາຍ ຈົງຊານ ລັດຖະມົນຕີກະຊວງ ການຄ້າ ສປ ຈີນ ແລະ ສະ ຫາຍ ບຸນກອງ ສີຫາວົງ ລັດຖະ ມົນຕີກະຊວງສາທາລະນະສຸກ ສປປ ລາວ ໄດ້ຜັດປ່ຽນກັນຂຶ້ນ ລາຍງານກ່ຽວກັບໂຄງການດັ່ງ ກ່າວ. ຫຼັງຈາກນັ້ນ ສະຫາຍເລ ຂາທິການໃຫຍ່ ປະທານປະ ເທດ ບຸນຍັງ ວໍລະຈິດ ແລະ ສະຫາຍເລຂາທິການໃຫຍ່ ປະ ທານປະເທດ ສີ ຈິ້ນຜິງ ກໍໄດ້ ໃຫ້ກຽດຂຶ້ນຮ່ວມກັນຕັດແຖບ ຜ້າວາງສີລາລືກໂຄງການຢ່າງ ເປັນທາງການ. ໂຄງການກໍ່ສ້າງອາຄານ ໂຮງໝໍຫຼັງໃໝ່ນີ້ ແມ່ນໄດ້ຮັບ ທຶນຊ່ວຍເຫຼືອຈາກ ສປ ຈີນ ໃນມູນຄ່າການກໍ່ສ້າງປະມານ 646.800.000 ຢວນ ອີງຕາມ ການອອກແບບກໍ່ສ້າງໂຮງໝໍ ດັ່ງກ່າວ ຈະມີເນື້ອທີ່ດິນ 31.000 m2, ເນື້ອທີ່ການກໍ່ ສ້າງຕຶກມີ 54.000 m2, ຕຶກ ໃຫຍ່ມີ 8 ຊັ້ນ ແລະ ປະກອບ ດ້ວຍຕຶກອື່ນໆຈຳນວນໜຶ່ງ. ໂຄງການດັ່ງກ່າວ ເປັນການ ຊ່ວຍເຫຼືອຂອງຈີນ ໃນການ ສ້າງໂຮງໝໍຢູ່ຕ່າງປະເທດທີ່ມີ ເນື້ອທີ່ໂຄງການກໍ່ສ້າງຕຶກຂະ ໜາດໃຫຍ່ທີ່ສຸດ, ຈຳນວນຕຽງ ຫຼາຍທີ່ສຸດ ແລະ ງົບປະມານ ການລົງທຶນຫຼາຍທີ່ສຸດ ຄາດ ຄະເນຈະລົງມືການກໍ່ສ້າງກ່ອນ ເດືອນຕຸລາ 2018, ຈະໃຫ້ສຳ ເລັດການກໍ່ສ້າງ ແລະ ຕິດຕັ້ງ ອຸປະກອນຕ່າງໆພາຍໃນ 36 ເດືອນ. ໂຮງໝໍດັ່ງກ່າວ ຈະສາ ມາດບັນຈຸຕຽງນອນຄົນເຈັບ ໄດ້ເຖິງ 600 ຕຽງ ຊຶ່ງຈະປະ ກອບມີ ພາກສ່ວນສຸກເສີນ, ພາກສ່ວນກວດເຂດນອກ, ພາກສ່ວນຫ້ອງນອນຄົນເຈັບ, ຫ້ອງປະຕິບັດການຝ່າຍການ ແພດ, ລວມທັງສິ່ງອຳນວຍ ຄວາມສະດວກຕ່າງໆ ແລະ ຕຶກອາຄານບໍລິຫານ, ຈະສະ ໜອງຕິດຕັ້ງອຸປະກອນການ ແພດທີ່ທັນສະໄໝ ແລະ ອຸປະ ກອນຮັບໃຊ້ ແລະ ມີການຝຶກ ອົບຮົມພະນັກງານໃນການນຳ ໃຊ້ ແລະ ບູລະນະຮັກສາເປັນ ຕົ້ນ. ໂຄງການຊ່ວຍເຫຼືອດັ່ງ ກ່າວ ຈະຍົກລະດັບຄຸນນະພາບ ການບໍລິການດ້ານສາທາລະ ນະສຸກໃຫ້ດີຂຶ້ນ ໂດຍສະເພາະ ວຽກງານການປິ່ນປົວ, ການສົ່ງ ເສີມສຸຂະພາບ, ການກໍ່ສ້າງ ບຸກຄະລາກອນ ແລະ ຄົ້ນຄວ້າ ວິທະຍາສາດດ້ານການແພດ ໂດຍຈະນຳໃຊ້ລະບົບ IT ເຂົ້າ ຊ່ວຍໃນການບໍລິການວຽກງານ ປິ່ນປົວ ແລະ ການຄຸ້ມຄອງບໍ ບິການອື່ນໆໃຫ້ວ່ອງໄວ, ສະ ດວກ ແລະ ທັນສະໄໝຂຶ້ນ. ໃນໄລຍະການປະຕິບັດໂຄງ ການດັ່ງກ່າວນີ້ ໂຮງໝໍມະໂຫ ສົດ ຈະສືບຕໍ່ໃຫ້ການບໍລິການ ແກ່ປະຊາຊົນບາງພາກສ່ວນ ຂະແໜງການທີ່ຈຳເປັນ. ພາຍຫຼັງສຳເລັດພິທີວາງ ສີລາລືກ, ສະຫາຍ ບຸນຍັງ ວໍລະຈິດ ແລະ ສະຫາຍ ສີ ຈິ້ນ ຜິງ ພ້ອມດ້ວຍຄະນະຜູ້ແທນ ທັງສອງຝ່າຍ ກໍໄດ້ເຂົ້າໄປຢ້ຽມ ຢາມຄະນະຊ່ຽວຊານແພດ ຈາກ ສປ ຈີນ ແລະ ຢ້ຽມຢາມ ຄົນເຈັບທີ່ຜ່າຕັດຕາຂຸ້ນ ຊຶ່ງໄດ້ ຮັບການຊ່ວຍເຫຼືອຜ່າຕັດ ໂດຍ ຄະນະແພດຜູ້ຊ່ຽວຊານຈາກ ສປ ຈີນ.