ສະຫາຍເລຂາທິການໃຫຍ່ ສີ ຈິ້ນຜິງ ພົບປະ ກັບສະຫາຍນາຍົກ ທອງລຸນ ສີສຸລິດ


...

    

ໃນຕອນເຊົ້າຂອງວັນທີ 14 ພະຈິກນີ້ ທີ່ຫໍປະຊຸມ ແຫ່ງຊາດ, ສະຫາຍ ສີ ຈິ້ນຜິງ ເລຂາທິການໃຫຍ່ ຄະນະກຳ ມະການສູນກາງພັກກອມມູ ນິດຈີນ ປະທານປະເທດ ແຫ່ງ ສປ ຈີນ ໄດ້ພົບປະກັບສະຫາຍ ທອງລຸນ ສີສຸລິດ ກຳມະການ ກົມການເມືອງສູນກາງພັກ ນາ ຍົກລັດຖະມົນຕີ ແຫ່ງ ສປປ ລາວ, ເນື່ອງໃນໂອກາດທີ່ສະ ຫາຍ ພ້ອມດ້ວຍຄະນະຜູ້ແທນ ຂັ້ນສູງຂອງ ສປ ຈີນ ເດີນທາງ ຢ້ຽມຢາມທາງລັດຖະກິດຢູ່ ສປປ ລາວ ໃນລະຫວ່າງວັນທີ 13 - 14 ພະຈິກ 2017, ຕາມການ ເຊື້ອເຊີນຂອງສະຫາຍເລຂາ ທິການໃຫຍ່ ປະທານປະເທດ ບຸນຍັງ ວໍລະຈິດ. ໃນໂອກາດດັ່ງກ່າວ, ສະ ຫາຍ ທອງລຸນ ສີສຸລິດ ໄດ້ສະ ແດງຄວາມປິຕິຊົມຊື່ນ ແລະ ເປັນກຽດຢ່າງຍິ່ງທີ່ມີໂອກາດ ຂ່ຳນັບຮັບຕ້ອນ ສະຫາຍ ສີ ຈິ້ນຜິງ ແລະ ຄະນະ ຢູ່ ສປປ ລາວ. ການຢ້ຽມຢາມຄັ້ງນີ້ເປັນ ຂີດໝາຍປະຫວັດສາດອັນສຳ ຄັນແຫ່ງການຮັດແໜ້ນສາຍ ພົວພັນ ແລະ ເສີມຂະຫຍາຍ ການເປັນຄູ່ຮ່ວມຍຸດທະສາດ ຮອບດ້ານໝັ້ນຄົງຍາວນານ ຕາມທິດ 4 ດີ ໃຫ້ສືບຕໍ່ຂະ ຫຍາຍຕົວຢ່າງບໍ່ຢຸດຢັ້ງ. ພ້ອມ ກັນນີ້ ສະຫາຍ ທອງລຸນ ສີສຸລິດ ຍັງໄດ້ສະແດງຄວາມຊົມເຊີຍ ຢ່າງຈິງໃຈ ຕໍ່ຜົນສຳເລັດອັນຍິ່ງ ໃຫຍ່ ຂອງກອງປະຊຸມໃຫຍ່ ຄັ້ງ ທີ 19 ຂອງພັກກອມມູນິດຈີນ ແລະ ສະແດງຄວາມຂ່ຳນັບຊົມ ເຊີຍ ຢ່າງສຸດອົກສຸດໃຈຕໍ່ສະ ຫາຍ ສີ ຈິ້ນຜິງ ທີ່ໄດ້ຮັບເລືອກ ຕັ້ງໃຫ້ດຳລົງຕຳແໜ່ງຜູ້ນຳສູງ ສຸດທີ່ເປັນແກນນຳຂອງພັກ ກອມມູນິດຈີນ ອີກສະໄໝໜຶ່ງ ຊຶ່ງເປັນການຢັ້ງຢືນຢ່າງມີຊີວິດ ຊີວາ ເຖິງຄວາມຮູ້ຄວາມສາ ມາດ ແລະ ຜົນງານອັນໂດດ ເດັ່ນ ໃນການຊີ້ນຳ - ນຳພາທົ່ວ ພັກ, ທົ່ວລັດ ແລະ ທົ່ວປວງຊົນ ທັງຊາດ; ນຳເອົາປະເທດຈີນ ກ້າວຂຶ້ນຢ່າງບໍ່ຢຸດຢັ້ງ ແລະ ພົ້ນ ເດັ່ນໃນທຸກໆດ້ານ. ໃນຖານະ ເປັນສະຫາຍທີ່ຮ່ວມອຸດົມການ ດຽວກັນ, ຮ່ວມຊາຕາກຳອັນ ດຽວກັນ, ພັກປະຊາຊົນປະຕິ ວັດລາວ, ລັດຖະບານ ແລະ ປະຊາຊົນລາວ ມີຄວາມເຊື່ອ ໝັ້ນຢ່າງແນ່ວແນ່ວ່າ ພາຍໃຕ້ ການນຳຂອງສະຫາຍ ສີ ຈິ້ນຜິງ ນັ້ນ, ພັກກອມມູນິດຈີນຈະສືບ ຕໍ່ຍາດໄດ້ໄຊຊະນະ ແລະ ຜົນ ສຳເລັດອັນໃຫຍ່ຫຼວງ ໃນການ ສ້າງສັງຄົມນິຍົມທີ່ມີສີສັນພິ ເສດຂອງຈີນ ໃນຍຸກສະໄໝ ໃໝ່ໃຫ້ປະກົດເປັນຈິງ ຕາມແນວ ຄິດຂອງສະຫາຍ ສີ ຈິ້ນຜິງ ທີ່ ໄດ້ຮັບການກຳນົດເອົາໃນກອງ ປະຊຸມໃຫຍ່ ຄັ້ງທີ 19 ຂອງພັກ, ບັນລຸຄວາມຝັນຂອງຈີນ ໃນ ການສ້າງສັງຄົມນິຍົມທີ່ທັນສະ ໄໝ ເຂັັ້ມແຂງ ແລະ ຈະເລີນຮຸ່ງ ເຮືອງ ກົມກຽວປອງດອງ, ປະ ຊາທິປະໄຕ, ສີວິໄລ ແລະ ສວຍ ງາມ. ສິ່ງດັ່ງກ່າວເປັນການປຸກ ລະດົມກຳລັງໃຈ ອັນໃຫຍ່ຫຼວງ ໃຫ້ ສປປ ລາວ ໃນການສືບຕໍ່ ກ້າວເດີນໄປໜ້າຢ່າງໜັກແໜ້ນ ສູ່ເປົ້າໝາຍສັງຄົມນິຍົມ ພາຍ ໃຕ້ການນຳພາຂອງພັກປະຊາ ຊົນປະຕິວັດລາວ. ສະຫາຍ ທອງລຸນ ສີສຸລິດ ຍັງສະແດງ ຄວາມປິຕິຊົມຊື່ນເປັນຢ່າງຍິ່ງ ຕໍ່ການພົບປະ ລະຫວ່າງສະ ຫາຍ ເລຂາທິການໃຫຍ່ ສີ ຈິ້ນຜິງ ກັບ ສະຫາຍ ເລຂາທິ ການໃຫຍ່ ປະທານປະເທດ ບຸນຍັງ ວໍລະຈິດ ຊຶ່ງເປັນພື້ນ ຖານ ອັນໜັກແໜ້ນໃຫ້ແກ່ການ ເພີ່ມທະວີການຮ່ວມມືຮອບ ດ້ານໝັ້ນຄົງຍາວນານຂອງ ສອງພັກ, ສອງລັດ ແລະ ປະ ຊາຊົນສອງຊາດ ລາວ - ຈີນ. ລັດຖະບານ ສປປ ລາວ ຕີລາ ຄາສູງ ທີ່ໃນໄລຍະຢ້ຽມຢາມ ສປປ ລາວ ທັງສອງຝ່າຍໄດ້ລົງ ນາມເອກະສານສຳຄັນຕ່າງໆ ຈຳນວນ 17 ສະບັບ ຊຶ່ງເອກະ ສານດັ່ງກ່າວໄດ້ສະແດງອອກ ເຖິງການສະໜັບສະໜູນ ແລະ ຊ່ວຍເຫຼືອອັນລ້ຳຄ່າຂອງ ສປ ຈີນ ຕໍ່ ສປປ ລາວ, ເປັນການ ປະກອບສ່ວນອັນສຳຄັນ ແລະ ມີປະສິດທິຜົນໃຫ້ແກ່ການພັດ ທະນາເສດຖະກິດ - ສັງຄົມ ຂອງ ສປປ ລາວ ໃຫ້ກ້າວຂຶ້ນ ຢ່າງບໍ່ຢຸດຢັ້ງ. ໃນການພົບປະຄັ້ງນີ້, ສອງ ຝ່າຍ ຍັງໄດ້ຕີລາຄາສູງຕໍ່ການ ພົວພັນມິດຕະພາບທີ່ເປັນມູນ ເຊື້ອ ແລະ ແບບຄູ່ຮ່ວມມືຍຸດ ທະສາດຮອບດ້ານ ໝັ້ນຄົງຍາວ ນານ ລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ລາວ - ຈີນ ທີ່ໄດ້ຮັບການເສີມ ຂະຫຍາຍມາໂດຍຕະຫຼອດ ແລະ ນຳຜົນປະໂຫຍດຕົວຈິງ ມາໃຫ້ສອງຝ່າຍ ໂດຍສະເພາະ ການຮ່ວມມືທາງດ້ານປ້ອງກັນ ຊາດ ປ້ອງກັນຄວາມສະຫງົບ, ການຊ່ວຍເຫຼືອທາງການຂອງ ສປ ຈີນ ໃຫ້ ສປປ ລາວ ໂດຍ ສະເພາະການສະໜອງແຫຼ່ງ ທຶນກູ້ຢືມ ເພື່ອການພັດທະນາ, ການຄ້າ ແລະ ການລົງທຶນ ແລະ ດ້ານອື່ນໆ ຊຶ່ງເປັນການປະ ກອບສ່ວນອັນສຳຄັນໃຫ້ແກ່ ການພັດທະນາເສດຖະກິດ - ສັງຄົມຂອງສອງຝ່າຍ ລາວ - ຈີນ. ສະຫາຍ ທອງລຸນ ສີສຸລິດ ຍັງໄດ້ສະແດງຄວາມຂອບໃຈ ຕໍ່ ສະຫາຍ ສີ ຈິ້ນຜິງ ທີ່ໄດ້ຊີ້ ນຳໃຫ້ກະຊວງການຄ້າຂອງ ຈີນ ແຕ່ງຕັ້ງທີມງານມາສຳຫຼວດ, ເກັບກຳຂໍ້ມູນຄວາມຕ້ອງການ ແລະ ກຳນົດມາດຕະການໃຫ້ ການຊ່ວຍເຫຼືອ ແລະ ໄດ້ວາງແຜນ ຈຸດສຸມທີ່ຈະໃຫ້ການຊ່ວຍເຫຼືອ ອີກ 3 ປີ ຕໍ່ໜ້າແກ່ ສປປ ລາວ. ນອກຈາກນີ້, ສອງຝ່າຍ ຍັງໄດ້ປຶກສາຫາລືກ່ຽວກັບທິດ ທາງການຮ່ວມມືໃນຕໍ່ໜ້າຄື: ສະໜັບສະໜູນແຜນຍຸດທະ ສາດການພັດທະນາ “ໜຶ່ງແລວ ໜຶ່ງເສັ້ນທາງ” ແລະ ຂອບການ ຮ່ວມມືແມ່ນ້ຳຂອງແມ່ນ້ຳລ້ານ ຊ້າງ ເປັນຂອບການພັດທະນາ ສາກົນ ແລະ ພາກພື້ນທີ່ເອື້ອ ອຳນວຍ ແລະ ສອດຄ່ອງກັບ ຍຸດທະສາດຂອງລາວ ໃນຄວາມ ພະຍາຍາມ ຫັນຈາກປະເທດທີ່ ບໍ່ມີຊາຍແດນຕິດກັບທະເລໃຫ້ ເປັນປະເທດເຊື່ອມຈອດເຊື່ອມ ໂຍງ; ສປປ ລາວ ສະໜັບສະ ໜູນຢ່າງເຕັມປ່ຽມ ແລະ ໃຫ້ ສອງຝ່າຍສ້າງໂຄງການຮ່ວມ ມືຕົວຈິງໃຫ້ຫຼາຍຂຶ້ນ ເພື່ອຈັດ ຕັ້ງປະຕິບັດ ແລະ ນຳເອົາຜົນ ປະໂຫຍດຕົວຈິງມາສູ່ປະຊາ ຊົນສອງຊາດລາວ-ຈີນ; ປັດຈຸ ບັນພາກສ່ວນກ່ຽວຂ້ອງຂອງ ລາວ ກໍໄດ້ຮ່ວມມືກັບວິສາຫະ ກິດຂອງຈີນ ຄົ້ນຄວ້າ, ສ້າງ ແຜນ ແລະ ໂຄງການ ເພື່ອຜັນ ຂະຫຍາຍ ແລະ ຈັດຕັ້ງປະຕິ ບັດແນວທາງການພັດທະນາ ດັ່ງກ່າວເຊັ່ນ: ແຜນແມ່ບົດ ແລະ ໂຄງການພັດທະນາຢູ່ ເຂດພູພຽງບໍລິເວນຢູ່ພາກໃຕ້ ແລະ ແຜນພັດທະນາແບບ ກວມລວມຂອງ 6 ແຂວງພາກ ເໜືອຂອງລາວ, ຊຸກຍູ້ໂຄງການ ກໍ່ສ້າງເສັ້ນທາງລົດໄຟລາວ - ຈີນ ໃຫ້ສາມາດດຳເນີນ ໄປໄດ້ຕາມແຜນການວາງໄວ້; ການຮ່ວມມືໃນການຍົກລະ ດັບການພັດທະນາດ້ານບຸກ ຄະລາກອນດ້ານວິຊາສະ ເພາະໃນດ້ານຕ່າງໆ; ເປີດ ກວ້າງການຮ່ວມມືລະຫວ່າງ ຂະແໜງການ, ທ້ອງຖິ່ນ, ມະ ຫາວິທະຍາໄລ ແລະ ສະຖາບັນ ຄົ້ນຄວ້າ, ພາກທຸລະກິດ ແລະ ການຈັດຕັ້ງຕ່າງໆຂອງສອງປະ ເທດໃຫ້ຫຼາຍຂຶ້ນ ແລະ ມີປະ ສິດທິຜົນ; ປັບປຸງກົນໄກການ ຈັດຕັ້ງປະຕິບັດທິດທາງ ແລະ ແຜນການຮ່ວມມືທີ່ສອງພັກ ແລະ ສອງລັດໄດ້ເປັນເອກະ ພາບກັນແລ້ວ ໃຫ້ວ່ອງໄວ ແລະ ມີປະສິດທິຜົນຫຼາຍຂຶ້ນ; ສືບຕໍ່ ຊຸກຍູ້ໃຫ້ວິສາຫະກິດທີ່ມີຄວາມ ສາມາດຂອງຈີນ ມາລົງທຶນໃນ ລາວຫຼາຍຂຶ້ນ, ເປັນຕົ້ນແມ່ນ ຂົງເຂດໂຄງລ່າງພື້ນຖານຄົມ ມະນາຄົມ, ຂົນສົ່ງ, ຊົນລະປະ ທານ, ພະລັງງານ, ການທ່ອງ ທ່ຽວ, ອຸດສາຫະກຳປຸງແຕ່ງ, ກະສິກຳປອດສານພິດ ເປັນມິດ ກັບສິ່ງແວດລ້ອມ ແລະ ອື່ນໆ ທີ່ສອງຝ່າຍມີທ່າແຮງ. ໃນໂອກາດນີ້, ສະຫາຍ ສີ ຈິ້ນຜິງ ກໍໄດ້ສະແດງຄວາມ ຂອບໃຈຕໍ່ການຕ້ອນຮັບອັນ ອົບອຸ່ນຂອງສະຫາຍ ທອງລຸນ ສີສຸລິດ ແລະ ຄະນະ ພ້ອມທັງ ໄດ້ຕີລາຄາສູງຕໍ່ການພົວພັນ ຮ່ວມມື ລະຫວ່າງສອງປະເທດ ລາວ - ຈີນ ໃນໄລຍະຜ່ານມາ ຊຶ່ງເປັນການປະກອບສ່ວນສຳ ຄັນ ເຂົ້າໃນການເພີ່ມທະວີສາຍ ພົວພັນມິດຕະພາບອັນເປັນ ມູນເຊື້ອ ແລະ ການຮ່ວມມືຍຸດ ທະສາດຮອບດ້ານ ລະຫວ່າງ ສອງພັກ, ສອງລັດ ແລະ ປະ ຊາຊົນສອງຊາດ ລາວ - ຈີນ ຊຶ່ງໄດ້ຮັບການເສີມຂະຫຍາຍ ແລະ ສືບຕໍ່ເຕີບໃຫຍ່ຂະຫຍາຍ ຕົວຢ່າງບໍ່ຢຸດຢັ້ງ ໂດຍສະເພາະ ຢູ່ໃນສະພາບໃໝ່ ແລະ ຍຸກສະ ໄໝໃໝ່ນີ້. ໃນຕອນທ້າຍ, ສະຫາຍ ທອງລຸນ ສີສຸລິດ ຍັງໄດ້ອວຍ ພອນໃຫ້ສາຍພົວພັນມິດຕະ ພາບທີ່ເປັນມູນເຊື້ອໝັ້ນຄົງ ຍາວນານ ແລະ ການຮ່ວມມື ແບບຄູ່ຮ່ວມຍຸດທະສາດຮອບ ດ້ານ ລະຫວ່າງ ສປປ ລາວ ແລະ ສປ ຈີນ ຈົ່ງໝັ້ນຄົງຂະ ໜົງແກ່ນຕະຫຼອດໄປ ພ້ອມທັງ ອວຍພອນໃຫ້ສະຫາຍ ສີ ຈິ້ນຜິງ ເລຂາທິການໃຫຍ່ ປະທານປະ ເທດ ແຫ່ງ ສປ ຈີນ, ຈົ່ງມີສຸຂະ ພາບເຂັ້ມແຂງ, ປະສົບຜົນສຳ ເລັດໃໝ່ຍິ່ງໃຫຍ່ກ່ວາເກົ່າໃນ ພາລະກິດສ້າງສັງຄົມນິຍົມໃໝ່ ທີ່ມີສີສັນພິເສດຂອງຈີນ ແລະ ປະສົບຜົນສຳເລັດດີງາມໃນການ ຢ້ຽມຢາມ ສປປ ລາວ ຄັ້ງນີ້ ພ້ອມ ດຽວກັນນີ້, ສະຫາຍ ທອງລຸນ ສີສຸລິດ ໄດ້ຕາງໜ້າໃຫ້ພັກ,ລັດ ຖະບານ ແລະ ປະຊາຊົນລາວ ບັນດາເຜົ່າສະແດງຄວາມຂອບ ໃຈ ແລະ ຮູ້ບຸນຄຸນຢ່າງສູງມາ ຍັງພັກ, ລັດຖະບານ ແລະ ປະ ຊາຊົນຈີນທີ່ໄດ້ໃຫ້ການຊ່ວຍ ເຫຼືອອັນໃຫຍ່ຫຼວງ ແລະ ລ້ຳຄ່າ ໃຫ້ແກ່ ສປປ ລາວ ຕະຫຼອດມາ.