ໜັງສືພິມ ປະຊາຊົນ

ລາວ-ມາຣົກ ສະຫຼອງວັນສ້າງຕັ້ງສາຍພົວພັນການທູດ ຄົບຮອບ 20 ປີ


...

    ທູດມາຣົກປະຈຳ ລາວ ໄດ້ຈັດງານລ້ຽງ ເພື່ອສະ ເຫຼີມສະຫຼອງວັນສ້າງຕັ້ງສາຍ ພົວພັນທາງການທູດລະຫວ່າງ ສາທາລະນະລັດ ປະຊາທິປະ ໄຕ ປະຊາຊົນລາວ ແລະ ຣາ ຊະອານາຈັກມາຣົກ ຄົບຮອບ 20 ປີ (30/1/1997-30/1/ 2017), ຂຶ້ນໃນວັນທີ 14 ມີນາ ທີ່ໂຮງແຮມລາວພລາຊາເປັນ ກຽດຂຶ້ນກ່າວຄຳເຫັນຕໍ່ພິທີແມ່ນ ທ່ານ ນາງ ຄຳເພົາ ເອີນທະວັນ ຮອງລັດຖະມົນຕີກະຊວງການ ຕ່າງປະເທດ ແລະ ທ່ານ ອັບ ເດວລິລາ ເອວ ຮູສ໌ນີ (Abdellilah El Housni) ເອກ ອັກຄະລາຊະທູດວິສາມັນຜູ້ມີ ອຳນາດເຕັມ ແຫ່ງ ຣາຊະອາ ນາຈັກມາຣົກ ປະຈຳ ສປປ ລາວ ພ້ອມດ້ວຍແຂກທີ່ມີກຽດ ຖືກເຊີນເຂົ້າຮ່ວມ. ໃນໂອກາດດັ່ງກ່າວ, ທັງ ສອງຝ່າຍໄດ້ສະແດງຄວາມ ຊົມເຊີຍ ແລະ ຕີລາຄາສູງຕໍ່ ມູນເຊື້ອອັນດີງາມ ໃນການ ເສີມຂະຫຍາຍສາຍພົວພັນ ແລະ ການຮ່ວມມືຊ່ວຍເຫຼືອ ຊຶ່ງ ກັນ ແລະ ກັນ, ໄດ້ມີການແລກ ປ່ຽນຢ້ຽມຢາມທາງການຂອງ ການນຳຂັ້ນສູງຂອງສອງປະ ເທດໃນໄລຍະຜ່ານມາ. ນອກ ຈາກນີ້ ທັງສອງຝ່າຍຍັງໄດ້ຮ່ວມລົງ ນາມ ໃນເອກະສານອະນຸສັນຍາ ວ່າດ້ວຍການປຶກສາຫາລື ແລະ ການຮ່ວມມືລະຫວ່າງສອງກະ ຊວງການຕ່າງປະເທດ ໃນປີ 2015 ແລະ ສ້າງຕັ້ງກົງສຸນກິດ ຕິມະສັກມາຣົກ ປະຈຳ ສປປ ລາວ ໃນປີ 2016 ທີ່ຜ່ານມາ ອີກດ້ວຍ. ສອງປະເທດຍັງໄດ້ ເຮັດວຽກຮ່ວມກັນ ແລະ ສະ ໜັບສະໜູນຊຶ່ງກັນ ແລະ ກັນ ໃນດ້ານວຽກງານຕ່າງໆ ເພື່ອ ນຳເອົາຜົນປະໂຫຍດມາສູ່ປະ ຊາຊົນສອງຊາດກໍຄືສ້າງສັນ ບັນຍາກາດແຫ່ງສັນຕິພາບ, ມິດຕະພາບ ແລະ ການຮ່ວມ ມືທັງໃນພາກພື້ນ ແລະ ສາ ກົນ.