ຮອງປະທານປະເທດ ໂອ້ລົມການນຳແຂວງຫົວພັນ


...

    ທ່ານ ພັນຄຳ ວິພາວັນ ກຳມະການກົມການເມືອງສູນ ກາງພັກ ຜູ້ປະຈຳການຄະນະ ເລຂາທິການສູນກາງພັກ ຮອງ ປະທານປະເທດ ໄດ້ພົບປະໂອ້ ລົມກັບຄະນະພັກ ອຳນາດ ການປົກຄອງແຂວງຫົວພັນ ເມື່ອບໍ່ດົນຜ່ານມານີ້ ຊຶ່ງກ່ອນ ອື່ນ ທ່ານຮອງປະທານປະເທດ ໄດ້ຮັບຟັງການລາຍງານສະ ພາບການພັດທະນາຢູ່ແຂວງ ຫົວພັນໄລຍະຜ່ານມາ ແລະ ທິດທາງແຜນການຕໍ່ໜ້າຈາກ ທ່ານ ວັນໄຊ ແພງຊຸມມາ ກຳ ມະການສູນກາງພັກ ເລຂາພັກ ແຂວງ ເຈົ້າແຂວງຫົວພັນ ໂດຍ ໄດ້ຍົກໃຫ້ເຫັນສະພາບທີ່ພົ້ນ ເດັ່ນ ວຽກງານນຳພາການເມືອງ ແນວຄິດ, ວຽກງານກໍ່ສ້າງພັກ- ພະນັກງານ, ວຽກງານເສດຖະ ກິດແກ້ໄຂຊີວິດການເປັນຢູ່ ຂອງປະຊາຊົນບັນດາເຜົ່າ, ວຽກງານວັດທະນະທຳ - ສັງ ຄົມ, ວຽກງານປ້ອງກັນຊາດ ປ້ອງກັນຄວາມສະຫງົບ, ວຽກ ງານພົວພັນຕ່າງປະເທດ, ການ ແກ້ໄຂປະກົດການຫຍໍ້ທໍ້ຕ່າງໆ ຊຶ່ງຈາກດ້ານດີທີ່ພົ້ນເດັ່ນຍັງມີ ບາງບັນຫາຄົງຄ້າງທີ່ຄະນະ ພັກທຸກຂັ້ນຈະໄດ້ສືບຕໍ່ແກ້ໄຂ ໃນຕໍ່ໜ້າ. ໂອກາດນີ້ ທ່ານຮອງປະ ທານປະເທດ ໄດ້ເນັ້ນໜັກໃຫ້ ອຳນາດການປົກຄອງທຸກຂັ້ນ ຕ້ອງສືບຕໍ່ນຳພາຈັດຕັ້ງຜັນຂະ ຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ, ຄັ້ງທີ IX ຂອງອົງຄະນະພັກແຂວງ ໃຫ້ ປະກົດຜົນເປັນຈິງ, ເປັນເຈົ້າ ການສ້າງແຂວງໃຫ້ມີສະຖຽນ ລະພາບທາງດ້ານການເມືອງ ສັງຄົມມີຄວາມສະຫງົບໂດຍ ພື້ນຖານ ກຽມພ້ອມຕ້ານ ແລະ ສະກັດກັ້ນບັນດາປະກົດການ ຫຍໍ້ທໍ້ຕ່າງໆໃຫ້ເຂັ້ມແຂງ,ສືບ ຕໍ່ປັບປຸງກໍ່ສ້າງໂຄງລ່າງ, ເຮັດ ໃຫ້ເສດຖະກິດມີການຂະຫຍາຍ ຕົວ, ຊີວິດການເປັນຢູ່ຂອງປະ ຊາຊົນບັນດາເຜົ່ານັບມື້ດີຂຶ້ນ, ຄະນະພັກຕ້ອງເປັນແບບຢ່າງ ຕ້ານແນວຄິດຄັບແຄບ, ຄອງ ເດີມ, ເອື່ອຍອີງ, ແນວຄິດປຽບ ທຽບຊັ່ງຊາ ແລະ ອື່ນໆ,ເປັນ ເຈົ້າການອະນຸລັກ, ປົກປັກຮັກ ສາປ່າໄມ້ ແລະ ແມ່ນ້ຳທີ່ມີຢູ່ ເພື່ອສ້າງແຂວງໃຫ້ເປັນແຂວງ ສີຂຽວທາງດ້ານທຳມະຊາດ, ສົມທົບຮ່ວມມືກະກຽມສະເຫຼີມ ສະຫຼອງ 2 ວັນປະຫວັດສາດ ລາວ - ຫວຽດນາມຄື: ວັນສົນ ທິສັນຍາຄົບຮອບ 40 ປີ, ວັນ ສ້າງຕັ້ງສາຍພົວພັນການທູດ ຄົບຮອບ 55 ປີ, ສະເຫຼີມສະ ຫຼອງວັນປົດປ່ອຍຜາຖີ່ ແລະ ວັນສ້າງຕັ້ງເມືອງວຽງໄຊ ຄົບ ຮອບ 50 ປີ ໃຫ້ມີເນື້ອໃນເລິກ ເຊິ່ງ ແລະ ເປັນຂະບວນການ ຟົດຟື້ນກວ້າງຂວາງ.