ປທສ ດຳເນີນຊີວິດການເມືອງປັບປຸງປົວແປງພັກ


...

    ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍແຜ່ເອກະສານ ດຳເນີນຊີວິດການ ເມືອງປັບປຸງປົວແປງພັກ ພາຍໃນກະຊວງ ປທສ ຂຶ້ນຫວ່າງບໍ່ ດົນຜ່ານມານີ້ ທີ່ຫ້ອງປະຊຸມໃຫຍ່ຂອງກະ ຊວງດັ່ງກ່າວ ໂດຍການເປັນ ປະທານ ແລະ ເຜີຍແຜ່ເອກະ ສານຂອງສະຫາຍ ທັນສະໄໝ ກົມມະສິດ ກຳມະການສູນ ກາງພັກ ເລຂາຄະນະພັກ ລັດ ຖະມົນຕີກະຊວງ ປທສ, ມີພາກ ສ່ວນທີ່ກ່ຽວຂ້ອງເຂົ້າຮ່ວມ. ການດຳເນີນຊີວິດການ ເມືອງປັບປຸງປົວແປງພັກໃນຄັ້ງ ນີ້ ແມ່ນເພື່ອເຊື່ອມຊຶມ, ເຊີດ ຊູສະຕິຄວາມຮັບຜິດຊອບຂອງ ຄະນະພັກ, ສະມາຊິກພັກ ໃນ ການເຄົາລົບ ແລະ ປະຕິບັດ ບັນດາຫຼັກການກໍ່ສ້າງພັກ, ສ້າງ ແລະ ຍົກລະດັບຄວາມ ສາມາດນຳພາ, ຄວາມເປັນ ແບບຢ່າງນຳພາຂອງຄະນະ ພັກແຕ່ລະຂັ້ນ ແລະ ສະມາຊິກ ພັກ ໂດຍຕິດພັນກັບການກວດ ກາຄືນຄວາມຮັບຮູ້-ເຂົ້າໃຈຕໍ່ ແນວ ທາງນະໂຍບາຍຂອງພັກ, ແກ້ ໄຂປະກົດການຫຍໍ້ທໍ້ຕ່າງໆ ພາຍໃນພັກເຊັ່ນ: ການຖືເບົາ ຝຶກຝົນຫຼໍ່ຫຼອມຕົນເອງ, ປະກົດ ການເສື່ອມຄຸນປ່ຽນທາດ, ພະ ຍາດອາດຍາສິດ, ສໍ້ລາດບັງ ຫຼວງ, ການຝ່າຝືນລະບຽບກົດ ໝາຍ. ທັງນີ້ກໍເພື່ອເປັນການ ເພີ່ມທະວີຄວາມສາມັກຄີເປັນ ປຶກແຜ່ນພາຍໃນພັກ, ພາຍໃນ ຊາດສືບຕໍ່ແນວທາງປ່ຽນແປງ ໃໝ່ຮອບດ້ານໂດຍມີຫຼັກການ ຂອງພັກ, ເດັດດ່ຽວປົກປັກຮັກ ສາ, ພັດທະນາປະເທດຊາດໃຫ້ ກ້າວຂຶ້ນສູ່ຈຸດໝາຍສັງຄົມນິຍົມ ເພື່ອແນໃສ່ໃຫ້ພັກມີຄວາມປອດ ໃສ, ເຂັ້ມແຂງ ແລະ ໜັກແໜ້ນ. ສະຫາຍເລຂາຄະນະພັກ ກະຊວງ ໄດ້ເນັ້ນໜັກໃຫ້ຄະນະ ໜ່ວຍພັກ ແລະ ຄະນະພັກ ຮາກຖານ ທີ່ຂຶ້ນກັບກະຊວງ ປທສ ເອົາໃຈໃສ່ວຽກງານຄຸ້ມ ຄອງ ແລະ ກໍ່ສ້າງພະນັກງານ, ສະມາຊິກພັກໃຫ້ເປັນລະບົບ ຕໍ່ເນື່ອງ, ບັນຈຸ, ສັບຊ້ອນພະ ນັກງານໃຫ້ເໝາະສົມກັບຕຳ ແໜ່ງງານ, ຄົ້ນຄວ້າ, ກຳແໜ້ນ ໃນມະຕິ, ຄຳສັ່ງ, ບົດແນະນຳ ຂອງຄະນະພັກຂັ້ນເທິງ, ນຳພາ ຈັດຕັ້ງເຜີຍແຜ່ໃຫ້ພະນັກງານ ສະມາຊິກພັກເຊື່ອມຊຶມ, ກຳ ແໜ້ນ, ນຳໄປຈັດຕັ້ງຜັນຂະ ຫຍາຍ ແລະ ສະຫຼຸຸບຖອດຖອນ ບົດຮຽນເປັນແຕ່ລະໄລຍະ, ເພີ່ມ ທະວີປັບປຸງແບບແຜນວິທີ ການນຳພາ - ເຮັດວຽກຂອງຄະ ນະພັກ ໂດຍຖືເອົາການປຶກສາ ຫາລືເປັນໝູ່ຄະນະ, ກໍ່ສ້າງພັກ ທາງດ້ານການເມືອງ - ແນວຄິດ ໃຫ້ປອດໃສ, ເຂັ້ມແຂງ ແລະ ໜັກແໜ້ນ, ເພີ່ມທະວີຄວາມ ສາມັກຄີເປັນເອກະພາບພາຍ ໃນພັກ, ສະມາຊິກພັກຕ້ອງຖື ເອົາການຕຳນິຕິຊົມຊຶ່ງກັນ ແລະ ກັນ ເພື່ອປັບປຸງຕົນເອງ ແລະ ວຽກງານໃຫ້ດີຂຶ້ນເປັນກ້າວໆ. ພ້ອມນັ້ນ ທ່ານຍັງໄດ້ເນັ້ນ ຕື່ມໃຫ້ທຸກພາກສ່ວນເອົາໃຈ ໃສ່ສືບຕໍ່ສະໜັບສະໜູນວຽກ ງານ 3 ສ້າງ, ICT ເປັນຕົວຂັບ ເຄື່ອນເສດຖະກິດ, ສົ່ງເສີມໃຫ້ ມີການຂະຫຍາຍເຄືອຂ່າຍ 3G/4G ໃຫ້ຄວບຄຸມທຸກບ້ານ 3 ສ້າງ, ຂະຫຍາຍພື້ນຖານໂຄງ ລ່າງໂທລະຄົມມະນາຄົມ, ສັນ ຍານອິນເຕີເນັດ ຮັບໃຊ້ສັງຄົມ ໃຫ້ດີຂຶ້ນກວ່າເກົ່າ, ປະສານ ສົມທົບພາກສ່ວນທີ່ກ່ຽວຂ້ອງ ໃນການຄຸ້ມຄອງການນຳໃຊ້ສື່ ສັງຄົມອອນລາຍ ເພື່ອຮັບປະ ກັນໃຫ້ມີຈັນຍາບັນ ແລະ ຈັນ ຍາທຳທີ່ດີ.