ກຳມະບານ ທຫລ ຫວນຄືນວັນກຳມະກອນສາກົນ


...

    ສະຫະພັນກຳມະບານ ທະນາຄານ ແຫ່ງ ສປປ ລາວ (ທຫລ) ໄດ້ຈັດຕັ້ງປາຖະກະຖາ ເພື່ອຫວນຄືນວັນກຳມະກອນ ສາກົນ ຄົບຮອບ 131 ປີ (1/5/1886-1/5/2017) ຂຶ້ນ ເມື່ອວັນທີ 13 ພຶດສະພາຜ່ານ ມານີ້ ທີ່ສະຖາບັນການທະນາ ຄານ ໂດຍການປາຖະກະ ຖາຂອງທ່ານ ປ້ານ ນ້ອຍມະນີ ປະທານສູນກາງສະຫະພັນກຳ ມະບານລາວ ຊຶ່ງມີທ່ານ ນາງ ຂັນແກ້ວ ຫຼ້າມະນີເງິນ ປະທານ ສະຫະພັນກຳມະບານ ທຫລ, ບັນດາຄະນະ ພ້ອມດ້ວຍສະ ມາຊິກສະຫະພັນກຳມະບານ ໃນທົ່ວ ທຫລ ເຂົ້າຮ່ວມຢ່າງ ຫຼວງຫຼາຍ. ໃນພິທີ, ທ່ານ ນາງ ຂັນ ແກ້ວ ຫຼ້າມະນີເງິນ ໄດ້ລາຍ ງານການເຄື່ອນໄຫວວຽກງານ ຂອງສະຫະພັນກຳມະບານ ທຫລ ໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ. ຈາກນັ້ນ, ທ່ານ ປ້ານ ນ້ອຍມະນີ ໄດ້ກ່າວສະແດງ ຄວາມຍ້ອງຍໍຊົມເຊີຍຕໍ່ຜົນ ງານ ແລະ ໄຊຊະນະທີ່ສະຫະ ພັນກຳມະບານ ທຫລ ຍາດມາ ໄດ້ໃນໄລຍະຜ່ານມາ, ພ້ອມ ນັ້ນ ທ່ານຍັງໄດ້ຍົກໃຫ້ເຫັນ ເຖິງປະຫວັດແຫ່ງການເຕີບ ໃຫຍ່ຂະຫຍາຍຕົວຂອງອົງ ການຈັດຕັ້ງຂອງກຳມະບານ ໂລກ ກໍຄືຂະບວນກຳມະກອນ ສາກົນ ແລະ ຊາວຜູ້ອອກແຮງ ງານ ພ້ອມທັງຍົກໃຫ້ເຫັນເຖິງ ສະພາບການເຄື່ອນໄຫວຂອງ ອົງການຈັດຕັ້ງກຳມະບານໃນ ທົ່ວໂລກ ເວົ້າລວມແມ່ນການ ປະກອບສ່ວນເຂົ້າໃນການເຮັດ ໜ້າທີ່ ພາລະກຳປະຫວັດສາດ ຂອງຊົນຊັ້ນກຳມະກອນ ຊຶ່ງ ຕາງໜ້າໃຫ້ຊາວຜູ້ອອກແຮງ ງານໃນທົ່ວໂລກ, ຍົກໃຫ້ເຫັນ ເຖິງພາລະກຳປະຫວັດສາດທີ່ ມີລັກສະນະອັນດີເລີດຂອງອົງ ການຈັດຕັ້ງກຳມະບານ ຫຼື ຊົນ ຊັ້ນກຳມະກອນຢູ່ໃນໂລກ. ນອກຈາກນີ້ ທ່ານຍັງໄດ້ຍົກໃຫ້ ເຫັນເຖິງສະພາບລວມພາລະ ບົດບາດການເຄື່ອນໄຫວຂອງ ອົງການຈັດຕັ້ງກຳມະບານ ລາວ ພ້ອມທັງການເສີມຂະ ຫຍາຍມູນເຊື້ອອັນດີງາມ ແລະ ຜົນງານອັນໃຫຍ່ຂອງອົງການ ກຳມະບານລາວຍາດໄດ້ໃນ ໄລຍະຜ່ານມາ ນັບແຕ່ມື້ສ້າງ ຕັ້ງຈົນຮອດປັດຈຸບັນ. ການຈັດຕັ້ງປາຖະກະຖາ ຄັ້ງນີ້ຂຶ້ນ ກໍເພື່ອເປັນການເຮັດ ໃຫ້ບັນດາສະມາຊິກສະຫະພັນ ກຳມະບານ ທຫລ ທຸກຄົນ ເຊື່ອມຊຶມ ແລະ ກຳແໜ້ນເຖິງ ມູນເຊື້ອອັນດີງາມ ແລະ ຜົນ ງານອັນໃຫຍ່ຫຼວງທີ່ອົງການ ກຳມະບານໂລກ ກໍຄືຂະບວນ ການກຳມະກອນສາກົນ ແລະ ອົງການກຳມະບານລາວສ້າງ ໄວ້ ແລະ ຍາດມາໄດ້ນັ້ນ ເພື່ອ ນຳໄປໝູນໃຊ້ເຂົ້າໃນວຽກງານ ວິຊາສະເພາະທີ່ຕົນຮັບຜິດ ຊອບໃຫ້ໄດ້ຮັບຜົນສຳເລັດ. (ຂ່າວ: ທຫລ)