ສານເສົ້າສະຫຼົດໃຈ


    ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ສົ່ງສານສະແດງຄວາມເສົ້າສະຫຼົດໃຈເຖິງທ່ານ ອູ ຕິນ ຈໍ ປະທານາທິບໍດີ ແຫ່ງ ສາທາລະນະລັດ ສະຫະພາບມຽນມາ ເມື່ອວັນທີ 14 ມີຖຸນາຜ່ານມານີ້ ຊຶ່ງມີເນື້ອໃນດັ່ງນີ້: ຂ້າພະ ເຈົ້າ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ທີ່ຊາບຂ່າວ ວ່າ: ເຮືອບິນຂົນສົ່ງລຸ້ນ Y-8-200F ຂອງກອງທັບແຫ່ງ ສາ ທາລະນະລັດສະຫະພາບມຽນມາ ໄດ້ປະສົບອຸບັດເຫດຕົກລົງ ໃນທະເລອັນດາມັນທາງພາກໃຕ້ສຸດຂອງມຽນມາໃນວັນທີ 7 ມີຖຸນາ 2017 ອັນໄດ້ສົ່ງຜົນໃຫ້ຜູ້ໂດຍສານ ແລະ ນັກບິນໄດ້ ເສຍ ຊີວິດທັງໝົດ.
ໃນນາມລັດຖະບານ ແລະ ປະຊາຊົນ ແຫ່ງ ສາທາລະ ນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນ ຕົວ, ຂ້າພະເຈົ້າ ຂໍສະແດງຄວາມໂສກເສົ້າຢ່າງສຸດຊຶ້ງ ແລະ ຄວາມເຫັນໃຈໂດຍຜ່ານທ່ານໄປຍັງລັດຖະບານ ແລະ ປະຊາ ຊົນແຫ່ງ ສາທາລະນະລັດ ສະຫະພາບ ມຽນມາ ໂດຍສະເພາະ ຕໍ່ຄອບຄົວຂອງຜູ້ປະສົບເຄາະຮ້າຍຈາກອຸບັດເຫດໃນຄັ້ງນີ້. .