ປະທານສະພາ ຕ້ອນຮັບຄະນະຜູ້ແທນ ຫວຽດນາມ


...

     ສະຫາຍ ນາງ ປານີ ຢາທໍ່ຕູ້ ກຳມະການກົມການ ເມືອງສູນກາງພັກ ປະທານສະ ພາແຫ່ງຊາດ ໄດ້ຕ້ອນຮັບການ ເຂົ້າຢ້ຽມຂ່ຳນັບຂອງສະຫາຍ ເຈີນ ວັນ ຕຸຍ ກຳມະການສູນ ກາງພັກ ກຳມະການຄະນະປະ ຈຳສະພາແຫ່ງຊາດ ຫົວໜ້າ ຄະນະກິດຈະການສະພາແຫ່ງ ຊາດ ຫວຽດນາມ ໃນວັນທີ 16 ກຸມພານີ້, ທີ່ຫ້ອງຮັບແຂກສະ ພາແຫ່ງຊາດ. ໃນໂອກາດນີ້, ສະຫາຍ ນາງ ປານີ ຢາທໍ່ຕູ້ ໄດ້ສະແດງ ຄວາມຕ້ອນຮັບຊົມເຊີຍຕໍ່ສະ ຫາຍ ເຈີນ ວັນ ຕຸຍ ພ້ອມດ້ວຍ ຄະນະທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງເປັນ ການປະກອບສ່ວນເພີ່ມພູນ ຄູນສ້າງສາຍພົວພັນມິດຕະ ພາບ ແລະ ຄວາມສາມັກຄີແບບ ພິເສດ ແລະ ການຮ່ວມມືຮອບ ດ້ານ ລະຫວ່າງສອງພັກ-ສອງ ລັດ ແລະ ປະຊາຊົນທັງສອງ ຊາດ ໂດຍສະເພາະແມ່ນຮ່ວມ ມືຮັດແໜ້ນ ລະຫວ່າງສະຖາ ບັນຄົ້ນຄວ້ານິຕິກຳ ສະພາແຫ່ງ ຊາດລາວ-ຄະນະກິດຈະການ ສະພາແຫ່ງຊາດ ຫວຽດນາມທີ່ ເຄີຍມີມາແລ້ວນັ້ນໃຫ້ນັບມື້ແຕກ ດອກອອກຜົນ ແລະ ຂະຫຍາຍ ຕົວເຂົ້າສູ່ລວງເລິກ. ຈາກນັ້ນ ສະຫາຍ ເຈີນ ວັນ ຕຸຍ ຕາງ ໜ້າກັບຄະນະ ສະແດງຄວາມ ຂອບໃຈຕໍ່ສະຫາຍ ນາງ ປານີ ຢາທໍ່ຕູ້ ທີ່ໄດ້ໃຫ້ການຕ້ອນຮັບ ອັນອົບອຸ່ນ. ໃນວັນດຽວກັນທີ່ຫ້ອງປະ ຊຸມສະພາແຫ່ງຊາດກໍໄດ້ຈັດ ໃຫ້ມີກອງປະຊຸມ ພົບປະສອງ ຝ່າຍ ລະຫວ່າງສະຖາບັນຄົ້ນ ຄວ້ານິຕິກຳ ສະພາແຫ່ງຊາດ ລາວ ກັບຄະນະກິດຈະການ ສະພາແຫ່ງຊາດ ຫວຽດນາມ, ຕາງໜ້າຝ່າຍລາວ ນຳໂດຍສະ ຫາຍ ຄຳເຜີຍ ປານມະໄລທອງ ຫົວໜ້າສະຖາບັນຄົ້ນຄວ້ານິຕິ ກຳສະພາແຫ່ງຊາດ, ຝ່າຍຫວຽດ ນາມ ນຳໂດຍສະຫາຍ ເຈີນ ວັນ ຕຸຍ ໃນການພົບປະຄັ້ງນີ້ ຕ່າງຝ່າຍ ຕ່າງກໍໄດ້ແຈ້ງສະ ພາບການເຄື່ອນໄຫວວຽກງານ ໃຫ້ກັນ ແລະ ກັນຊາບ ໂດຍ ສະເພາະແມ່ນໄດ້ທົບທວນຄືນ ການຮ່ວມມືຮອບດ້ານລະຫວ່າງ ສະຖາບັນຄົ້ນຄວ້ານິຕິກຳ ສະ ພາແຫ່ງຊາດລາວ-ສູນບຳລຸງ ຜູ້ແທນສະພາແຫ່ງຊາດ ສສ ຫວຽດນາມທີ່ຜ່ານມາ, ເຫັນວ່າ ມີຜົນສຳເລັດເປັນຢ່າງດີ, ເປັນ ຕົ້ນ ໃນການຊ່ວຍເຫຼືອຍົກລະ ດັບໃຫ້ແກ່ຜູ້ແທນ ແລະ ວິຊາ ການຂອງລາວ, ສອງຝ່າຍໄດ້ ສ້າງບົດຊ່ວຍຈຳຮ່ວມກັນ, ຮ່ວມ ມືສາງແຜນ ແລະ ໂຄງການຝຶກ ອົບຮົມປະຈຳປີ, ເອກະພາບ ໃນ ຫົວຂໍ້ຝຶກອົບຮົມ, ກຳນົດຂອບ ເຂດເນື້ອໃນ, ຮູບການ ແລະ ວິທີການຝຶກອົບຮົມ, ສ້າງກົນ ໄກປະສານງານລະອຽດ ພ້ອມ ທັງຈັດຝຶກອົບຮົມຢູ່ ສປປ ລາວ - ສສ ຫວຽດນາມ ເພື່ອສືບຕໍ່ ເສີມຂະຫຍາຍຜົນສຳເລັດການ ຮ່ວມມື ໃນໄລຍະຜ່ານມາ ແລະ ສືບຕໍ່ຮ່ວມມືຮອບດ້ານລະຫວ່າງ ສອງຝ່າຍໃຫ້ມີການໄປມາຫາ ສູ່ກັນ, ພົບປະກັນ ເພື່ອໃຫ້ມີ ການສະຫຼຸຸບຕີລາຄາ ແລະ ຮ່ວມ ມືວຽກງານນຳກັນໃນຕໍ່ໜ້າພ້ອມ ທັງສະເໜີໃຫ້ທາງຝ່າຍຫວຽດ ນາມຊ່ວຍຝ່າຍລາວ ໃນການ ສ້າງແຜນຝຶກອົບຮົມປີ 2016- 2020, ຝ່າຍລາວຍັງມີຄວາມ ຈຳເປັນໃນການເຊີນບັນດາສະ ຫາຍຫວຽດນາມມາຊ່ວຍຂຶ້ນ ຫ້ອງບັນລະຍາຍໃຫ້ແກ່ການ ຝຶກອົບຮົມຢູ່ລາວ ແລະ ວຽກ ງານອື່ນໆ. (ຂ່າວ: ນ. ແສງຈັນ)