ຮອງປະທານປະເທດ ຢ້ຽມຢາມໂຄງການກໍ່ສ້າງອະນຸສອນສະຖານກອງຮ້ອຍລາດຊະວົງ


...

    ເມື່ອບໍ່ດົນມານີ້ ທ່ານ ພັນຄຳ ວິພາວັນ ຮອງປະທານ ປະເທດ ພ້ອມດ້ວຍຄະນະໄດ້ ເດີນທາງຢ້ຽມຢາມໂຄງການກໍ່ ສ້າງອະນຸສອນສະຖານກອງ ຮ້ອຍລາດຊະວົງ ຢູ່ຈຸດຖ້ຳແມ ເມືອງຊຽງຄໍ້ ແຂວງຫົວພັນ ທີ່ ໄດ້ສຳເລັດການກໍ່ສ້າງຢ່າງ ເປັນທາງການ ຊຶ່ງໃຫ້ການ ຕ້ອນຮັບຢ່າງອົບອຸ່ນຂອງທ່ານ ວັນໄຊ ແພງຊຸມມາ ເຈົ້າແຂວງ ຫົວພັນ ພ້ອມດ້ວຍການນຳຂັ້ນ ແຂວງ ແລະ ບໍລິສັດຜູ້ຮັບເໝົາ ເຂົ້າຣ່ວມຢ່າງພ້ອມພຽງ. ໂອກາດດຽວກັນ ກໍໄດ້ ຢ້ຽມຊົມຫໍມູນເຊື້ອກອງຮ້ອຍ ລາດຊະວົງ, ຮູບປັ້ນທ່ານຜູ້ນຳ25 ທ່ານ, ເສັ້ນທາງເຂົ້າສູ່ຖ້ຳ, ຮ່ອງຮອຍປະຫວັດສາດທີ່ເປັນ ບ່ອນເຕົ້າໂຮມນັ້ນ. ທ່ານ ຄຳຫຼ້າ ດວງພະສຸກ ຜູ້ອຳນວຍການບໍລິສັດດວງພະ ສຸກກໍ່ສ້າງສ້ອມແປງຂົວ-ທາງ ເຄຫາສະຖານ ແລະ ຊົນລະ ປະທານຈຳກັດຜູ້ດຽວໃຫ້ສຳ ພາດວ່າ: ໂຄງການດັ່ງກ່າວໄດ້ ເລີ່ມລົງມືຈັດຕັ້ງປະຕິບັດມາ ແຕ່ເດືອນມີຖຸນາ 2015 ຈົນ ເຖິງປັດຈຸບັນ ຖືວ່າພວກເຮົາ ສຳເລັດ 100% ແລະ ສຳເລັດ ກ່ອນແຜນການ 10 ເດືອນ ປະ ກອບມີ 17 ກິດຈະການປະ ກອບມີ: ການກໍ່ສ້າງຫໍມູນເຊື້ອ, ກໍ່ສ້າງລະບົບຮ່ອງລະບາຍນ້ຳ, ຝາກັນເຈື່ອນ ແລະ ທໍ່ລອດ ທາງ, ກໍ່ສ້າງຫ້ອງນ້ຳລວມ ແລະ ຫໍໄຫວ້, ກໍ່ສ້າງເດີ່ນ, ສວນດອກໄມ້, ນ້ຳພຸ ແລະ ຕັ່ງນັ່ງພັກຜ່ອນດ້ວຍຫີນ, ກໍ່ ສ້າງປ້ອມຍາມ, ກໍ່ສ້າງປະຕູ ໂຂງ, ກໍ່ສ້າງລະບົບນ້ຳໃຊ້, ກໍ່ ສ້າງລະບົບໄຟຟ້າ, ກໍ່ສ້າງຮູບ ປັ້ນປະທານ ໄກສອນ ພົມວິ ຫານ ແລະ ຜູ້ນຳ 25 ທ່ານ, ກໍ່ສ້າງເສັ້ນທາງແຕ່ບ້ານຫ້ວຍ ລາງຫາບ້ານສົບວັ້ນຄວາມ ຍາວ 3,4 ກິໂລແມັດ, ກໍ່ສ້າງ ສະໜາມບິນຮັບໃຊ້ການນຳ, ກໍ່ສ້າງຫ້ອງການ ແລະ ເຮືອນ ນອນ, ກໍ່ສ້າງເດີ່ນຈອດລົດ, ກໍ່ ສ້າງສາລາພັກຜ່ອນຈຳນວນ 4 ຫຼັງ, ບູລະນະຖ້ຳ ແລະ ສະ ຖານທີ່ຕ່າງໆຈຳນວນ 3 ຈຸດ, ກໍ່ສ້າງເສັ້ນທາງຍ່າງໄປຫາຖ້ຳ ອາບນ້ຳ ແລະ ສຸດທ້າຍແມ່ນ ກໍ່ສ້າງເຂື່ອນຝາຍນ້ຳລົ້ນ (ອ່າງ ເກັບນ້ຳ) ລວມມູນຄ່າການກໍ່ ສ້າງທັງໝົດຂອງໂຄງການຈຳ ນວນ 113,99 ຕື້ກີບ. ທ່ານ ຄຳຫຼ້າ ກ່າວຕື່ມວ່າ: ສຳລັບພິທີມອບ-ຮັບ ແລະ ສະ ເຫຼີມສະຫຼອງຄາດວ່າຈະຈັດ ຂຶ້ນໃນໄວໆນີ້ຕາມເວລາອັນ ສົມຄວນ, ຜ່ານການຈັດຕັ້ງປະ ຕິບັດຕົວຈິງໃນໄລຍະຜ່ານມາ ທາງບໍລິສັດໄດ້ເຮັດວຽກເພີ່ມ ເຊັ່ນ: ປະດິດຮູບປັ້ນ ທ່ານ ສີ ສະຫວາດ ແກ້ວບຸນພັນ ແລະ ໜ້າວຽກເສີມຈຳນວນໜຶ່ງ. ໂອກາດດຽວກັນ, ທ່ານ ພັນຄຳ ວິພາວັນ ກໍໄດ້ຍ້ອງຍໍ ຊົມເຊີຍທີ່ທາງບໍລິສັດຜູ້ຮັບ ເໝົາທີ່ເຮັດສຳເລັດຕາມແຜນ ການ, ເປັນໄປຕາມແບບແຜນ- ເຕັກນິກ ແລະ ຄຸນນະພາບທີ່ ກຳນົດໄວ້. ນອກນັ້ນ ທ່ານຍັງ ໄດ້ແນະນຳວຽກເພີ່ມຈຳນວນ ໜຶ່ງ ເພື່ອຮັກສາຮ່ອງຮອຍປະ ຫວັດສາດ ເປັນຕົ້ນແມ່ນ: ເສັ້ນ ທາງໄປຖ້ຳ ແລະ ໃຫ້ມີການ ປົກປັກຮັກສາທຳມະຊາດທີ່ມີ ຢູ່ແລ້ວໃຫ້ຄົງໄວ້ຄືເກົ່າ ເພື່ອ ເປັນມູນເຊື້ອປະຫວັດສາດໃຫ້ ແກ່ນັກທ່ອງທ່ຽວ ກໍຄືຄົນຮຸ່ນ ໃໝ່ໄດ້ສຶກສາກ່ຽວກັບປະຫວັດ ສາດການຕໍ່ສູ້ໃນສະໄໝນັ້ນ.