ສຳມະນາການປັບປຸງລັດຖະບັນຍັດ ວ່າດ້ວຍຄ່າທຳນຽມ ແລະ ຄ່າບໍລິການ


...

    ກະຊວງການເງິນໄດ້ຈັດ ກອງປະຊຸມສຳມະນາກ່ຽວກັບ ການປັບປຸງລັດຖະບັນຍັດຂອງ ປະທານປະເທດ ເລກທີ 003/ ປປທ ລົງວັນທີ 26 ທັນວາ 2012 ວ່າດ້ວຍຄ່າທຳນຽມ ແລະ ຄ່າບໍລິການຂຶ້ນເມື່ອວັນທີ 16 ພຶດສະພານີ້ ທີ່ສູນຝຶກອົບ ຮົມລາວ - ຍີ່ປຸ່ນ (ICTC) ນະ ຄອນຫຼວງວຽງຈັນ ໂດຍການ ເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນ ຕີ ລັດຖະມົນຕີກະຊວງການ ເງິນ ຊຶ່ງມີບັນດາແຂກຖືກເຊີນ ແລະ ພາກສ່ວນຂະແໜງຕ່າງໆ ທີ່ກ່ຽວຂ້ອງເຂົ້າຮ່ວມ. ທ່ານ ສົມດີ ດວງດີ ກ່າວ ວ່າ: ເພື່ອຈັດຕັ້ງຜັນຂະຫຍາຍ ເນື້ອໃນຂອງກອງປະຊຸມໃຫຍ່ ຄັ້ງທີ X ຂອງພັກໃຫ້ປະກົດຜົນ ເປັນຈິງ ແລະ ເພື່ອເຮັດແນວ ໃດໃຫ້ຍຸດທະສາດວ່າດ້ວຍການ ລົບລ້າງຄວາມທຸກຍາກຂອງ ປະຊາຊົນບັນດາເຜົ່າ ແລະ ເຮັດໃຫ້ປະເທດລາວຫຼຸຸດ ພົ້ນອອກຈາກການເປັນປະ ເທດດ້ອຍພັດທະນາ ໃນປີ 2020 ໃຫ້ປະກົດຜົນເປັນຈິງ, ລັດຖະບານໄດ້ມີທິດຊີ້ນຳໃຫ້ ກະຊວງການເງິນເກັບລາຍຮັບ ເຂົ້າງົບປະມານແຫ່ງລັດໃຫ້ ຖືກຕ້ອງ, ຄົບຖ້ວນ ແລະ ໜຶ່ງ ໃນບັນດາເຄື່ອງມືຂອງການ ເກັບລາຍຮັບເຂົ້າງົບປະມານ ແຫ່ງລັດກໍຄືລັດຖະບັນຍັດວ່າ ດ້ວຍຄ່າທຳນຽມ ແລະ ຄ່າບໍ ລິການ. ໜຶ່ງໃນບັນດາບຸລິມະສິດ ຕົ້ນຕໍທີ່ພວກເຮົາພວມກະກຽມ ຢ່າງເຄັ່ງຮ້ອນ ກໍແມ່ນການປັບ ປຸງລັດຖະບັນຍັດວ່າດ້ວຍຄ່າ ທຳນຽມ ແລະ ຄ່າບໍລິການຂອງ ບັນດາຂະແໜງການຕ່າງໆໃຫ້ ມີຄວາມຖືກຕ້ອງ, ສອດຄ່ອງ ແລະ ເປັນເອກະພາບກັນໃນ ຂອບເຂດທົ່ວປະເທດ ເນື່ອງ ຈາກວ່າຍັງມີບາງລາຍການອັດ ຕາການເກັບຕ່ຳ ບໍ່ສອດຄ່ອງ ກັບສະພາບການຂະຫຍາຍຕົວ ຂອງເສດຖະກິດໃນປັດຈຸບັນ, ມີບາງລາຍການເກັບສູງ, ການ ເກັບຂອງບາງທ້ອງຖິ່ນບໍ່ຄືກັນ, ບໍ່ເປັນເອກະພາບກັນ ແລະ ຍິ່ງ ໄປກວ່ານັ້ນມີບາງຂະແໜງ ການເກັບຕາມລະບຽບຂອງ ຕົນກຳນົດຂຶ້ນເອງ, ການເກັບ ກໍຍັງບໍ່ທັນທົ່ວເຖິງ, ເກັບແລ້ວ ກໍນຳໄປໃຊ້ຈ່າຍເອງໂດຍບໍ່ ຜ່ານງົບປະມານກໍຍັງມີຢູ່. ດ້ວຍສາເຫດທີ່ໄດ້ກ່າວ ມາຂ້າງເທິງນີ້ ພວກເຮົາເຫັນ ວ່າຕ້ອງໄດ້ຮີບຮ້ອນປັບປຸງ ກ່ອນທີ່ຈະນຳສະເໜີຜ່ານກອງ ປະຊຸມລັດຖະບານປະຈຳ ເດືອນ 5 ປີ 2017 ນີ້, ການປັບ ປຸງໃນຄັ້ງນີ້ແມ່ນໄດ້ຈັດເປັນ 4 ກຸ່ມ ເພື່ອຄວາມສະດວກໃນ ການຄົ້ນຄວ້າປຶກສາຫາລືໃນ ການປັບປຸງ, ໃນນີ້ແຕ່ລະກຸ່ມກໍ ຈະໄດ້ນຳສະເໜີເຫດຜົນໂດຍ ຫຍໍ້ໃນການປັບປຸງຂອງແຕ່ລະ ຂະແໜງການ, ສະນັ້ນ ກອງປະ ຊຸມສຳມະນາໃນມື້ນີ້ແມ່ນໄດ້ ເປີດກວ້າງໃຫ້ບັນດາທ່ານໄດ້ ມີຄຳເຫັນຕໍ່ກັບເນື້ອໃນການ ປັບປຸງດັ່ງກ່າວ ວ່າຍັງມີອັນໃດ ທີ່ຍັງຕ້ອງໄດ້ປັບປຸງ ຫຼື ເພີ່ມ ເຕີມຕື່ມ ໃຫ້ມີຄວາມຖືກຕ້ອງ, ສອດຄ່ອງກັບຕົວຈິງ ແລະ ສາ ມາດຈັດຕັ້ງປະຕິບັດໄດ້, ການສຳມະນາດັ່ງກ່າວ ໄດ້ດຳເນີນໄປເປັນເວລາ 1 ວັນ ຊຶ່ງບັນດາຜູ້ເຂົ້າຮ່ວມໄດ້ຮັບ ຟັງການລາຍງານສະພາບ ການປັບປຸງລັດຖະບັນຍັດວ່າ ດ້ວຍຄ່າທຳນຽມ ແລະ ຄ່າບໍລິ ການ ພ້ອມກັນນັ້ນກໍໄດ້ຮັບຟັງ 4 ກຸ່ມຄື: ກຸ່ມເສດຖະກິດ - ບໍ ລິການ, ກຸ່ມເສດຖະກິດ - ການ ຜະລິດ, ກຸ່ມວັດທະນະທຳ - ສັງຄົມ ແລະ ກຸ່ມຍຸຕິທຳ - ການ ປົກຄອງ ນຳສະເໜີສະພາບ, ເຫດຜົນ ແລະ ອັນທີ່ພົ້ນເດັ່ນ ໃນການປັບປຸງລັດຖະບັນຍັດ ດັ່ງກ່າວຕື່ມອີກ. (ຂ່າວ: ກາວັນທີ)