ຜົນກອງປະຊຸມລັດຖະບານສະໄໝວິສາມັນ ປະຈຳເດືອນກໍລະກົດ 2017


...

    ເພື່ອຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ ທີ່ວ່າ: ຕ້ອງສ້າງລັດປະຊາທິປະ ໄຕ ປະຊາຊົນລາວ ໃຫ້ກາຍເປັນລັດທີ່ປົກຄອງດ້ວຍກົດໝາຍ ຕາມທິດນຳທີ່ວ່າ "ພັກ ນຳພາ ແລະ ກຳອຳນາດຕາມກົດໝາຍ, ລັດຄຸ້ມຄອງສັງຄົມດ້ວຍກົດໝາຍ, ປະຊາຊົນ ເປັນເຈົ້າສະເໝີພາບຕໍ່ ໜ້າກົດໝາຍ". ພ້ອມກັນນີ້ ເພື່ອຈັດຕັ້ງປະຕິບັດແຜນການສ້າງ ແລະ ປັບປຸງກົດໝາຍ ທີ່ສະພາແຫ່ງຊາດໄດ້ຮັບຮອງໃນໄລຍະແຕ່ນີ້ຮອດປີ 2020 ໃຫ້ໄດ້ຕາມຄາດໝາຍທີ່ວາງ ໄວ້. ດັ່ງນັ້ນ ລັດຖະບານຈຶ່ງໄດ້ ດຳເນີນກອງປະຊຸມສະໄໝສາ ມັນ ຢູ່ທີ່ສຳນັກງານນາຍົກລັດ ຖະມົນຕີ ໃນວັນທີ 13 ແລະ ອັດລົງໃນຕອນເຊົ້າຂອງວັນທີ 14 ກໍລະກົດ 2017, ພາຍໃຕ້ ການເປັນປະທານຂອງທ່ານ ທອງລຸນ ສີສຸລິດ ນາຍົກລັດ ຖະມົນຕີ, ມີບັນດາທ່ານຮອງ ນາຍົກລັດຖະມົນຕີ ແລະ ສະ ມາຊິກລັດຖະບານ ພ້ອມດ້ວຍ ແຂກຖືກເຊີນເຂົ້າຮ່ວມຢ່າງ ພ້ອມພຽງ. ກອງປະຊຸມລັດຖະບານ ສະໄໝສາມັນຄັ້ງນີ້ ໄດ້ພ້ອມ ກັນສຸມໃສ່ປຶກສາຫາລື, ປະ ກອບຄຳຄິດຄຳເຫັນ ແລະ ພິຈາລະນາຮັບຮອງເອົາການ ສ້າງ ແລະ ປັບປຸງບັນດາຮ່າງ ກົດໝາຍຈຳນວນ 07 ສະບັບ ດັ່ງນີ້:
1. ຮ່າງກົດໝາຍວ່າດ້ວຍ ການປົກປ້ອງອຸດສາຫະກຳ ພາຍໃນ (ສະບັບຮ່າງສ້າງໃໝ່);
2. ຮ່າງກົດໝາຍວ່າດ້ວຍ ການກັນ ແລະ ຄວບຄຸມພະ ຍາດຕິດຕໍ່ (ສະບັບຮ່າງສ້າງ ໃໝ່);
3. ຮ່າງກົດໝາຍວ່າດ້ວຍ ສັນຊາດລາວ (ສະບັບປັບປຸງ);
4. ຮ່າງກົດໝາຍວ່າດ້ວຍ ອຸຕຸນິຍົມ ແລະ ອຸທົກກະສາດ (ສະບັບຮ່າງສ້າງໃໝ່);
5. ຮ່າງກົດໝາຍວ່າດ້ວຍ ການຖ່າຍທອດເຕັກໂນໂລຊີ (ສະບັບຮ່າງສ້າງໃໝ່);
6. ຮ່າງກົດໝາຍວ່າດ້ວຍ ລະບົບການຊຳລະ (ສະບັບ ຮ່າງສ້າງໃໝ່);
7. ຮ່າງກົດໝາຍວ່າດ້ວຍ ຜັງເມືອງ (ສະບັບປັບປຸງ).
ຕໍ່ກັບບັນດາຮ່າງກົດໝາຍ ດັ່ງກ່າວ, ກອງປະຊຸມໄດ້ຊີ້ນຳ ໃຫ້ບັນດາກະຊວງທີ່ກ່ຽວຂ້ອງ ນຳໄປປັບປຸງຕື່ມ ຕາມການປະ ກອບຄຳເຫັນຂອງສະມາຊິກ ລັດຖະບານ ເປັນຕົ້ນເອົາໃຈ ໃສ່ປັບປຸງເນື້ອໃນ, ບັນດາຄຳ ສັບ, ສຳນວນທີ່ກຳນົດໃນບາງ ໝວດ-ບາງມາດຕາ, ຊື່ຂອງ ກົດໝາຍ ແລະ ອື່ນໆ ເພື່ອ ເຮັດໃຫ້ບັນດາຮ່າງກົດໝາຍ ດັ່ງກ່າວ ມີເນື້ອໃນຄົບຖ້ວນ ຊັດເຈນ, ຈະແຈ້ງ ແລະ ຮັດກຸມ ກ່ອນຈະນຳສະເໜີສະພາແຫ່ງ ຊາດ ພິຈາລະນາຮັບຮອງເອົາ ໃນກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ VIII ໃນທ້າຍເດືອນຕຸລາ 2017 ທີ່ຈະມາເຖິງນີ້. ໃນຕອນທ້າຍຂອງກອງ ປະຊຸມ, ທ່ານນາຍົກລັດຖະມົນ ຕີ ໄດ້ຊີ້ນຳໃຫ້ສະມາຊິກລັດ ຖະບານ ຕ້ອງເພີ່ມທະວີຄວາມ ຮັບຜິດຊອບ ໃນການກະກຽມ ເອກະສານທີ່ຈະນຳເຂົ້າຜ່ານ ກອງປະຊຸມລັດຖະບານ ສະ ໄໝສາມັນປະຈຳເດືອນກໍລະ ກົດ 2017 ນີ້ ໂດຍສະເພາະ ໃຫ້ເອົາໃຈໃສ່ໃນການກະກຽມ ບັນດາຮ່າງກົດໝາຍຈຳນວນ 6 ສະບັບ ທີ່ບໍ່ທັນຜ່ານກອງ ປະຊຸມລັດຖະບານໃຫ້ມີເນື້ອ ໃນຖືກຕ້ອງ, ຄົບຖ້ວນ, ຈະແຈ້ງ ແລະ ຮັດກຸມ ເພື່ອນຳສະເໜີ ເຂົ້າພິຈາລະນາໃນກອງປະຊຸມ ສະໄໝສາມັນຂອງສະພາແຫ່ງ ຊາດເທື່ອທີ 4 ໃຫ້ທັນຕາມກຳ ນົດເວລາ.