ຄະນະພົວພັນຕ່າງປະເທດສູນກາງພັກສຳເລັດ ບັ້ນດຳເນີນຊີວິດການເມືອງປັບປຸງປົວແປງພັກ


...

     ການດຳເນີນຊີວິດການ ເມືອງປັບປຸງປົວແປງທົ່ວພັກ ຄະນະພົວພັນຕ່າງປະເທດສູນ ກາງພັກ, ໄດ້ສຳເລັດໃນວັນທີ 14 ກໍລະກົດນີ້ ທີ່ຫ້ອງປະປຊຸມ ຄະນະພົວພັນດັ່ງກ່າວ ໂດຍ ການໃຫ້ກຽດເຂົ້າຮ່ວມ ແລະ ໂອ້ລົມຂອງ ສະຫາຍ ຈັນສີ ໂພສີຄຳ ກຳມະການກົມການ ເມືອງສູນກາງພັກ, ເລຂາທິ ການສູນກາງພັກ, ຫົວໜ້າຄະ ນະຈັດຕັ້ງສູນກາງພັກ, ຜູ້ປະ ຈຳການຄະນະຮັບຜິດຊອບ ບັ້ນດຳເນີນຊີວິດການເມືອງ ປັບປຸງປົວແປງພັກປະຈຳປີ 2017, ມີບັນດາສະຫາຍຄະນະ ພັກ, ຄະນະນຳ, ເລຂາໜ່ວຍ ພັກ, ຕະຫຼອດຮອດສະມາຊິກ ພັກເຂົ້າຮ່ວມ. ໃນພິທີ ສະຫາຍ ນາງ ສູນທອນ ໄຊຍະຈັກ ກຳມະ ການສູນກາງພັກ, ເລຂາຄະນະ ພັກ, ຫົວໜ້າຄະນະພົວພັນຕ່າງ ປະເທດສູນກາງພັກ ໄດ້ຜ່ານ ບົດສະຫຼຸຸບຕີຄາລາຕະຫຼອດໄລຍະ ບັ້ນດຳເນີນຊີວິດການເມືອງ ປັບປຸງປົວແປງພັກທົ່ວອົງຄະ ນະພັກຂອງຕົນ ມາແຕ່ວັນທີ 7 ກໍລະກົດທີ່ຜ່ານມາ, ຊຶ່ງໄດ້ຕີລາ ຄາສູງຄວາມຮັບຜິດຊອບຂອງ ພະນັກງານສະມາຊິກທົ່ວອົງ ຄະນະພັກ, ໃນການປະກອບ ຄຳຄິດຄຳເຫັນ, ຕຳນິຕິຊົມເຊິ່ງ ກັນ ແລະ ກັນ ຢ່າງກົງໄປກົງມາ ຕາມເນື້ອໃນເອກະສານທີ່ໄດ້ ນຳມາເຜີຍແຜ່ເຊື່ອມຊຶມ ແລະ ໄດ້ປະຕິບັດຢ່າງຖືກຕ້ອງຕາມ ຂັ້ນຕອນທີ່ກົມການເມືອງກໍ ຄືຄະນະຮັບຜິດຊອບບັ້ນດຳ ເນີນຊີວິດການເມືອງປັບປຸງປົວ ແປງທົ່ວພັກວາງອອກເຮັດໃຫ້ ບັ້ນດຳເນີນຊີວິດການເມືອງສຳ ເລັດຜົນຢ່າງຈົບງາມ. ກອງປະຊຸມຍັງໄດ້ຮັບຟັງ ການໂອ້ລົມ ແລະ ຊີ້ນຳຈາກ ສະຫາຍ ຈັນສີ ໂພສີຄຳ ຊຶ່ງ ສະຫາຍໄດ້ຊົມເຊີຍ ແລະ ຕີລາຄາສູງຕໍ່ຜົນສຳເລັດຂອງ ບັ້ນດຳເນີນຊີວິດການເມືອງ ທົ່ວອົງຄະນະພັກ ຄະນະພົວ ພັນຕ່າງປະເທດສູນກາງພັກ, ຍົກໃຫ້ເຫັນບັນດາທິດທາງໜ້າ ທີ່ ທີ່ຄະນະພັກຈະຕ້ອງໄດ້ສືບ ຕໍ່ປະຕິບັດ ເພື່ອເຮັດສຳເລັດ ໜ້າທີ່ການເມືອງທີ່ໄດ້ຮັບມອບ ໝາຍ, ພ້ອມທັງໃຫ້ຄະນະພົວ ພັນເອົາໃຈໃສ່ປັບປຸງກົນໄກ ການປະສານງານ, ສ້າງນິຕິກຳ ທີ່ຈຳເປັນໃນການເຄື່ອນໄຫວ ຕ່າງປະເທດ, ຍົກສູງຄວາມຮັບ ຜິດຊອບໃນການເປັນເສນາທິ ການດ້ານຕ່າງປະເທດໃຫ້ສູນ ກາງພັກ ເພື່ອສືບຕໍ່ປະຕິບັດ ແນວທາງການຕ່າງປະເທດ, ສັນຕິພາບ, ເອກະລາດ, ມິດ ຕະພາບ ແລະ ການຮ່ວມມື ຢ່າງສະເໝີຕົ້ນສະເໝີປາຍ. ສະຫາຍ ຈັນສີ ໂພສີຄຳ ກ່າວຕື່ມວ່າ: ຄະນະພັກ, ສະມາ ຊິກພັກທົ່ວອົງຄະນະພັກພົວ ພັນຕ່າງປະເທດ ຕ້ອງມີຄຸນທາດ ການເມືອງທີ່ໜັກແໜ້ນ, ມີຄຸນ ສົມບັດສິນທຳປະຕິວັດ, ມີແບບ ແຜນການດຳລົງຊີວິດ,ພາຍ ໃນພັກໜັກແໜ້ນເຂັ້ມແຂງ, ຄະນະພັກ-ຄະນະນຳແມ່ນໄດ້ ຮັບຄວາມໄວ້ວາງໃຈຈາກສະ ມາຊິກດັ່ງນັ້ນຈຶ່ງສະເໜີໃຫ້ຄະ ນະພັກ, ຄະນະນຳ ແລະ ສະມາ ຊິກພັກທຸກສະຫາຍສືບຕໍ່ເສີມ ຂະຫຍາຍສິ່ງທີ່ດີໄວ້ໃຫ້ຢືນຍົງ, ແກ້ໄຂຈຸດອ່ອນ ແລະ ຂໍ້ຄົງຄ້າງ ໃຫ້ນັບມື້ດີຂຶ້ນເລື້ອຍໆໃນຕໍ່ ໜ້າແມ່ນໃຫ້ສືບຕໍ່ເອົາໃຈໃສ່ ຝຶກຝົນຄຸນທາດການເມືອງໃຫ້ ໜັກແໜ້ນ (ສະມາຊິກພັກຖ້າ ຂາດຄຸນທາດການເມືອງແມ່ນ ຂາດວິນຍານປະຕິວັດ), ສະມາ ຊິກພັກຕ້ອງມີທັດສະນະມະ ຫາຊົນ ແລະ ຈຳແນກໄດ້ມິດ ແລະ ສັດຕູຢ່າງຈະແຈ້ງ,ຕ້ອງ ໄດ້ຝຶກຝົນຫຼໍ່ຫຼອມຄຸນສົມບັດ ສິນທຳປະຕິວັດຢ່າງສະເໝີ ຕົ້ນສະເໝີປາຍ, ມີນ້ຳໃຈຮັກ ຊາດອັນດູດດື່ມກ້າເສຍສະຫຼະ ເພື່ອປະເທດຊາດຢ່າງແທ້ຈິງ, ບຸກບືນຄົ້ນຄວ້າຮ່ຳຮຽນຢ່າງບໍ່ ຢຸດຢັ້ງ, ຮຽນນຳໝູ່ເພື່ອນ, ຮຽນ ນຳປື້ມເອກະສານຕ່າງໆໂດຍ ສະເພາະວຽກງານການຕ່າງ ປະເທດ, ເພີ່ມທະວີສາຍພົວ ພັນມິດຕະພາບ ແລະ ການ ຮ່ວມມືກັບຕ່າງປະເທດ ແລະ ວຽກງານອື່ນໆ. (ຂ່າວ: ແສງຈັນ)